मरकुस 12:7 - पुना गच्छरना NT (BSI)

⁷ आसी ख़द्दस बरचस ख़ने, अबड़ा ठिका होच्चका उर्बर ताम ताम नू बाचनखरर, ‘ईसिम गा पुंजी हिकदस, बरा नाम ईसिन पिटोत होले ईसी ई बटकी नम्‍है मनो कालो।’

मरकुस 12:7 ပူးပေါင်းရင်းမြစ်များ

मत्तायोस 2:16

ख़ने हॆरॊदॆस बॆलस अबड़ा लूरगर आलर एंगन ठकचकानर बाचस ती नगदे कैरारस। ख़ने आस बॆतलहेम अरा अदही उर्मी सिवान ता उर्मी ख़द्दारिन फउद तइय्यस ती पिटताचस, अन्नेम अबड़ा लूरगर आलर ती मेंजका उल्ला ही लेक्खा अबड़ा पिटतारका ख़द्दर ऎंड़ बछर ख़द्दर महले अदिन ती जुक्‍की ही रहचर।

मत्तायोस 21:34

फिन खंजना ही बेड़ा अंड़सिया ख़ने आस जॊंख़ारिन ठिका होच्चका उर्बर गुसन हिसा ओन्‍द्र'आ गे त‍इय्‍यस।

मरकुस 12:12

येसुसी एन्ने ब'अनन यहूदी मुद्धर मेंजर ती येसुसिन धर'आ बिद्दियर, एन्‍देरगेका आर बुझुर ख़च्चिका रहचर का येसुस आर ही बिड़दो नू ई जोक्‍खा ख़ीरिन बाचकाचस। लिकिन आर आलारिन इल्चियर ती येसुसिन अम्‍बरकी किर्रिम बिच्‍चियर।

मरकुस 12:6

अक्‍कु त‍इय्‍या गे आस गुसन आसी चोन्‍हा ख़द्दस लेका रहचस। ‘एंग्‍है ख़द्दासिन आर म‍ईन ननोर’ सोच्‍चस ती छेद्दे नू तंग्‍है ख़द्दासिन त‍इय्‍यस।

मरकुस 12:8

अन्नेम आर आसिन धरचर अरा पिटियर ती आसी केचका मॆदन बटकी ती बहरी हिबड़ियर चिच्‍चर।”

त‍इरकर 2:23

धर्मेसी ओक्‍ताचका चिता बुता अरा धर्मेस ती मुन्‍द बाचका कत्‍था लेक्‍खा आस सोंपतारस। आ येसुसिन नीम धरतारकी पपहर ही ख़ेक्खा ती क्रुस नू अरगकर ती पिटकर।

त‍इरकर 5:28

“ऎम निमन चेताबाचकम ती पॆसका मल चिच्‍चकम का ई नामे ती अमके सिखाब'आ? अन्नु हूँ नीम गोट्‍टा येरुसलॆम ता उर्मी आलारिन आसी पत्त नू तिंकर चिच्‍चकर। अरा आसी पिटका ही बदी एम्‍है म‍इय्याँ नना लगदर।”

त‍इरकर 7:52

धर्मेसी कत्‍था तिंगुरिन नॆकन निम्‍है पूरखर मल्‍ला डाहचका? आर आ उजगो आलासी बरनन नॆ नॆ मुन्‍द तिम तिंगियर आरिन पिटियर। अक्‍कु नीम आ उजगो आलस मसीसिन धरचकर अरा पिटकर।

इब्रानी 1:2

लिकिन अक्‍कु इबड़ा छेद उल्‍ला नू धर्मेस नम्‍है ती तंग्‍है ख़द्दस ती कछनख्रस। धर्मेस आसिन उर्मी जिनिस ही मइय्याँ जिमा कमचस, अरा आस ती गोट्टा सौंसेन गढ़चस।