मरकुस 11:25 - पुना गच्छरना NT (BSI)

²⁵ इकल‍अम नीम बिन्‍ती नन्‍दर होले, निम्‍है जिया नू नॆख‍अम बिड़दो नू आर ही इन्द्रिइम अक्‍का-बलका र'ई होले आसिन छमा नना, होले निम्‍है मेर्ख़ा ता बंगस हूँ अन्नेम निम्‍है अक्‍का-बलकन छमा ननोस।

मरकुस 11:25 ပူးပေါင်းရင်းမြစ်များ

मत्तायोस 5:23

औंगे नीन धर्मेस गे गोड़हा नू दान चि'अदय होले, निंगा असन सुरता बर'ई का निंग्‍है भईस गे निंग्‍है मइय्याँ इन्द्रिइम बदी र'ई,

मत्तायोस 6:12

अरा एकासे ऎम एम्‍है उर्मी अक्‍का-बलकारिन अम्‍बदम चि'अदम अन्नेम एम्‍है अक्‍का-बलकन हूँ अम्‍बा चि'आ।

मत्तायोस 6:5

एकाबारी नीम गोहरारदर, उतुरमाड़ुर लेक्‍खा अमके गोहरार'आ। आर गा गोड़हा एड़पा नू अरा दोप्‍फा डहरे नू इजनर ती गोहरार'आ गे पत्तारनर, होले आलर आरिन ऎरोर। ऎन निमन मानिमन ब'अदन, आर गे तम्‍है इनाम ख़क्‍ख्र'आ ख़च्‍चिया।

लू‍कस 18:11

फरिसीस गा इज्‍जस ती एन्ने गोहरारस, ‘अना धर्मे, ऎन निंगन धन्‍यवाद नन्‍दन का ऎन नन्ना आलर लेक्‍खा ख़ड़'ऊ, अरा मलदौ ननू अरा भडुवा मलदन महले ई ऊज'उस लेक्‍खा हूँ मलदन।

लू‍कस 18:13

लिकिन ऊज'उस गेच्‍छम इज्‍जस ती मेर्ख़ा तरा मॆन ऎरा हूँ मल बिद्दियस, अन्‍ति तंग्‍है एवंख़न ठोकोर ठोकोर बाचस, ‘अना धर्मे! ऎन पपहा आलन म‍इय्याँ सोग्‍गे ऎरा।’

लू‍कस 6:37

नीम नन्नारिन नेंव‍ई अमा नना, होले नीम हूँ धर्मेस ती नेंव‍ई मल नन्‍तार'ओर। नीम नन्नारिन बदी अमा टिड़'आ, होले नीम हूँ धर्मेस ती बदी मल टिड़तार'ओर। नीन नन्नर ही गुन्‍हन अम्‍बदय होले निम्‍है गुन्‍हा हूँ धर्मेस ती अम्‍बतार'ओ।

इफेसुस 4:32

अरा ओर्त ओर्तारिन मया नना अरा सोग्गे ऎरा। अरा एकासे धर्मेस मसीसी चड्डे निम्‍है अक्‍का-बलकन छमा नंजस, अन्नेम नीम हूँ ओर्त ओर्तारिन छमा नना।

कोलोस्से 3:13

अरा नीम ओर्त ओर्तोरिन सह'आ। अरा ओर्तोसी बिड़दो नू निमा गे इन्द्रिइम नालिस र'ई होले, अदिन आस गे छमा नना। उर्बस निमा गे छमा नंजका लेक्खा नीम हूँ ओर्त ओर्तारिन छमा नना।

याकॊब 2:13

एन्देरगेका नॆ सोग्‍गे मल ईरियस, आसी नेंवई बेगर सोग्‍गे गने मनो। नॆ नन्नर मइय्याँ सोग्‍गे ऎरदस, आस नेंवई उल्ला गे मल एलच्दस।

दहदर मंजका कत्‍था 11:4

इबड़र दिम ख़ॆख़ेल ही उर्बासी मुन्दहारे इज'ऊ दुई गोट जैतून मन्न अरा दुई गोट बिल्‍ली पटनी हवे।