मरकुस 12:6 - पुना गच्छरना NT (BSI)

⁶ अक्‍कु त‍इय्‍या गे आस गुसन आसी चोन्‍हा ख़द्दस लेका रहचस। ‘एंग्‍है ख़द्दासिन आर म‍ईन ननोर’ सोच्‍चस ती छेद्दे नू तंग्‍है ख़द्दासिन त‍इय्‍यस।

मरकुस 12:6 ပူးပေါင်းရင်းမြစ်များ

मत्तायोस 1:23

“ऎरा! डिं‍डा पेल्‍लो ओत्‍था ऎख़ मनो अरा ओन्‍टा ख़द्दासिन पाको अरा आसिन इम्मानुऎल ब'ओर अदही माने ‘धर्मेस नम्‍है गने र'अदस’।”

मत्तायोस 11:27

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

मत्तायोस 26:63

लिकिन येसुस कलेकले रहचस। ख़ने कोहाँ नैगस आसिन बाचस, “ऎन निंगन उज्‍जना धर्मेस ती किरिया मॊख़दन का नीन धर्मेसी ख़द्दय मसी हिकदय होले नीन उज्‍जना धर्मेस ती किरया मॊख़ा।”

मत्तायोस 3:17

अरा मेर्ख़ा ती धर्मे बबस बाचस, “ईस एंग्‍है चोन्‍हा ख़द्दस हिकदस, ऎन ईस ती बग्‍गे खुसमारदन।”

मरकुस 1:11

अरा मेर्ख़ा ती धर्मे बबस बाचस, “नीन एंग्‍है ओन्‍टे लेका चोन्‍हा ख़द्दय हिकदय, ऎन निंग्‍है ती बग्‍गे खुसमारदन।”

मरकुस 12:5

फिन आस अउरिम ओन्‍टा जॊंख़ासिन त‍इय्‍यस, ख़ने आर आसिन पिटियर। आस अउरिम बग्‍गेरिन त‍इय्‍यस। अइय्‍या ती आर जोक्‍कोरिन लौचर अरा जोक्‍कोरिन पिटियर।

मरकुस 12:7

आसी ख़द्दस बरचस ख़ने, अबड़ा ठिका होच्चका उर्बर ताम ताम नू बाचनखरर, ‘ईसिम गा पुंजी हिकदस, बरा नाम ईसिन पिटोत होले ईसी ई बटकी नम्‍है मनो कालो।’

मरकुस 9:7

ख़ने ओन्‍टा बदाली आरिन कुल्‍लिया चिच्‍चा, अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ख़ने ईसहीन मेना।”

लू‍कस 3:22

अरा नेम्‍हा बॊलतस मॆद ही रूपे नू पेरवाँ लेक्‍खा येसुस म‍इय्याँ इत्तियस। अरा मेर्ख़ा ती एन्ने ब'अना मेन्‍द्रा, “नीन एंग्‍है चोन्‍हा ख़द्दय हिकदय, ऎन निंग्‍है ती बग्‍गे खुसमारदन।”

लू‍कस 9:35

धर्मेस बदाली ती बाचस, “ईस एंग्‍है ख़द्दस, अरा एंग्‍है चज्जिका हिकदस, औंगे ईसहीन मेना।”

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 1:34

इदन ऎन ईरकन, अरा गोवाह चि'अदन का ईस दिम धर्मेसी ख़द्दस।”

यॊहनस 1:49

नतनऎलस आसिन आनाकिर्ताचस, “अना गुरु! नीन धर्मेसी ख़द्दय! नीन इस्राऎल ही बॆलय!”

यॊहनस 3:35

बंगस तंग्‍दासिन चोन्‍हा नन्‍दस, अरा उर्मिन आसी ख़ेक्खा नू सोंपचकादस।

यॊहनस 5:23

औंगे ओर्मा आलर एकासे धर्मे बंगासिन म‍ईन नन्‍नर‍, अन्नेम धर्मेसी ख़द्दस एंगन हूँ म‍ईन नना गे एन्ने नंजस। नॆ एंगन मईन मल नन्‍दस, आस एंगन त‍इय्‍का धर्मे बंगासिन हूँ म‍ईन मल नन्‍दस।

इब्रानी 1:6

अउरिम इकला धर्मेस तंग्‍है जेट्ठा ख़द्दासिन ई ख़ॆख़ेल नू ओन्‍द्रस, अरा बाचस, “धर्मेसी उर्मी पैकर आसी महबा नन्नर नेक‍अन।”

1 यॊहन 4:9

धर्मेस तंग्है ओन्टे लेका ख़द्दासिन ख़ॆख़ेल नू इदगे तइय्यस का नाम आसी ती जमनजुग उज्जनन ख़क्खा ओंग्दत। इत्रु धर्मेस नम्है मइय्याँ मंजका चोन्हन दहदर नंजस।

3 यॊहन 1:1

ई चिठी ऎन यॊहन सेयान आलन तरती र'ई। ऎन इदन एंग्है दुलारो भईस गायोस गे लिखदन, नॆकन ऎन मानिम नू चोन्हा नन्दन।