मरकुस 14:7 - पुना गच्छरना NT (BSI)

⁷ कीड़र निम्‍है गने सगरघड़ी र'ओर, होले नीम इकला ओंगोर आ उल्‍ला आर गे दौ नना ओंग्दर। लिकिन ऎन निम्‍है गने बग्‍गे उल्‍ला मल र'ओन।

मरकुस 14:7 ပူးပေါင်းရင်းမြစ်များ

मत्तायोस 26:11

कीड़र गा निम्‍है गने सगरघड़ी र'अनर, लिकिन ऎन निम्‍है गने सगरो मल र'ओन।

मरकुस 14:6

येसुस आरिन बाचस, “इदिन अमा केबा, इदिन अमा दिकदिकाब'आ। एन्‍देरगेका ईद गा एंगा गे दौ नंजकी र'ई।

यॊहनस 13:33

खद्दारो! जोक्‍क घड़ी लेका निम्‍है गने र'ओन। अरा नीम एंगन बेद्दोर, अरा ऎन एकासे यहूदी मुद्धारिन बाचकन अन्नेम अक्‍कुन ऎन निमन ब'अदन का ऎन एक्‍सन कादन असन नीम काला पोल्‍दर।

यॊहनस 16:28

ऎन बंगस तरती उरखकन ती ख़ॆख़ेल नू बरचकन, अरा अक्‍कुन ऎन ख़ॆख़लन अम्‍बदन ती बंगस गुसन किर्रा कालदन।”

यॊहनस 16:5

अक्‍कु ऎन एंग्‍है तइय्युस गुसन किर्रा कालदन। अन्नु हूँ निम्‍है ती ओर्त हूँ एंगन अक्‍कुन मल मेन्‍दर का ‘नीन एक्‍सन कादय?’

यॊहनस 17:11

अक्‍कु ती ऎन ख़ॆख़ेल नू मल र'ओन, लिकिन ईर ख़ॆख़ेल नू र'अनर, अरा ऎन निंग्‍है गुसन बरदन। अना नेम्‍हा बंगायो, नीन एंग्‍है चिच्का निंग्‍है नामे ही सवंग ती नीन आरिन ख़ापा, का ईर नम्‍है लेक्‍खा ओन्‍टेम र'ओर।

त‍इरकर 3:21

येसुस मेर्ख़ा नू र'आ गे चाड़ र'ई, एका गूटी धर्मेस उर्मी जिनिस गुट्ठिन पुना कम'ओस। एकदन धर्मेस चिरान नू तंग्‍है कत्‍था तिंगुर ती बाचकाचस।

फिलॆमॊन 1:7

अना एंग्है भई, नीन नेम्हा आलर ही जियन हरियर नंजका र'अदय। निंग्‍है चोन्‍हा एंगा गे हूँ कोड़हे रिझ अरा जिया सालनन चिच्की र'ई।