मरकुस 1:40 - पुना गच्छरना NT (BSI)

⁴⁰ उन्‍दुल ओन्‍टा खसरा रोगियस येसुस गुसन बरचस, अरा आसी मुन्‍दहारे मूकलिदरस ती गोहरारस, “एंगन कोड़े ननम चि'आ एन्‍देरगेका ऎन अख़दन, निंग्‍है मने र'ई होले नीन एंगन कोड़े नना ओंग्दय।”

मरकुस 1:40 ပူးပေါင်းရင်းမြစ်များ

मत्तायोस 11:5

अन्‍धहर ऎरनर अरा लेंगड़र ऎकनर अरा खसरा रोगियर सफा नन्तारनर अरा भइरा आलर मेनालनर अरा केचका आलर उज्‍जतारनर अरा कीड़र गे दौ कत्‍था तेंगतार'आ लगी।

मत्तायोस 17:14

एकाबारी येसुस अरा आसी चेलर गोंहड़ा गुसन अंड़सियर ख़ने, ओर्त आलस आसी गुसन बरचस ती मूकलिदरस,

मरकुस 1:41

इदन मेनरकी येसुस गे आसिन नगदे सोग्‍गे लग्‍गिया। ख़ने आस तंग्‍है ख़ेक्खन बड़हाबाचस ती आ आलासिन ऎवंढरस अरा बाचस, “एंग्‍है मने र'ई, औंगे ऎन निंगन कोड़े नन्‍दन।”

मरकुस 10:17

एकाबारी येसुस अरा आसी चेलर डहरे ऎका गे सपड़ार'आलियर, ख़ने ओन्‍टा आलस बुंगनुम आसी गुसन बरचस, अरा आसी मुन्‍दहारे ख़ेडमूली खत्तर'अरकी मेंजस, “अना गुरु, नीन दौ आलय हिकदय, एंगा धर्मेस गने जनमजुग ही उज्‍जना ख़क्‍खा गे एन्‍देर नन्‍ना मनो?”

लू‍कस 22:41

अरा आस तान ढेला हेबड़ना गेच्‍छा केरस। अरा मूकलिदरस ती बिन्‍ती नना हेलरस।

त‍इरकर 7:60

अरा आस मूकलिदरस ती जॊरसरिया बाचस, “उर्बायो, ई पापन ईर ही म‍इय्याँ अमके नना।” अरा एन्ने बाचस ती आस जियन बिछरस।

इफेसुस 3:14

ऎन धर्मेसी लूरन अरा चिताबुतन सोचदन ख़ने, मेर्ख़ा अरा ख़ॆख़ेल नू र'ऊ उर्मी एड़पातारिन गढ़चका बंगासी मुन्दहारे मूकलिदिरदन।