मरकुस 15:14 - पुना गच्छरना NT (BSI)

¹⁴ पिलातुस आरिन मेंजस, “एन्‍देरगे, ईस एन्‍देर दोस नंजकादस?” लिकिन आर अउरिम जॊर ती चिच्चि‍यारते र'आलियर, “ईसिन क्रुस नू ठोक'आ।”

मरकुस 15:14 ပူးပေါင်းရင်းမြစ်များ

मत्तायोस 27:19

पिलातुस नेंवई नन्‍ना गदिया नू उक्‍काचस ख़ने, तंग्‍आली आसिन बाचा तइय्या, “नीन आ उजगो आलासी पत्त नू ख़ेक्खा अमके नना, एन्‍देरगेका ऎन चेरो माख़ा तुंगुल नू आसी चड्डे नगदे दुक्‍खे सारचकन।”

मत्तायोस 27:4

अरा बाचस, “आ बिगर गुन्हा नेम्‍हा उजगो आलासिन पिटा गे धरताचकन ती पाप नंजकादन।” अबड़र बाचर, “अदगे एमा एन्‍देर? नीनिम अदही हदा र'अदय।”

मत्तायोस 27:54

रोमी सैनर ही मुद्धस अरा आसी गने र'अरकी येसुसिन ख़ापा लगियर आर ख़ॆख़ेल नुक्रनन अरा अबड़ा मंजकन ईरियर ख़ने, आर नगदे इल्‍चियर अरा अनचकरर, अरा बाचर, “ईस मानिम नू धर्मेसी ख़द्दस रहचस।”

मरकुस 15:13

आर चिच्चि‍यार'आ हेलरर, “ईसिन क्रुस नू ठोक'आ।”

मरकुस 15:15

ख़ने पिलातुस गोंहड़ा आबोन खुसमारत'अना ही मने ती बरब्‍बसिन आर गे अम्‍बियस। अरा येसुसिन कोर्रा ती ल'अरकी क्रुस नू ठोक'आ गे रोमी सैना गे सों‍पचस।

लू‍कस 23:21

आर गा, “ईसिन क्रुस नू ठोक'आ, क्रुस नू ठोक'आ” ब'अरकी चिच्चि‍यारर।

लू‍कस 23:4

ख़ने पिलातुस मुध नैगर अरा गोंहड़ा ती बाचस, “ऎन ई आलस म‍इय्याँ इन्द्रिइम दोस मल ख़क्‍खदन।”

लू‍कस 23:41

अरा नम्‍है दंडे गा नॆग ती मानिम र'ई, नाम नम्‍है नलख ही जोक्‍खा दंडे ख़क्‍खा लगदत। लिकिन ई आलस एन्‍देर हूँ मलदौ मल नंजकादस।”

लू‍कस 23:47

ई मंजकन रोमी सैनर ही मुद्धस ईरियस ती धर्मेसी ओहमा नंजस अरा बाचस, “मानिम ई आलस उजगो रहचस।”

यॊहनस 18:38

पिलातुस आसिन बाचस, “मानिम एन्‍देर हवे?” आस एन्ने बाचस ती अउर हूँ बहरी यहूदीर गुसन केरस ती आरिन बाचस, “ऎन गा आसी मइय्याँ एन्‍देर हूँ बदी मल ख़क्‍खदन।

यॊहनस 19:6

मुध नैगर अरा धर्मेसी मन्दिर ख़ापू सैनर आसिन ईरियर ख़ने, आर चिच्चियारनुम बाचर, “ईसिन क्रुस नू ठोक'आ, ईसिन क्रुस नू ठोक'आ।” ख़ने पिलातुस आरिन बाचस, “नीमिम ईसिन हो'आ ती क्रुस नू ठोक'आ। लिकिन ऎन गा ईसी मइय्याँ एन्‍द्रा हूँ बदी मल ख़क्‍खदन।”

त‍इरकर 13:28

आर गे आस नू पिटना दंडे जॊगे एन्‍देर हूँ बदी मल ख़क्‍ख्रा। अन्नु हूँ पिलातुस ती गोहरारर का आसिन पिटा।

त‍इरकर 19:34

लिकिन गोंहड़ा आसिन चिन्‍हचा का आस यहूदी आलस, ख़ने आलर दुई घंटा गूटी चिच्चि‍यार'आ लगियर, “इफेसुस ता अरतेमिस देवी कोहाँ हवे।”

इब्रानी 7:26

एन्नेम नम्‍है चाड़ ही लेक्‍खा आस नमा कोहाँ नैगस र'अदस। आस नेम्‍हा अरा बिगर बदी मंजका अरा बिगर दगहा हिकदस। अरा आस पपहर ती भिने मंजका आल र'अदस, अरा आस गे मेर्ख़ा नू म‍ईन ही कोड़हे कोहाँ अड्डा चितारकी र'ई।

1 पतरस 1:19

लिकिन नीम बिगर बदी अरा बिगर पाप ही भेंडो ख़द्द लेक्खा मसीसी कोड़हे दाम ही ख़ॆंस ती नाड़रकादर।