मरकुस 13:11 - पुना गच्छरना NT (BSI)

¹¹ इकला निमन हें'अरकी पंचायत नू सोंप'ओर, होले नीम मुन्‍द ती अमके सोच'आ का ऎम एन्‍देर ब'ओम। लिकिन निमन एन्‍देर ब'अना र'ई अदिन आ बारिम तेंगतार'ओ, अदिन नीम ब'अके। एन्‍देरगेका ब'ऊ नीम मला नेम्‍हा बॊलतस हवे।

मरकुस 13:11 ပူးပေါင်းရင်းမြစ်များ

मत्तायोस 10:17

लिकिन आलर ती चिहुंक र'अके। नीम एंग्‍है गने चॊख़र'उर र'अना चड्डे आर निमन कोहाँ सभा गुट्ठी नू चि'ओर अरा तम्‍है गोड़हा एड़पा नू कोर्रा ती ल'ओर।

मरकुस 13:12

आलर तम्‍है भइय्योर अरा बहिनोरिन नट'ओर अरा पिटर'ओर, एन्‍देरगेका आर एंग्‍है गने चॊंख़्रर। अरा अयंग-बंग तम्‍है ख़द्द-ख़र्रारिन एन्नेम ननोर। अरा ख़द्द-ख़र्रर तम्‍है अयंग-बंगर ही बिड़दो चो'अरकी पिटत'ओर चि'ओर।

मरकुस 13:9

लिकिन इकला इबड़ा मनो नीम चिहुंक ती र'अके। आलर निमन हें'ओर हो'ओर, अरा पंचायत नू चि'ओर, अरा नीम गोड़हा एड़पा नू लौर'ओर। नीम एंग्‍है चड्डे राजीख़ापुर अरा बॆलर ही मुन्‍द इजतार'ओर। एन्‍देरगेका नीम एंग्‍है गने चॊंख़्र'‍उर हिकदर। लिकिन ईद निमा गे एंग्‍है पत्त नू आरिन तेंगना ही मोका मनो।

लू‍कस 21:12

लिकिन इबड़ा उर्मी कत्‍था ही मुन्‍द आलर निमन धर'अरकी सताब'ओर। अरा निमन गोड़हा एड़पा नू बिढ़'आ गे सोंप'ओर अरा जेहेल नू सज'ओर अरा बॆलर अरा राजीखापुर ही मुन्‍द इजतार'ओर। एन्‍देरगेका नीम एंग्‍है गने चॊंख़्र‍'उर हिकदर।

यॊहनस 3:27

यॊहनस आनाकिर्ताचस, “नॆ हूँ एन्‍द्रन हूँ मल ख़क्‍खनर, एका गूटी धर्मेस मेर्ख़ा ती अदिन मल चि'अदस।

त‍इरकर 2:4

अरा अबड़ा ओर्मर नेम्‍हा बॊलतस नू निन्‍दियर केरर, अरा बॊलतस एकासे कछनख्र'आ गे सवंग चिच्‍चस अबड़ा ओर्मर नन्ना नन्ना भखा कछनख्र'आ हेलरर।

त‍इरकर 3:13

अब्राहम अरा इसाक अरा याकॊबसी धर्मेस, नम्‍है पूरखर ही धर्मेस तंग्‍है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्‍बा बिद्दियस ख़ने, नीम आसिन ताड़चकर।

त‍इरकर 4:31

इकला आर गोहरारका रहचर अन्नेम आर ख़ॊंड़रका रहचर आ अड्डा नुक्रा केरा, अरा अबड़र जम्मर नेम्‍हा बॊलतस ती निन्‍दियर ती धर्मेसी कत्‍थन डिढ गने तेंगा हेलरर।

त‍इरकर 6:10

लिकिन स्‍तेफनोस एका लूर अरा बॊलतस ती बाचस अदही बिड़दो नू आर ब'आ पोल्‍लर।

त‍इरकर 6:15

कोहाँ सभा नू उक्‍का ओर्मर स्‍तेफनोसिन ओन ढिठ ऎरा लगियर का आसी मुही मुरुत मेर्ख़ा पैकासी लेक्‍खा ऎथ्रा।

त‍इरकर 7:55

लिकिन स्‍तेफनोस गा नेम्‍हा बॊलतस ती निन्‍दियस ती मेर्ख़ा तरा मॆन ईरियस अरा धर्मेसी महबन अरा धर्मेसी तीना चोक्‍ख येसुसी इज्‍जकन ईरियस।

1 कोरिन्‍थ 2:13

इबड़ा कत्‍थन ऎम आलर ही लूर सिखाबाचका कत्‍था गुट्ठी ती मला, बॊलतासी सिखाबाचका कत्‍था ती तेंगदम। एन्नेम बॊलता ही मानिम कत्‍था गुट्ठिन बॊलतासी कत्‍था गुट्ठी ती बुझाब'अदम।

इफेसुस 3:5

धर्मेस ई गम आबोन मुन्द ता परिया गुट्ठी ता आलर गे दहदर मल नंजका रहचस। लिकिन अक्कु गा धर्मेस तंग्है नेम्हा तइरकर गे अरा धर्मेसी कत्था तिंगुर गे इदन नेम्हा बॊलतस ती दहदर नंजका र'अदस।

याकॊब 1:5

निम्‍है ती एकअम ओर्तस लूर नू खंग्रका र'अदस होले, आस धर्मेस गुसले ने'अना र'ई। ख़ने आद आस गे चीतार'ओ। धर्मेस बिगर केबर'अरकी ओर्मर गे हरकट ती बग्गे ती बग्गे चि'ऊ र'अदस।

1 पतरस 1:12

आर गे तेंगतारा केरा का इबड़ा कत्था गुट्ठी तम्है उज्जना बेड़ा नू मल मनो, लिकिन बग्गे चाँन ही ख़ॊख़ा निम्है बेड़ा नू मनो। अरा मेर्ख़ा ती तइरका नेम्हा बॊलतासी सवंग ती निमा गे दौ कत्था तिंगुर ती अक्कुन ई दौ कत्था मेन्तारकी र'ई। ईद कोड़हे बॆस हवे का मेर्ख़ा पैकर हूँ इबड़ा कत्‍था गुट्ठी मन्नन ऎरा गे चिबाख़ारनर।