मरकुस 11:18 - पुना गच्छरना NT (BSI)

¹⁸ येसुस एन्‍देर नंजस अदिन मुध नैगर अरा नॆग सिखाब'उर मेंजर। ख़ने आर आसिन पिटा गे बेड़ा बेद्दते र'आलियर। आर गा आसिन एल्चालियर, इदगेका गोंहड़ा आसी सिखाब'अना ती अकबकरा केरा।

मरकुस 11:18 ပူးပေါင်းရင်းမြစ်များ

मत्तायोस 21:15

लिकिन मुध नैगर अरा नॆग सिखाब'उर इबड़ा अकबक नलख गुट्ठिन ईरयर एकदन येसुस नंजस। अरा ख़द्दर धर्मेसी मन्दिर नू “दाऊदसी ख़द्दस गे धर्मेसी महबा मनन” एन्ने चिच्चियारनन मेंजर। ख़ने आर कैर मं‍जर,

मत्तायोस 7:28

येसुस इबड़ा कत्था गुट्ठिन तेंगा मुं‍जा ख़च्‍चियस ख़ने गोंहड़ा गुट्ठी आसी सिखाब'अनन मेंजा ती अन‍चकरा केरा।

मरकुस 1:22

ख़ने आसी सिखाब'अना ही तरिका ती आलर अनचकरर केरर। एन्‍देरगेका आस यहूदी नॆग सिखाब'उर लेक्‍खा मला, लिकिन आकुस उइय्‍युस लेक्‍खा आरिन सिखाबाचस।

मरकुस 11:32

अरा आलर आकुस चिच्‍चर अन्नेम ब'ओत होले, आलर ती इलचका र'ई। एन्‍देरगेका ओर्मर पत्ताचर का मानिम यॊहनस धर्मेस ती बरचका ओन्‍टा धर्मेसी कत्‍था तिंगुस रहचस।”

मरकुस 12:12

येसुसी एन्ने ब'अनन यहूदी मुद्धर मेंजर ती येसुसिन धर'आ बिद्दियर, एन्‍देरगेका आर बुझुर ख़च्चिका रहचर का येसुस आर ही बिड़दो नू ई जोक्‍खा ख़ीरिन बाचकाचस। लिकिन आर आलारिन इल्चियर ती येसुसिन अम्‍बरकी किर्रिम बिच्‍चियर।

मरकुस 3:6

ख़ने फरिसीर बहरी कालरकी लॆम हॆरॊदॆर गने येसुसिन पिटा गे चिता बूता नना हेलरर।

मरकुस 6:20

हॆरॊदॆस इदिन नंजस एन्‍देरगेका आस यॊहनसिन इल्चियस अरा आस अक्‍खस का यॊहनस ओन्‍टा उजगो अरा नेम्‍हा आलस रहचस। बॆलस बल्‍लालियस का ऎन एन्‍देर ननोन, लिकिन आसी कत्‍थन मेना बिद्दियस।

लू‍कस 19:47

येसुस उल्‍ला उल्‍ला नू धर्मेसी मन्दिर ही चाली नू सिखाब'आ लगियस। अरा मुध नैगर अरा नॆग सिखाब'उर अरा आलर ही जोक्‍क मुद्धर आसिन पिटा गे मोका बेद्दा लगियर।

लू‍कस 2:47

ऎ बग्गे आलर येसुसी कत्‍थन मेनालियर आर आसी बुझुरना ती अरा आसी उत्तर चि'अना ती अकबकरर केरर।

लू‍कस 20:19

आ बारिम नॆग सिखाब'उर अरा मुध नैगर आसिन धर'आ बेद्दा लगियर, एन्‍देरगेका आर बुझुर ख़च्चिका रहचर का येसुस आर ही बिड़दो ई जोक्‍खा ख़ीरिन बाचकाचस। लिकिन आर आलारिन इल्‍चियर।

लू‍कस 4:22

ओर्मर आसिन सहरारर, अरा एका मया ही कत्‍था गुट्ठी आसी ब‍ई ती उरखालिया, अत्रु ती अकबक मंजर। लिकिन फिन ब'आ हेलरर, “ईस यॊसॆफसी तंग्‍दस मलदस का?”

यॊहनस 7:1

इबड़ा ही ख़ॊख़ा येसुस गलिलेया नू धर्मेसी कत्था तेंगा कुद्दा हेलरस। आस यूदेया नू तेंगा कुद्दा मल बेद्दा लगियस, एन्‍देरगेका यहूदी मुद्धर आसिन पिटा गे बेद्दा लगियर।

यॊहनस 7:19

मूसस निमा गे नॆग चिच्चस, अन्नु हूँ निम्‍है नू नॆ हूँ नॆग लेक्‍खा मल ऎकदर। होले एन्‍देरगे एंगन पिटा बेद्ददर?”

यॊहनस 7:46

धर्मेसी मन्दिर ख़ापू सैनर आनाकिर्ताचर, “नॆ हूँ ई आलस लेक्‍खा एन्ने कछनख्रकन ऎम इकला हूँ मल मेंजकम!”

त‍इरकर 24:25

पौलुस उजगो अरा कयास अरा बरना रायबाडी ही पत्त नू तेंगा लगियस। ख़ने फॆलिक्‍स गे इल्‍चिक'आ कोरचा अरा आस बाचस, “अक्‍कुन गा नीन काला ओंग्‍दय, मोका ख़क्‍ख्र'ओ, ऎन निंगन फेनिम मॆख़ोन।”