मरकुस 1:26 - पुना गच्छरना NT (BSI)

²⁶ ख़ने मलदौ बॊलता आसिन नगदे दरकाचा अरा जॊरसरिया चिच्चि‍यारनुम आसिन अम्‍बिया चिच्‍चा।

मरकुस 1:26 ပူးပေါင်းရင်းမြစ်များ

मरकुस 1:25

येसुस मलदौ बॊलतन चेताब'अरकी आनियस, “कलेकले र'अय, ई आलस ती उरखय कलय।”

मरकुस 1:27

असन रहचर ओर्मर अनचकरर केरर, अरा ताम ताम कछनख्र'आ हेलरर, “बब्बारे! ई सिखाब'अना एकासे? ईद गा आकुस गने पुना सिखाब'अना। आस मलदौ बॊलतन हूँ आनदस, अबड़ा हूँ आसी कत्‍थन मिनी।”

मरकुस 9:20

ख़ने आर कुक्‍कोसिन आसी गुसन ओन्‍द्रर। आ बॊलता येसुसिन ईरिया ख़ने, ख़द्दासिन दरका नंजा अरा आस ख़ॆख़ेल नू खत्तरस। आस लोट्टरस अरा आसी ब‍ई ती बोट्टो उरखा।

मरकुस 9:26

ख़ने आ बॊलता चिच्चि‍यारा अरा कुक्‍कोसिन नगदे मुरकुटचा अरा आसिन ती उरखा बरचा। अरा आस केचका लेक्‍खा मंजस केरस। ख़ने असला बग्‍गे आलर एन्ने बाचर का ईस गा केच्‍चस केरस।

लू‍कस 11:22

लिकिन आसिन ती कोड़हे सवंगियस बरदस ती आसिन ती जितदस होले आसी अबड़ा कमहड़ नू आसी असरा र'ई अबड़न बच्‍चदस अरा आसी खुर्जी गुट्ठिन हो'अदस कादस।

लू‍कस 9:39

आसिन ओन्‍टा मलदौ बॊलता धर'ई, अरा आस आचका चिच्चि‍यारदस, अरा आद आसिन एन्ने मुर्कुट'ई का आसी बई ती बोट्टो उरखी, अरा आसिन पखड़'ई पिदख़'ई ती नगदे ढेवाँ ती अम्‍बी।

लू‍कस 9:42

आ कुक्‍कोस बर'आ लगियस आ बारी नाद आसिन पखड़ाचा ती मुरकुटचा, लिकिन येसुस आ मलदौ बॊलतन केप्‍पस, अरा ख़द्दासिन कोड़े नंजस ती आसिन तम्बस गे सोंपचस चिच्‍चस।