मरकुस 1:41 - पुना गच्छरना NT (BSI)

⁴¹ इदन मेनरकी येसुस गे आसिन नगदे सोग्‍गे लग्‍गिया। ख़ने आस तंग्‍है ख़ेक्खन बड़हाबाचस ती आ आलासिन ऎवंढरस अरा बाचस, “एंग्‍है मने र'ई, औंगे ऎन निंगन कोड़े नन्‍दन।”

मरकुस 1:41 ပူးပေါင်းရင်းမြစ်များ

मत्तायोस 9:36

येसुस गोंहड़न ईरयस ख़ने आस गे आर ही मइय्याँ सोग्‍गे लग्‍गिया, एन्‍देरगेका आर ख़ापुर मलका भेंडो लेक्‍खा भिड़कारका अरा बींड्रका रहचर।

मरकुस 1:40

उन्‍दुल ओन्‍टा खसरा रोगियस येसुस गुसन बरचस, अरा आसी मुन्‍दहारे मूकलिदरस ती गोहरारस, “एंगन कोड़े ननम चि'आ एन्‍देरगेका ऎन अख़दन, निंग्‍है मने र'ई होले नीन एंगन कोड़े नना ओंग्दय।”

मरकुस 1:42

लॆम आस कोड़े मंजस केरस। फिन आस खसरा रोगी मल रहचस।

मरकुस 4:39

ख़ने येसुस चो'अरकी ताकन केप्‍पस अरा लहरन बाचस, “मड़‍'अय कलय! अमय गरजार‍'अय।” ख़ने ताका मड़चा अरा समुदर छछिन्‍द मंजा।

मरकुस 5:41

तहाँ आस कुक्‍के ही ख़ेक्खन धर'अरकी अदिन अरामी भखा नू बाचस, “ तलिता कूम” एकदा ही माने “सन्नी कुक्‍के ऎन निंगन ब'अदन, चो'अय”।

मरकुस 6:34

येसुस डोंगा ती इत्तियस ख़ने पिंडी नू कोहाँ गोंहड़न ईरियस। आस गे आर ही म‍इय्‍याँ सोग्‍गे लग्‍गिया, एन्‍देरगेका आर ख़ापुर मलका भेंडो लेक्‍खा रहचर। ख़ने आस आरिन कैनो गोटंग कत्‍था ही पत्त नू सिखाब'आ हेलरस।

इब्रानी 1:3

आस धर्मेसी महबा ही त्रास ऎथ्रदस अरा आसी सुबहा आबोन अन्नेम ऎद्ददस। आस तंग्‍है सवंगिय कत्‍था ती ओर्मा जिनिसन समड़'अदस। आस नम्‍है पाप गुट्ठिन सुध नंजस ती उर्मी सवंग ती निन्‍द्रका धर्मेसी तीना पक्‍खे उक्‍का र'अदस।

इब्रानी 2:17

ई चड्डे आस गे जम्मा नू तंग्‍है भ‍ईर लेक्‍खा मन्ना चाड़ रहचा। औंगे आस धर्मेसी सुसर नन्ना नू आर ही सोग्‍गे ईरू अरा पत्त'अना जॊगे कोहाँ नैग मना ओंगोस, अरा आस आर ही पाप गुट्ठिन छमा नना गे दाँड़े नना ओंगोस।

इब्रानी 4:15

नम्‍है एन्ने कोहाँ नैगस र'अस का नॆ नम्‍है पयहा नू नम्‍है गने दुक्‍खे सार'आ ओंग्दस। आस गा ख़ॆख़ेल नू उज्‍जो बारी उर्मी रकम ती नम्‍है लेक्‍खा बिढ़्रस, लिकिन एन्‍देर हूँ पाप मल नंजस।