मरकुस 13:9 - पुना गच्छरना NT (BSI)

⁹ लिकिन इकला इबड़ा मनो नीम चिहुंक ती र'अके। आलर निमन हें'ओर हो'ओर, अरा पंचायत नू चि'ओर, अरा नीम गोड़हा एड़पा नू लौर'ओर। नीम एंग्‍है चड्डे राजीख़ापुर अरा बॆलर ही मुन्‍द इजतार'ओर। एन्‍देरगेका नीम एंग्‍है गने चॊंख़्र'‍उर हिकदर। लिकिन ईद निमा गे एंग्‍है पत्त नू आरिन तेंगना ही मोका मनो।

मरकुस 13:9 ပူးပေါင်းရင်းမြစ်များ

मत्तायोस 5:22

लिकिन ऎन निमन ब'अदन का, एका ओर्तस तंग्‍है भईस मलता बहिन आबोन खींस मन्‍दस होले आस दं‍डे ख़क्‍खोस। अरा एका ओर्तस तंग्‍है भईस मलता बहिन आबोन मलदौ ब'अदस होले आस महासभा नू दं‍डे जॊगे मनोस। अरा एका ओर्तस एक‍अम ओर्तासिन ‘अना बोया’ ब‍'अदस होले आस नरक ही चिच्‍ची ही जॊगे मनोस।

मरकुस 1:44

आस एन्ने चेता बाचस, “निंग्‍है कोड़े मंजका ही पत्त नू नॆखा गुसन हूँ एन्‍द्रा हूँ अमके तेंगा। लिकिन कालरकी निंगन नैगासिन ऎद'आ। होले आस अख़'ओस का नीन कोड़े मंजकय। अरा खसरा रोगियर कोड़े मन्‍नर ख़ने एन्‍देर दाँड़े अरगना मनी अदिन मूसस आनियस, अदिन नीन सफा मना गे नैगस गुसन चि'आ। होले आस अदिन धर्मेस गे दाँड़े अरगोस, फिन आलारिन तेंगोस का नीन कोड़े मंजकय।”

मरकुस 13:5

येसुस आरिन तेंगा हेलरस, “चिहुंक र'आ, निमन नीक‍ईम अम्‍बोर ठक'आ।

मरकुस 13:8

ओन्‍टा जातियर नन्ना जातियर ही बिड़दो नू, अरा ओन्‍टा राजी नन्ना राजी ही बिड़दो नू लड़ाई गे चो'ओ। ख़ॆख़ेल नू कैनो अड्डा नू ख़ॆख़ेल नुकुरना मनो, अरा एन्ने ख़ॆख़ेल नू अड्डा अड्डा अकाल मनो। लिकिन ईद गा खिलपत ही ऒरे मन्ना लेका हवे अरा अउरिम कोड़हे सस्‍ती बरना र'ई।

मरकुस 6:11

नीम एकअम अड्डा नू कादर, असला आलर निमन मल परघ'अनर अरा निम्‍हैन मल मेन्नर होले, नीम असलेक उरखो बारिम निम्‍है ख़ेड्डे ता रीड़ोन ख़ेत्तके चि'अके। ईद आर गे निम्‍है चेताब'अना मनो।”

लू‍कस 9:5

अरा आलर निमन मल परघ'अनर होले नीम आ नगरे ती उरखो बारिम निम्‍है ख़ेड्डे ता रीड़ोन ख़ेत्तके चि'अके। ईद आर गे निम्‍है चेताब'अना मनो।”

यॊहनस 15:20

एका कत्‍थन ऎन निमन तिंकन अदिन सुरता नना। जॊंख़स तंग्‍है उर्बस ती कोहँस मलदस। आर एंगन सताबाचर होले, निमन हूँ सताब'ओर। अरा आर एंग्‍है कत्‍थन पॆस्रर होले, निम्‍है कत्‍थन हूँ पॆस्र'ओर।

यॊहनस 16:2

आलर निमन आर ही गोड़हा एड़पा गुट्ठी ती ओथ्र'ओर चि'ओर। मानिम नू ओन्‍टा बेड़ा बर'आ लगी, नॆ निमन पिटोर आर सोच'ओर का आर इदन नन्ना ती धर्मेसी सुसर नन्‍नर।

त‍इरकर 21:11

आस एम्‍है गुसन बरचस ती पौलुसी कमरपटी आबोन होच्‍चस अरा तंग्‍है ख़ेड्डे ख़ेक्खा गुट्ठिन हॆंचस ती बाचस, “नेम्‍हा बॊलतस एन्ने ब'अदस का ई कमरपटी नॆख'आ हवे, आसिन येरुसलॆम नू यहूदी आलर एन्नेम हें'ओर ती नन-यहूदी आलर ही ख़ेक्खा नू सोंप'ओर।”

त‍इरकर 7:54

स्‍तेफनोसी इबड़ा कत्‍थन आर मेंजर ती कैर ही मारे उड़तरर केरर अरा आसी बिड़दो नू पल्‍ल चब्र'आ हेलरर।

त‍इरकर 9:16

ऎन आसिन तेंगोन का एंग्‍है नामे चड्डे आस गे एका बग्‍गे दुक्‍खे सारना र'ई।”

फिलिप्‍पी 1:29

एन्‍देरगेका मसीस नू पत्त'आ गे लेका मला, लिकिन आसी चड्डे सस्ती अरा खिलपत हूँ सह'आ गे हूँ ईद निमा गे चीरकी र'ई।

2 थेस्‍सलोनिकॆयर 1:5

धर्मेस मानिम ती नेंवई नन्ना ही ईद गोवाह हवे। नीम धर्मेसी राजी गे जॊगे मना गे आस बेद्ददस, अदगे नीम सस्‍ती हूँ सारदर।

2 यॊहन 1:8

नीम चिहुंक र'आ, होले नीम एन्देरगे कोड़हे नलख नंजकादर अदही ख़ंजपन मल एब्स'ओर, अरा निम्है सुसर गे धर्मेस ती गोट्टा ख़ंजपन ख़क्खा ओंग्दर।

दहदर मंजका कत्‍था 1:9

ऎन यॊहन निम्‍है भई हिकदन, अरा ऎन निम्है लेक्खा येसुस गने चॊख़रना नू अरा खिलपत चॊदना नू अरा धर्मेसी राजी ही आल मन्ना नू अरा खतिर गने दुक्खे सारना नू निम्है गने मेस्र'ऊ हिकदन। धर्मेसी कत्‍था तेंगना ही चड्डे अरा येसुसी गोवाह र'अना ही चड्डे दंडे ही रूपे नू ऎन पतमॊस नामे टापू नू रहचकन।

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

दहदर मंजका कत्‍था 2:13

ऎन अख़दन का नीन एक्‍सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्‍है मइय्याँ ता पत्त'अनन मल अम्‍बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।