मरकुस 11:27 - पुना गच्छरना NT (BSI)

²⁷ फिन येसुस अरा आसी चेलर येरुसलॆम मन्‍दिर नू बरचर। येसुस धर्मेसी मन्दिर ही चाली नू कुद्दा नुंगालियस, ख़ने मुध नैगर अरा नॆग सिखाब'उर अरा सेयान आलर आसी गुसन बरचर।

मरकुस 11:27 ပူးပေါင်းရင်းမြစ်များ

मरकुस 11:28

आर आसिन मेंजर, “नीन इबड़ा नलखन नॆखा आकुस ती ननालदय?, अरा निंगा इबड़न नना ही आकुस नॆ चिच्‍चा?”

मरकुस 14:1

ऎंड़ उल्‍ला ख़ॊख़ा कट्टना अरा बिगर बिदगी असमा ही परब मन्ना रहचा। मुध नैगर अरा नॆग सिखाब'उर एकासे येसुसिन ठग'अरकी धर'ओत ती पिटत'ओत एन्ने मोका बेद्दते र'आलियर।

यॊहनस 10:23

अरा येसुस धर्मेसी मन्दिर नू सालोमॊनसी परछी पिंडा ब'अनर अइय्या कुद्दा लगियस।

यॊहनस 18:20

येसुस आनाकिर्ताचस, “ऎन एन्‍देर सिखाबाचकन अदन ओर्मर अख़नर। ऎन उर्मी यहूदीर ख़ॊंड़रना गोड़हा एड़पा गुट्ठी नू अरा येरुसलॆम मन्‍दिर नू घड़ी घड़ी सिखाबाचकादन, अरा नुड़'अरकी एन्‍द्रन हूँ मल बाचकन।