मरकुस 12:1 - पुना गच्छरना NT (BSI)

¹ येसुस एन्ने यहूदी मुद्धर गने कछनख्रस ती आस ई जोक्‍खा ख़ीरिन तिंगियस। “ओन्‍टा आलस रहचस। आस ओन्‍टा अंगुर ही बटकी कमचस, अरा चरियो तरा पगड़ हड़चस, अरा अंगुर ती रासी ओथ्र'आ गे चचड़ी नू कुंडा कमचस, अरा ख़ापा गे मचा कमचस, अरा अदिन उर्बर गे ठिका चिच्‍चस, फिन तान ओन्‍टा नन्ना राजी केरस।

मरकुस 12:1 ပူးပေါင်းရင်းမြစ်များ

मत्तायोस 13:3

अरा आस आरिन जोक्‍खा ख़ीरी गुट्ठी ती कैनों गोट कत्‍थन तिंगियस। अरा एन्ने बाचस, “ओन्‍टा बिहनी चाँख़'उस चाँख़'आ उरखस।

मत्तायोस 21:28

नीम एन्‍देर इदही पत्त नू सोचदर? एकअम आलासी ऎनोटा ख़द्दर रहचर। आस कोहँस गुसन केरस ती बाचस, ‘बेटा, इन्ना अंगुर बटकी नू नलख नना कला।’

मत्तायोस 21:33

अउर ओन्‍टा जोक्‍खा ख़ीरिन मेना, ओन्‍टा ख़ल्ल उर्बस रहचस। आस ओन्‍टा अंगुर ही बटकी हंड़चस, अरा ओनबेंड़र'आ कुर्गस, अरा अइय्या अंगुर ती रासी ओथ्र'आ गे चचड़ी नू कुंडा कमचस, अरा ख़ापा गे मचा कमचस, अरा अदिन उर्बर गे ठिका चिच्‍चस ती नन्ना राजी किर्रिमबिच्चियस।

मत्तायोस 21:34

फिन खंजना ही बेड़ा अंड़सिया ख़ने आस जॊंख़ारिन ठिका होच्चका उर्बर गुसन हिसा ओन्‍द्र'आ गे त‍इय्‍यस।

मत्तायोस 25:14

अउर हूँ मेर्ख़ा राजी ओर्त आलस लेक्‍खा र'ई, एकास नन्‍ना राजी कालो बारी तंग्‍है जॊंख़ारिन मीख़ियस ती तंग्‍है खुर्जिन सोंपचस चिच्‍चस।

मरकुस 11:33

ख़ने आर येसुसिन किर्त'अर बाचर, “ऎम बलदम।” ख़ने येसुस आरिन बाचस, “नीम एंगन मल तिंकर औंगे ऎन हूँ निमन मल तेंगोन इबड़ा नलखन नॆखा आकुस ती नन्‍दन।”

मरकुस 13:34

ई उदाहरन आबोन मेना। ओन्‍टा आलस रहचस। आस उन्‍दुल डहरे ईक्‍कियस। आस एड़पा ती काना ती मुन्‍द तंग्‍है जॊंख़र सिरे एड़पा ही उर्मी नलख अम्‍बियस चिच्‍चस। तहाँ आस बली ख़ा‍पुसिन जॊहचका र'आ गे आनियस।

मरकुस 3:23

ख़ने आस अबड़ारिन मीख़ियस ती जोक्‍खा ख़ीरी नू आर ती बाचस, “सैतान सैतानन मलम बोंगत'ओ,

मरकुस 4:2

अरा आस आरिन जोक्‍खा ख़ीरी ती कैनो गोट कत्‍थन सिखाबाचस। अरा तंग्‍है सिखाब'अना नू एन्ने बाचस,

लू‍कस 15:13

जोक्‍क उल्‍ला हूँ मल मंजा, सन्नी ख़द्दस तंग्‍है उर्मिन जॊगड़स ती गेच्‍छा राजी केरस। अरा असन मलदौ उज्‍जना ती तंग्‍है खुर्जिन नठाबाचस।

लू‍कस 19:12

आस बाचस, “ओन्‍टा उर्बस तंगा गे बॆल अदिया ख़क्‍खा ती फिन किर्रा गे गेच्‍छा राजी केरस।

लू‍कस 22:9

ख़ने आर मेंजर, “नीन एसन सराजमा नना गे बेद्ददय?”

लू‍कस 8:10

आस बाचस, “निमा धर्मेसी राजी ही नूख्रका कत्‍था आबोन बुझ्र'आ गे चीरकी र'ई, लिकिन नन्‍नर गे जोक्‍खा ख़ीरी ती तेंग्र'ई। ईगेका, नेम्हा पुथी नू एन्ने लिक्‍खरकी र'ई, ‘ऎन नन्‍दन अदिन ऎरदर लिकिन अत्रु ती एन्‍द्रा हूँ मल सिख्र'ओर, ऎन ब'अदन अदिन मेन्‍दर लिकिन अदही माने मल बुझुर'ओर।’

त‍इरकर 7:38

ई मूसस दिम इस्राऎल खोंड़हा गने टोड़ंग नू रहचस। अरा सीनाय परता नू तंग्‍है गने कछनख्रका मेर्ख़ा पैकस गने रहचस अरा नम्‍है पूरखर गने रहचस। आस उज्‍जनन चि'अना पॆसकन धर्मेस ती ख़क्‍खियस अरा आ पॆसकन नमा चिच्‍चस।