मरकुस 10:1 - पुना गच्छरना NT (BSI)

¹ फिन येसुस कफरनहूम नगरे आबोन अम्‍बरकी यूदेया जिला अरा यरदन ख़ाड़ ही आ पक्‍खे केरस। गोंहड़ा आस गुसन फिन ख़ॊंड़रा। अरा आस तंग्‍है रोज ता लेक्‍खा आरिन सिखाब'आ हेलरस।

मरकुस 10:1 ပူးပေါင်းရင်းမြစ်များ

मत्तायोस 26:55

तहाँ येसुस गोंहड़ा आबोन बाचस, “ऎन गा उर्मी उल्‍ला धर्मेसी मन्दिर नू निम्‍है गने सिखाब'आ लिक्‍कन। ख़ने नीम एंगन मल धरचकर। नीम डाकू आलारिन धरना लेक्‍खा एंगन धर'आ गे तलवार अरा सोट्टा धर'अरकी बरचकादर।

मत्तायोस 4:23

येसुस गोट्टा गलिलेया नू कुद्दा कुद्दा आर ही गोड़हा एड़पा गुट्ठी नू सिखाब'आलियस अरा मेर्ख़ा राजी ही पत्त ता दौ कत्‍था तेंगा कुद्दा लगियस, अरा उर्मी आलर ही रोगे अरा पयहा गुट्ठिन उजग'आ लगियस।

मरकुस 1:21

जोक्को उल्‍ला ख़ॊख़ा येसुस अरा अबड़ा चेलर कफरनहूम नगरे केरर। अरा आस ख़ॊख़ा ता यहूदी ख़न्न ऎख़ना उल्‍ला नू यहूदी गोड़हा एड़पा कालरकी असला जुमुरका आलारिन सिखाब'आ हेलरस।

मरकुस 10:2

तहाँ जोक्को फरिसीर आस गुसन आसिन बझाब'अना चिहुट ती बरचर ती मेंजर, “ओन्‍टा आलस गे तंग्‍है आलिन अम्‍बरनखरना यहूदी धरम ही नॆग लेक्‍खा मानिम र'ई का?”

मरकुस 12:35

फिन येसुस धर्मेसी मन्दिर नू सिखाब'आ लगियस ख़ने आस मेंजस, “नॆग सिखाब'उर एन्‍देरगे ब'अनर का मसीस दाऊदसी ख़द्दस हिकदस?

मरकुस 2:13

येसुस फिन कफरनहूम नगरे ती उरखरकी गलिलेया समुदर ही पिंडी नू केरस। अरा कोहाँ गोंहड़ा आसी हेद्दे बरचा, अरा आस आरिन सिखाबाचस।

मरकुस 4:2

अरा आस आरिन जोक्‍खा ख़ीरी ती कैनो गोट कत्‍थन सिखाबाचस। अरा तंग्‍है सिखाब'अना नू एन्ने बाचस,

मरकुस 6:2

ख़न्न ऎख़ना उल्‍ला नू आस गोड़हा एड़पा नू सिखाब'आ हेलरस। बग्‍गे आलर अदन मेंजर ती अनचकरर केरर अरा जोक्को आलर ब'आलियर, “ईस गे एन्ने लूर ही कत्‍था, अरा एन्ने अकबक नलख नना गे सवंग एसलेक ख़क्‍खरा?

मरकुस 6:34

येसुस डोंगा ती इत्तियस ख़ने पिंडी नू कोहाँ गोंहड़न ईरियस। आस गे आर ही म‍इय्‍याँ सोग्‍गे लग्‍गिया, एन्‍देरगेका आर ख़ापुर मलका भेंडो लेक्‍खा रहचर। ख़ने आस आरिन कैनो गोटंग कत्‍था ही पत्त नू सिखाब'आ हेलरस।

मरकुस 6:6

आर आसिन मल पत्ताचर इदन आस ऎररकी अकबकरस केरस। अरा येसुस तंग्‍है चेलर गने पद्दा पद्दा नू कालरकी आलारिन सिखाब'आलियस।

यॊहनस 10:40

तहाँ आस यॊहनस मुन्‍द नॊड़रत'आ लगियस असन यरदन ख़ाड़ ही आ पक्‍खे किर्रिम बिच्‍चियस, अरा असन रहचस।

यॊहनस 11:7

फेन इदही ख़ॊख़ा आस तंग्‍है चेलारिन बाचस, “बरा, नाम अउरिम यूदेया किर्रोत क'ओत।”

यॊहनस 18:20

येसुस आनाकिर्ताचस, “ऎन एन्‍देर सिखाबाचकन अदन ओर्मर अख़नर। ऎन उर्मी यहूदीर ख़ॊंड़रना गोड़हा एड़पा गुट्ठी नू अरा येरुसलॆम मन्‍दिर नू घड़ी घड़ी सिखाबाचकादन, अरा नुड़'अरकी एन्‍द्रन हूँ मल बाचकन।