मरकुस 1:32 - पुना गच्छरना NT (BSI)

³² अउला पुतबारी बीड़ी पुत्तका ख़ॊख़ा जोक्को आलर रोगियर अरा नॆखा म‍इय्‍याँ नाद रस्‍सकी रहचा अबड़ा ओर्मारिन येसुस गुसन ओन्‍द्रर बरचर।

मरकुस 1:32 ပူးပေါင်းရင်းမြစ်များ

मत्तायोस 4:24

येसुसी पत्त ता कत्‍था गोट्टा सीरिया राजी नू बीड़्रा। आलर मिरगी, लकवा दरा कैनो मदहे बेमार ती लिंड्रका रोगियारिन अरा नाद धरचका आलारिन येसुस गुसन ओन्‍द्र'आ लगियर। अरा आस आरिन उजग'आ लगियस।

मत्तायोस 8:16

बीड़ी पुत्तिया ख़ने कोड़हे आलर नाद लक्‍का आलारिन आसी गुसन ओन्द्रर ती बरचर। येसुस कत्‍था लेका तिम अबड़ा बॊलता गुट्ठिन ओथ्रस अरा ओर्मा रोगियारिन कोड़े नंजस।

मत्तायोस 8:17

येसुसी इबड़ा नलख ती धर्मेसी कत्‍था तिंगू यसायास ती बाचका कत्‍था पुरचा। एकासे का, “आस नम्‍है पयहा गुट्ठिन तान भोगचस अरा नम्‍है रोगे गुट्ठिन चॊदस।”

मरकुस 1:21

जोक्को उल्‍ला ख़ॊख़ा येसुस अरा अबड़ा चेलर कफरनहूम नगरे केरर। अरा आस ख़ॊख़ा ता यहूदी ख़न्न ऎख़ना उल्‍ला नू यहूदी गोड़हा एड़पा कालरकी असला जुमुरका आलारिन सिखाब'आ हेलरस।

मरकुस 1:31

ख़ने आस अदही गुसन कालरकी अदिन ख़ेक्खन धर'अरकी चॊदस। लॆम अदही नाड़ी तम्मिया केरा। तहाँ आद चॊचा ती आर गे ओन्ना-मॊख़ना चिच्‍चा।

मरकुस 3:2

अरा जोक्को फरिसीर येसुसिन बदी ठेकाब'आ गे जोह'आलियर, औंगे आर आसिन चिहुंक ती ऎरालियर, का ईस ख़ैका ख़ेक्खा आलासिन ख़न्न ऎख़ना उल्‍ला नू कोड़े नन्‍दस का म‍ला।

लू‍कस 4:40

बीड़ी पुतबारी अबड़ा आलर नॆ नॆ कैनो मदहे बेमार ती लिंडरका रहचर आर जम्मारिन आसी गुसन ओन्‍द्रर। अरा आस ओरोत ओरोत म‍इय्याँ ख़ेक्खा उइय्यस ती कोड़े नंजस।

लू‍कस 4:41

अरा नाद गुट्ठी हूँ चिच्चियारनुम नगदे आलर ती उरखा केरा अरा ब'आलिया का “नीन धर्मेसी ख़द्दय हिकदय”। लिकिन आस अबड़न केबालियस अरा तंग्‍है पत्त नू ब'आ मल चिच्‍चस। एन्‍देरगेका अबड़ा आसिन अख़'आलिया का आस मसी हिकदस।