मरकुस 11:23 - पुना गच्छरना NT (BSI)

²³ ऎन निमन ओन्‍टा मुदे कत्था ब'अदन, एक‍अम ओर्तोस ई परतन ‘नीन चडर'अय कलय अरा समुदर नू खत्तर'अय कलय’ ब'अरकी तंग्‍है जिया नू धुकुर पुकुर मल ननरकी ऎन एन्‍देर ब'अदन आद मनो अन्ने पत्त'ओस होले, धर्मेस आस गे अदन ननोस।

मरकुस 11:23 ပူးပေါင်းရင်းမြစ်များ

मत्तायोस 14:13

येसुस ईदन मेंजस ती आ अड्डन अम्‍बियस ती ओन्‍टा डोंगा नू अरगियस ती उछिन्‍द अड्डा नू किर्रिम बिच्‍चियस। लिकिन आलर इदन मेंजर ती नगरे नगरे ती ईकनुम आसी ख़ॊख़ा काला हेलरर।

मत्तायोस 17:20

आस आरिन बाचस, “निम्‍है पत्त'अना ही खंग्रना चड्‍डे, ऎन निमन मानिम ब'अदन का निम्‍है पत्त'अना मनी बिहनी लेक्‍खा हूँ र'ओ होले, ई परतन ब'आ ओंगोर का इसलेक कगरार'अय ती असन किर्रिमबि'अय, होले आद किर्रिमबि'ओ। अरा इन्द्रिइम कत्‍था निमा गे नना पोलना मल र'ओ। [

मत्तायोस 21:21

ख़ने येसुस आरिन आनाकिर्ताचस, “मानिम ऎन निमन ब'अदन, नीम पत्त'ओर अरा मल धुकचुक्र'ओर होले, ई अंजीर मन्न गे मंजकी र'ई अदिन लेका मला, लिकिन ई परतन हूँ ब'आ ओंग्दर, ‘चड्र'अय ती कलय समुदर नू खत्र'अय’, अरा अन्नेम मनो।

लू‍कस 17:6

उर्बस बाचस, “निमा गे ओन्‍टा मनी बिहनी लेक्‍खा पत्त'अना रहचका होले हूँ, नीम ई तुंती मन्नन ब'ओर, ‘नीन चड़र'अय ती समुदर नू इदर'अय कलय’ होले आद निम्‍है पॆसकन मन'ओ दने।”

यॊहनस 14:13

अरा नीम एंग्‍है नामे ती इन्द्रिइम ने'अदर‍, अदिन ऎन निमा गे ननोन। ख़ने बंगासी महबा ऎन ख़द्दस ती दहदर मनो।

यॊहनस 15:7

नीम एंग्‍है नू बन्चका र'अदर अरा एंग्‍है कत्‍था गुट्ठी निम्‍है नू बन्चकी र'ई होले, इन्द्रिइम हूँ निम्‍है मने मनो अदिन ने'आ, आद निमा गे चितार'ओ।

1 कोरिन्‍थ 13:2

ऎन धर्मेसी कत्‍थन मुन्‍द तिंगू आलन, अरा उर्मी नूख़्रका ही गम्मन अरा उर्मी लूरन अख़ना ही सवंग र'ऊ आलन, अरा परता गुट्ठिन हूँ गुछाब'अना ही कोड़हे बड़ियर पत्त'अना र'ऊ आलन, अन्नु हूँ एंग्‍है नू चोन्‍हा मलकी होले, ऎन एन्‍देर हूँ मलकन।