मरकुस 2:13 - पुना गच्छरना NT (BSI)

¹³ येसुस फिन कफरनहूम नगरे ती उरखरकी गलिलेया समुदर ही पिंडी नू केरस। अरा कोहाँ गोंहड़ा आसी हेद्दे बरचा, अरा आस आरिन सिखाबाचस।

मरकुस 2:13 ပူးပေါင်းရင်းမြစ်များ

मत्तायोस 13:1

अउलम येसुस एड़पा ती उरखस ती समुदर ही पिंडी नू केरस ती उक्कियस,

मत्तायोस 9:9

येसुस असले ती उरखस ख़ने, मत्तायोस नामे ओर्त आलासिन मालगुजारी ऊज'‍ऊ एड़पा नू उक्‍का ईरियस ती आसिन बाचस, “एंग्‍है गने गुचा।” ख़ने आस चॊचस ती आसी गने गुड़ियारस।

मरकुस 1:45

लिकिन आस तंगन येसुस एकासे कोड़े नंजस अदन नगदे आलारिन तेंगा हेलरस। ई चड्डे येसुस आलर ही ऎथ्रना नू एकअम नगरे नू काला पोल्‍लस, एन्‍देरगेका कोहाँ गोंहड़ा ख़ॊंड़रा। औंगे आस नगरे ही बहरी उछिन्‍द अड्डा नू रहचस। अन्नु हूँ ओनबेंड़र'आ ती आलर आसी गुसन बर'आलियर।

मरकुस 10:1

फिन येसुस कफरनहूम नगरे आबोन अम्‍बरकी यूदेया जिला अरा यरदन ख़ाड़ ही आ पक्‍खे केरस। गोंहड़ा आस गुसन फिन ख़ॊंड़रा। अरा आस तंग्‍है रोज ता लेक्‍खा आरिन सिखाब'आ हेलरस।

मरकुस 2:2

औंगे नगदे बग्‍गे आलर असन ख़ॊंड़रर का एड़पा नू अरा एड़पा ता बली ही बहरी हूँ अड्डा मल रहचा। अरा आस आरिन धर्मेसी कत्‍थन तेंगा लगियस।

मरकुस 4:1

येसुस फिन गलिलेया समुदर ही पिंडी नू सिखाब'आ हेलरस। आसी चरियो तरा कोहाँ गोंहड़ा ख़ॊंड़रा केरा। ख़ने आस समुदर नू इज्जका ओन्‍टा डोंगा नू अरगियस ती उक्‍कियस, इदगे का गोंहड़ा आसिन अम्‍बो थोकबोकामब'आ, अरा आस आरिन ब'आ ओंगोस। उर्मी गोंहड़ा समुदर ही पिंडी नू रहचा।

लू‍कस 19:48

लिकिन एन्‍देर उपाय हूँ नना पोल्‍लर का एन्ने एकासे ननोम, एन्‍देरगेका ओर्मा आलर आसहीन मेना लक्‍का रहचर।

लू‍कस 21:38

अरा पैरिम ओर्मा आलर आसहीन मेना गे धर्मेसी मन्दिर ही चाली नू आसी गुसन बर'आ लगियर।