मरकुस 10:29 - पुना गच्छरना NT (BSI)

²⁹ तहाँ येसुस आरिन बाचस, “ऎन निमन मानिम ब'अदन, नॆ हूँ एंग्‍है चेला मन्ना चड्डे अरा दौ कत्‍था मेन्‍त'अना चड्डे तंग्‍है एड़पा पली महले भइय्योर महले बहिनोर महले अयंग महले बंग महले ख़द्द-ख़र्रा महले ख़ल्‍लन अम्‍बका र'अदस होले,

मरकुस 10:29 ပူးပေါင်းရင်းမြစ်များ

मत्तायोस 10:18

अरा नीम राजीखापुर अरा बॆलर ही मुन्‍दहारे इजतार'ओर। लिकिन ईद आर गे अरा नन-यहूदीर गे एंग्‍है पत्त नू तेंगा गे निमा मोका हवे।

मत्तायोस 19:29

अरा एका ओर्तस तंग्‍है एड़पा पली महले भ‍ईर महले बहिनर महले अयंग महले बंग महले ख़द्द-ख़र्रा महले ख़ल्‍लन एंग्‍है चड्‍डे अम्‍बका र'अदस, आस गे सौ गुना ख़क्‍ख्र'ओ अरा मुंजामलका उज्‍जना ख़क्‍ख्र'ओ।

मत्तायोस 6:33

लिकिन मुन्‍द धर्मेस निम्‍है उज्‍जना नू राजी नन्ना ही पत्त सोच नू र'आ अरा आसी मने लेक्‍खा नना, होले इबड़ा उर्मी आलॊ निमा चितार'ओ।

मरकुस 8:35

नीक‍ईम तंग्‍‍है उज्‍जनन तंग्‍गा गे उज्‍जा बेद्ददस होले आस धर्मेस गने जनमजुग ही उज्‍जनन एबस'ओस, लिकिन आस एंग्‍है चड्डे अरा एंग्‍है दौ कत्‍था ही चड्डे तंग्‍‍है उज्‍जनन चि'ओस होले आस धर्मेस गने जनमजुग ही उज्‍जनन ख़क्‍खोस।

लू‍कस 18:29

आस आरिन बाचस, “ऎन निमन मानिम ब'अदन, एका ओर्तस धर्मेस आलारिन राजी नना गे तंग्‍है एड़पा पलिन महले तंग्‍आलिन महले तंग्‍है भ‍इय्योरिन महले तंग्‍है अयंग बंगारिन महले तंग्‍है ख़द्द-ख़र्रान अम्‍बका चिच्का र'अनर।

1 कोरिन्‍थ 9:23

ऎन दौ कत्‍था ही आसीस नू बटा मना गेम दौ कत्‍था ही चड्डे ऎन इबड़ा उर्मिन नन्‍दन।

दहदर मंजका कत्‍था 2:3

नीन खतिर नन्ना ती एंग्‍है नामे चड्डे दुक्‍खे चॊदकय, अन्नु हूँ हार मल मोक्‍कय।