मरकुस 1:8 - पुना गच्छरना NT (BSI)

⁸ ऎन गा निमन अम्मु ती लेका नॊड़रत'अदन, लिकिन आस निमन नेम्‍हा बॊलतस ती नन्ना घत्त नू नॊड़त'ओस।”

मरकुस 1:8 ပူးပေါင်းရင်းမြစ်များ

मत्तायोस 3:11

ऎन गा जियन किर्त'आ गे अम्म ती नॊड़रत'अदन, लिकिन एकास एंग्‍है ख़ॊख़ा बर‍'ऊ र'अदस, आस एंग्‍है ती कोड़हे सवंगिय र'अदस। ऎन गा आसी खरपन चॊदना जॊगे मलकन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍च ती नॊड़त'ओस।

मरकुस 1:7

आस एन्ने मेन्त'आलियस, “ओर्तोस लॆम बर'ऊ र'अदस आस एंग्‍है ती कोड़हे सवंगिय र'अदस। ऎन ख़ोलख़र'अरकी आसी खरपन इँचना ही हूँ जॊगे मलकन।

मरकुस 1:9

अबड़ा उल्‍ला नू उन्‍दुल येसुस गलिलेया जिला ही नासरेत पद्दा ती बर'अरकी यॊहनस हेद्दे केरस। यॊहनस आसिन यरदन ख़ाड़ नू नॊड़रताचस।

लू‍कस 3:16

यॊहनस ओर्मारिन बाचस, “ऎन गा निमन अम्मु ती नॊड़रत'अदन, लिकिन एकास बर‍'ऊ र'अदस आस एंग्‍है ती कोड़हे सवंगिय र'अदस। ऎन ई जॊगे हूँ मलकन का आसी जूता गुट्ठी ही ऎपन हूँ कोल्‍ला ओंगोन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍ची ती नॊड़'ओस।

यॊहनस 1:26

ख़ने यॊहनस आनाकिर्ताचस, “ऎन गा अम्मु ती नॊड़रत'अदन, लिकिन निम्‍है मझी नू इसन ओर्तोस र'अदस, आसिन नीम बलदर।

यॊहनस 1:33

ऎन हूँ आसिन बल्‍ला लिक्‍कन। लिकिन एंग‍न नॆ अम्मु ती नॊड़रत'आ गे तइय्यस, आसिम एंगन बाचस ‘नीन नॆख'आ मइय्याँ नेम्‍हा बॊलतन एत्तना अरा ओक्‍कनन ऎरोय, आसिम नेम्हा बॊलतस ती नॊड़रत'ओस।’

त‍इरकर 1:5

यॊहनस गा अम्मु ती नॊड़रताचस, लिकिन जोक्‍क उल्‍ला ख़ॊख़ा नीम नेम्‍हा बॊलतस ती नॊड़तार'ओर।”

त‍इरकर 10:45

ख़ने पतरस गने बरचका यहूदी पत्त'ऊ आलर इदिन ईरियर ती अनचकरर केरर, एन्‍देरगेका नन-यहूदीर गे हूँ नेम्‍हा बॊलतासी इनाम ख़क्‍ख्रकी रहचा।

त‍इरकर 2:17

‘धर्मेस बाचकादस ‘मुंज्रना ही उल्‍ला गुट्ठी नू ऎन उर्मी आलर म‍इय्याँ एंग्‍है बॊलतन तुन्‍दोन, होले निम्‍है कुक्‍को कुक्‍के ख़द्दर धर्मेसी कत्थन मुन्द तेंगोर, अरा निम्‍है जॊंख़र देखार गुट्ठी ऎरोर, अरा निम्‍है पचगीर तुंगुल गुट्ठी ऎरोर।

त‍इरकर 2:4

अरा अबड़ा ओर्मर नेम्‍हा बॊलतस नू निन्‍दियर केरर, अरा बॊलतस एकासे कछनख्र'आ गे सवंग चिच्‍चस अबड़ा ओर्मर नन्ना नन्ना भखा कछनख्र'आ हेलरर।

1 कोरिन्‍थ 12:13

एन्‍देरगेका नाम यहूदीर मलता नन-यहूदीर मलता बिट्ठी ननू जॊंख़ मलता छछिन्‍द र'अदत। अन्नु हूँ नाम ओर्मत ओन्‍टे नेम्हा बॊलतस ती ओन्‍टे मॆद नू नॊड़रकत। अरा नाम ओर्मत ओन्‍टे नेम्हा बॊलतासिन ख़क्‍खकत।