मरकुस 11:14 - पुना गच्छरना NT (BSI)

¹⁴ ख़ने आस आ मन्नन बाचस, “नीन इकला हूँ मल ख़ंज'ओय। ख़ने अक्‍कु ती निंग्‍है ख़ंजपन नॆ हूँ मल मॊख़ोर।” आसी ई ब'अनन चेलर हूँ मेंजर।

मरकुस 11:14 ပူးပေါင်းရင်းမြစ်များ

मत्तायोस 21:19

डहरे नू ओन्‍टा अंजीर मन्‍नन ईरयस ती आस अदही गुसन केरस। लिकिन अइय्या अतख़न अम्‍बर एन्‍दरन हूँ मल ख़क्‍खियस ती अदिन आनियस, “अक्‍कु ती इकला हूँ मल ख़ंज'ओय!” अरा अंजीर मन्न लॆम ख़इय्या केरा।

मत्तायोस 21:33

अउर ओन्‍टा जोक्‍खा ख़ीरिन मेना, ओन्‍टा ख़ल्ल उर्बस रहचस। आस ओन्‍टा अंगुर ही बटकी हंड़चस, अरा ओनबेंड़र'आ कुर्गस, अरा अइय्या अंगुर ती रासी ओथ्र'आ गे चचड़ी नू कुंडा कमचस, अरा ख़ापा गे मचा कमचस, अरा अदिन उर्बर गे ठिका चिच्‍चस ती नन्ना राजी किर्रिमबिच्चियस।

मत्तायोस 21:44

अरा ई पखना नू खत्तर'ओर अबड़ा ओर्मर कुटकूटा मनोर क'ओर, अरा नॆखा म‍इय्याँ आद खत्तर'ओ आरिन ख़ोसो चि'ओ।”

मत्तायोस 3:10

अक्‍कु सुरता नना का धर्मेसी रायबड़ी लेक्‍खा टोंग'ए मन्न ही पादा नू अबड़न खंडा गे उईर ख़च्चरकी र'ई। एका मन्न दौ ख़ंजपा मल ख़ंज‍ई अबड़न खंडरकी चिच्‍ची नू सजतार'ओ।

मत्तायोस 7:19

औंगे एका मन्न ठोस ख़ंजपा मल ख़ंज'ई आद तार्रर'ई ती चिच्‍च नू सज्र'ई।

मरकुस 11:13

आस गेच्‍छा ती ओन्‍टा झपूर्रा अंजीर मन्नन ऎररकी हेद्दे केरस का अइय्या ती ख़ंजपा इन्द्रिइम ख़क्‍खोस। लिकिन आस अतख़न अम्‍बरकी एन्‍द्रन हूँ मल ख़क्‍खियस, एन्‍देरगेका ईद अंजीर ही ख़ंजना ही बेड़ा मल रहचा।

मरकुस 11:15

येसुस अरा आसी चेलर येरुसलॆम किर्रियर ती आस धर्मेसी मन्दिर चाली नू कोरचस। असन आलर दाँड़े नन्ना ही मेक्‍खोन ख़ॆंदा पिटालियर। ख़ने येसुस आरिन अइय्या ती बहरी ओथ्र'आ हेलरस। अरा रोम राजी ता ढिबन धर्मेसी मन्दिर ही ढिबा नू बदलुर ही कं‍डोन, अरा पेरवाँ बीसुर ही मचियन हूँ बिड़दाचस चिच्‍चस।

यॊहनस 15:6

नीकईम एंग्है नू मल बन्चका र'ओस होले, आस खंडरकी हेबड़्रका ख़ैका लड़ंग बेसे र'अस। एन्ने लेक्‍खा लड़ंग गुट्ठिन आलर ख़ोजनर ती चिच्‍ची नू झपाब'अनर ती बस्‍सनर चि'अनर।

2 पतरस 2:20

ईर नम्है उर्बस अरा नाड़ुस येसु मसीसी पत्त नू अक्खर ती, ई ख़ॆख़ेल ही सोतबोड़'आ नलख गुट्ठी ती बछरना ती हूँ, फेन ईर अबड़ा सोतबोड़'आ नलख गुट्ठी नू बझरका र'अनर। ईर एन्ने बझरका र'अनर होले, ईर ही ख़ॊख़ा ता दसा मुन्द ता दसा ती कोड़हे मलदौ मनी क'ई।

दहदर मंजका कत्‍था 22:11

मलदौ ननुस अउरिम मलदौ नन्नुम र'अदस नेकअन, अरा मड़िख़का जियातस अउरिम मड़िख़का जिया गने र'अस नेकअन, अरा उजगो आलस अउरिम उजगो नलख नन्नुम र'अदस नेकअन, अरा नेम्‍हा आलस अउरिम नेम्‍हा र'अदस नेकअन।”