मरकुस 11:12 - पुना गच्छरना NT (BSI)

¹² दोसर उल्‍ला येसुस अरा आसी चेलर बेतानिया ती उरखर। आ बारी आस गे कीड़ा लग्‍गिया।

मरकुस 11:12 ပူးပေါင်းရင်းမြစ်များ

मत्तायोस 4:2

अरा आस चालीस उल्‍ला अरा माख़ा उपास नंजस। इदही ख़ॊख़ा आस गे कीड़ा लग्‍गिया।

मरकुस 11:13

आस गेच्‍छा ती ओन्‍टा झपूर्रा अंजीर मन्नन ऎररकी हेद्दे केरस का अइय्या ती ख़ंजपा इन्द्रिइम ख़क्‍खोस। लिकिन आस अतख़न अम्‍बरकी एन्‍द्रन हूँ मल ख़क्‍खियस, एन्‍देरगेका ईद अंजीर ही ख़ंजना ही बेड़ा मल रहचा।

मरकुस 11:20

दोसर उल्‍ला पैरी बारी आर किर्रालियर, ख़ने आर आ अंजीर मन्नन पादा गूटी ख़ैका ईरियर एकदन येसुस सर्पाचका रहचस।

लू‍कस 4:2

अइय्या चालीस उल्‍ला गूटी नाद आसिन बिढ़'आलिया। अबड़ा उल्‍ला नू आस नीदी कूल रहचस। अरा अबड़ा उल्‍ला पूरचा ख़ने आस गे कीड़ा लग्‍गिया।

यॊहनस 19:28

इदही ख़ॊख़ा येसुस अक्‍खस का आस तंग्‍है उर्मी नलखन नंज ख़च्‍चियस। औंगे नेम्‍हा पुथी ता लिख्रका मना गे आस बाचस, “ऎन ओनक'आ र'अदन।”

इब्रानी 2:17

ई चड्डे आस गे जम्मा नू तंग्‍है भ‍ईर लेक्‍खा मन्ना चाड़ रहचा। औंगे आस धर्मेसी सुसर नन्ना नू आर ही सोग्‍गे ईरू अरा पत्त'अना जॊगे कोहाँ नैग मना ओंगोस, अरा आस आर ही पाप गुट्ठिन छमा नना गे दाँड़े नना ओंगोस।