मरकुस 10:52 - पुना गच्छरना NT (BSI)

⁵² तहाँ येसुस बाचस, “कला, नीन एंगन पत्ताचकय ख़ने ऎन निंगन कोड़े नन्‍दन।” आ आलस लॆम ऎरा उंगियस, अरा डहरे नू आसी गने केरस।

मरकुस 10:52 ပူးပေါင်းရင်းမြစ်များ

मत्तायोस 11:5

अन्‍धहर ऎरनर अरा लेंगड़र ऎकनर अरा खसरा रोगियर सफा नन्तारनर अरा भइरा आलर मेनालनर अरा केचका आलर उज्‍जतारनर अरा कीड़र गे दौ कत्‍था तेंगतार'आ लगी।

मत्तायोस 12:22

तहाँ आलर ओन्‍टा अन्धहा अरा कोंदासिन, नॆ नाद ती धरताचका रहचस, आसिन आसी हेद्दे ओन्‍द्रर, अरा येसुस आसिन कोड़े नंजस, अरा आस ऎरा आरा कछनख्र'आ हेलरस।

मत्तायोस 15:28

तहाँ येसुस आनाकिर्ताचस, “अनय ख़द्दो, निंग्‍है पत्त'अना कोहाँ र'ई, एकन्ने नीन बिद्दिन अन्नेम निंगा मनन।” अरा तंग्‍दा आ बारिम कोड़े मंजा केरा।

मत्तायोस 21:14

अन्धहा अरा लेंगडर धर्मेसी मन्दिर नू आसी गुसन बरचर, अरा आरिन आस कोड़े नं‍जस।

मत्तायोस 8:3

ख़ने येसुस ख़ेक्खा ती आसिन ऎंसड़स ती बाचस, “एंग्‍है मने र'ई का नीन सफा मना कला।” आ बारिम आसी खसरा सफा मंजा केरा।

मत्तायोस 9:22

येसुस ख़ॊख़ा तरा बिड़द्रस ती अदिन ईरयस ती बाचस, “अनय ख़द्द जिया नू डिढ ननय, नीन एंगन पत्ताचकी, औंगे नीन उजगारदी।” आ बारिम आद कोड़े मंज ख़च्‍चिया।

मरकुस 1:31

ख़ने आस अदही गुसन कालरकी अदिन ख़ेक्खन धर'अरकी चॊदस। लॆम अदही नाड़ी तम्मिया केरा। तहाँ आद चॊचा ती आर गे ओन्ना-मॊख़ना चिच्‍चा।

मरकुस 5:34

ख़ने आस अदिन बाचस, “ख़द्दे, नीन एंगन पत्ताचकी का ऎन निंगन उजग'आ ओंग्दन, आदिम निंगन उजगाचा, दौ गने किर्रिमबि'अय, अरा नीन ई रोगे ती उजगार'अय।”

मरकुस 8:25

ख़ने येसुस अउरिम ओंग्‍होन आसी ख़न्‍न नू ख़ेक्खा उइय्‍यस, ख़ने आस कोड़े मंज ख़च्‍चियस, अरा आस जम्मानिम फरीफरी ऎरा उंगियस।

लू‍कस 7:50

लिकिन आस आ मुक्‍कन बाचस, “नीन एंगन पत्ताचकय, औंगे धर्मेस निंगन नाड़ियस, कोड़े गने किर्रिम बि'अय।”

लू‍कस 9:48

अरा आरिन बाचस, “एका ओर्तोस ई बेसे ओन्‍टा ख़द्दासिन एंग्‍है बदली नू इंझ्रदस आस एंगन इंझ्रदस। अरा एका ओर्तोस एंगन इंझ्रदस आस एंगन त‍इय्‍का एंग्‍है बबासिन हूँ इंझ्रदस। अरा नॆ निम्‍है नू तंगन सन्नी ती सन्नी अख़दस आसिम धर्मेसी ऎरना नू कोहाँ र'अदस।”

यॊहनस 9:32

ख़ॆख़ॆल ही ऒर ती नॆ हूँ इकला हूँ एन्ने म‍ल्‍ला मेन्‍द्रका का नेकइम कुन्‍द्रका ती अन्धहा आलासिन कोड़े नंजस।

यॊहनस 9:39

तहाँ येसुस बाचस, “नेंवई गे ऎन ख़ॆख़ेल नू बरचकन। ख़ने नॆ अन्धहा र'अनर आर ऎरोर, अरा नॆ तमन ऎम ऎरदम एन्ने सोचनर, आर अन्धहा बार'ओर।”

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’