मरकुस 13:34 - पुना गच्छरना NT (BSI)

³⁴ ई उदाहरन आबोन मेना। ओन्‍टा आलस रहचस। आस उन्‍दुल डहरे ईक्‍कियस। आस एड़पा ती काना ती मुन्‍द तंग्‍है जॊंख़र सिरे एड़पा ही उर्मी नलख अम्‍बियस चिच्‍चस। तहाँ आस बली ख़ा‍पुसिन जॊहचका र'आ गे आनियस।

मरकुस 13:34 ပူးပေါင်းရင်းမြစ်များ

मत्तायोस 16:19

ऎन निंगा‍ मेर्ख़ा राजी ही कुँची गुट्ठिन चि'ओन, अउर नीन इन्द्रिइम ख़ॆख़ेल नू नना मल चि'अदय अदन धर्मेस हूँ नना मल चि'अदस, अरा नीन इन्द्रिइम ख़ॆख़ेल नू नना चि'अदय अदन धर्मेस हूँ नना चि'अदस।”

यॊहनस 10:3

आस गे बली ख़ापुस बलिन तिसगदस चि'अदस। अरा आसी भेंडो आसी सड़न मिनी। अरा आस तंग्‍है भेंडोन नामे पिंजदस ती मॆख़दस, अरा अबड़न बहरी कड़हाब'अदस।

रोमी 13:6

ई चड्डे दिम नीम मालगुजारी हूँ चि'अदर, एन्‍देरगेका अक्‍स'ऊ आलर धर्मेसी जॊंख़र हिकनर अरा आर अक्‍स'आ लगनर।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

कोलोस्से 3:24

एन्‍देरगेका नीम उर्बा मसीस गे सुसर नन्दर, नीम अख़दर का इदही इनाम बेसे नीम उर्बस ती आसीस आबोन ख़क्खोर।

कोलोस्से 4:1

अना उर्बारो, निमा गे हूँ मेर्ख़ा नू ओन्टा उर्बस र'अदस एन्ने अख़'अरकी नीम निम्है बिट्ठी ननू जॊंख़र गे एन्देर एन्देर ठौका अरा बॆस र'ई अदिन चि'आ हो'आ।

दहदर मंजका कत्‍था 3:7

फिलदेलफिया नगरे ता कलीसिया ही पैकस गे नीन एन्ने लिख'आ का: नॆ नेम्‍हा अरा मानिम र'अस, अरा नॆ बॆल दाऊदसी कुची ही अदिया आबोन उइय्दस, अरा नॆ हूँ मुच्‍चा पोलना लेक्खा तिसग'उस, अरा नॆ हूँ तिसगा पोलना लेक्खा मुच्‍च'उस इबड़ा कत्थन ब'अदस का: