मरकुस 2:14 - पुना गच्छरना NT (BSI)

¹⁴ आस कानुम कानुम हल‍फैसी ख़द्दस लेवीसिन मालगुजारी ऊज'‍ऊ एड़पा नू उक्‍का ईरियस। येसुस आसिन बाचस, “एंग्‍है गने चॊंख़्र'आ।” होले आस चॊचस ती आसी गने चॊंख़्रस।

मरकुस 2:14 ပူးပေါင်းရင်းမြစ်များ

मत्तायोस 8:22

लिकिन येसुस आसिन बाचस, “अक्‍कु एंग्‍है गने चॊंख़्र'आ, केचकारिन तम्‍है बॊलता नू केचका आलर माड़नर नेकअन।”

मरकुस 2:15

ख़ॊख़ा येसुस लेवीसी एड़पा नू मंडी ओना गे उक्‍कियस। येसुस अरा आसी चेलर गने बग्‍गे मालगुजारी ऊज'‍उर अरा पपहर ओक्‍करकी ओना लगियर, एन्‍देरगेका आसी ख़ॊख़ा बर'ऊ अन्ने आलर बग्‍गे रहचर।

मरकुस 3:18

अरा अन्‍द्रेयस अरा फिलिप्‍पोस अरा बरतोलोमैस अरा मत्तायोस अरा तॊमस अरा हल‍फैसी तंग्‍दस याकॊब अरा तद्दैस अरा यहूदीर ही छछिन्‍द सैना ता सिमॊन

लू‍कस 6:15

अरा मत्तायोस अरा तॊमस अरा हलफैसी तंग्‍दस याकॊब अरा यहूदीर ही छछिन्‍द सैना ता सिमॊन

त‍इरकर 1:13

अरा असन आर अंड़सियर ख़ने, ओन्टा पाटन कुठला नू केरर। अइय्यम पतरस अरा यॊहन अरा याकॊब अरा अन्‍द्रेयस अरा फिलिप्‍पोस अरा तॊमस अरा बरतोलोमैस अरा मत्तायोस अरा हलफैसी तंग्‍दस याकॊब अरा यहूदीर ही छछिन्‍द सैना ता सिमॊन अरा याकॊबसी तंग्‍दस यूदस र'आलियर।