मरकुस 10:43 - पुना गच्छरना NT (BSI)

⁴³ लिकिन निमा अन्ने मल नन्ना र'ई, नीक‍ईम निम्‍है मझी नू कोहाँ मना बेद्ददस होले, आस नन्नर गे तेतर-सुसर ननुस मन्ना र'ई।

मरकुस 10:43 ပူးပေါင်းရင်းမြစ်များ

मरकुस 10:42

ख़ने येसुस उर्मी चेलारिन हेद्दे मीख़ियस अरा बाचस, “नीम अख़दर का ई ख़ॆख़ेल नू राजीख़ापुर आलर म‍इय्‍याँ आकुस ऎदनर ती आरिन राजी नन्नर, अरा आर ही मुद्धर आरिन चीपनर।

मरकुस 10:44

अरा नीक‍ईम निम्‍है मझी नू मुद्धस मना बेद्ददस, आस नन्नर गे बिट्ठी ननू जॊंख़स लेक्‍खा तेतर-सुसर नन्ना र'ई।

मरकुस 9:35

ख़ने आस ओक्‍करकी बारा चेलारिन तंग्‍है गुसन मीख़ियस अरा आरिन बाचस, “नीक‍ईम धर्मेसी ऎरना नू ओर्मर ती कोहाँ मना गे बेद्दोस होले, आस तंगन ओर्मर ती सन्नी सोचना र'ई, अरा ओर्मर गे तेतर-सुसर नन्ना र'ई।”

लू‍कस 14:11

अरा इदन सुरता नना का नॆ तमन कोहाँ ऎदनर आर सन्नी मन्‍तार'ओर‍, अरा नॆ तमन सन्नी ऎदनर आर कोहाँ मन्‍तार'ओर।”

लू‍कस 18:14

ऎन निमन ब'अदन, हूस मला ईस धर्मेसी ऎरना नू उजगो मनरकी एड़पा केरस। एन्‍देरगेका नॆ तंगन कोहाँ नन्‍दस आस सन्नी मन्‍तार'ओस। अरा नॆ तंगन सन्नी कम'ई आस कोहाँ मनतार'ओस।”

लू‍कस 22:26

निम्‍है नू गा अन्ने मल नन्ना र'ई, निम्‍है मझी नू नॆ ओर्मर ती कोहाँ र'अदर आर सन्नी पद हो'अना र'ई। अरा मुद्धर जॊंख़र लेक्‍खा तेतर-सुसर नन्ना र'ई।

लू‍कस 9:48

अरा आरिन बाचस, “एका ओर्तोस ई बेसे ओन्‍टा ख़द्दासिन एंग्‍है बदली नू इंझ्रदस आस एंगन इंझ्रदस। अरा एका ओर्तोस एंगन इंझ्रदस आस एंगन त‍इय्‍का एंग्‍है बबासिन हूँ इंझ्रदस। अरा नॆ निम्‍है नू तंगन सन्नी ती सन्नी अख़दस आसिम धर्मेसी ऎरना नू कोहाँ र'अदस।”

यॊहनस 18:36

येसुस आनाकिर्ताचस, “एंग्‍है राजी ई ख़ॆख़ेल ता मल्‍ली। एंग्‍है राजी ई ख़ॆख़ेल ता रहचका होले, एंग्‍है जॊंख़र लड़'ओर दने, का ऎन यहूदीर ही ख़ेक्खा नू मल चीतार'ओन दने। लिकिन एंग्‍है राजी ई ख़ॆख़ेल ता मल्‍ली।”

रोमी 12:2

ई ख़ॆख़ेल ता आलर ही लेक्‍खा अमा मना, लिकिन धर्मेस ती निम्‍है जिया सुबहन बदल'आ। होले नीम अख़'ओर का निमा एन्‍देर नन्‍ना र'ई एकन्ने धर्मेस बेद्ददस, अरा एन्‍देर दौ र'ई अरा एन्‍द्रा धर्मेसिन रिझतार'ई अरा एन्‍द्रा कोड़हे बॆस र'ई।

गलातिया 5:13

भईरो, नीम नाड़र'आ गे मॆख़्रकादर एन्ने अम्‍बो मना का ईद मॆद ही नलख गे मोका मनो। लिकिन चोन्‍हा ती ओर्त ओर्त गे सुसर नन्नर नेकअन।