मरकुस 1:5 - पुना गच्छरना NT (BSI)

⁵ येरुसलॆम नगरे अरा यूदेया जिला ही नन्ना नन्ना अड्डा ती नगदे आलर आसी गुसन कालालियर। असन आर आसी कत्‍थन मेनरकी तम्‍है पाप गुट्ठिन पत्त'आलियर। ख़ने यॊहनस आरिन यरदन ख़ाड़ नू नॊड़रत'आलियस।

मरकुस 1:5 ပူးပေါင်းရင်းမြစ်များ

मत्तायोस 4:25

गलिलेया जिला, देकापोली, येरुसलॆम, यूदेया जिला दरा यरदन ख़ाड़ ही आ पक्‍खे ती बरचका ओन्टा कोहाँ गोंहड़ा येसुसी ख़ॊख़ा गुड़ियारा।

मरकुस 1:4

औंगे यॊहन नूड़रत'उस टोड़ंग नू ऎथ्रस अरा आलारिन मेन्त'आलियस, “जियन किर्त'आ, अदही चिन्‍हा गे ऎन निमन अम्मु ती नॊड़रत'अदन। होले धर्मेस निम्है पाप गुट्ठिन छमा ननोस।”

मरकुस 1:6

यॊहनस ऊंट ही चुट्टी ती कमचका ओन्‍टा कड़कड़हा किचरिन चो'आलियस। अरा तंग्‍है कड़मा नू चपटा ही कमरपटी हें'आलियस। आस बोक्‍खो गुट्ठी अरा पतड़ा तीनिन लेका मॊख़ालियस।

यॊहनस 1:28

इबड़ा ओर्मा कत्‍था यरदन ख़ाड़ ही पुरुब तरा बेतानिया पद्दा नू मंजा, असन दिम यॊहनस आलारिन नॊड़रत'आ लगियस।

यॊहनस 3:23

यॊहनस हूँ सलेम ही हेद्दे ऐनॊन ख़ाड़ नू नॊड़रत'आ लगियस, एन्‍देरगेका असन बग्‍गे अम्मु रहचा, अरा आलर नॊड़र'आ गे बरतेम र'आ लगियर।

त‍इरकर 19:18

अबड़र ती बग्‍गे आलर नॆ पत्ताचकाचर, आर बरचर ती तम्‍है मलदौ नलख गुट्ठिन परगट रूप नू हुकमारर।

त‍इरकर 2:38

पतरस आरिन बाचस, “नीम जियन किर्त'आ, अरा नीम ओर्मा आलर निम्‍है पाप गुट्ठी ही छमा गे येसु मसीसी नामे ती नॊड़र'आ। होले नीम इनाम नू नेम्‍हा बॊलतासिन ख़क्‍खोर।

याकॊब 5:16

औंगे नीम निम्है पाप गुट्ठिन ओर्त ओर्तर नू तेंग्र'आ, अरा ओर्त ओर्तर गे गोहरार'आ, होले नीम उजगार'ओर। उजगो आलासी गोहरारना सवंगिय र'ई, अरा इत्रु ती कोड़हे नलख मना ऊंगी।