मरकुस 1:25 - पुना गच्छरना NT (BSI)

²⁵ येसुस मलदौ बॊलतन चेताब'अरकी आनियस, “कलेकले र'अय, ई आलस ती उरखय कलय।”

मरकुस 1:25 ပူးပေါင်းရင်းမြစ်များ

मत्तायोस 9:30

तहाँ आर ही ख़न्न चलख़रा केरा अरा आर ऎरा उंग्‍गियर। अरा येसुस आरिन बर्जाचस ती बाचस, “चिहुंक र'अके, इदिन नॆकन हूँ अमके तेंगा।”

मरकुस 1:24

“हे नासरेत पद्दा ता येसु! एम्‍है गने निंगा गे एन्‍देर नलख र'ई? नीन एमन नास नना गे बरचका र'अदय का? ऎन अख़दन नीन एका ओर्तय, नीन गा धर्मेस ती बरचका नेम्‍हा आलय।”

मरकुस 1:26

ख़ने मलदौ बॊलता आसिन नगदे दरकाचा अरा जॊरसरिया चिच्चि‍यारनुम आसिन अम्‍बिया चिच्‍चा।

मरकुस 1:34

येसुस कैनो मदहे रोगे ती लिंड़रका नगदे बग्‍गे आलारिन कोड़े नंजस। अरा कैनो नाद आबोन हूँ आलर ती बोंग्ताचस। अरा अबड़ा नादन आसी पत्त नू ब'आ मल चिच्‍चस, एन्‍देरगेका अबड़ा आसिन अक्‍खा का आस नॆ तंग्‍है।

मरकुस 9:25

गोंहड़ा ही असन बोंग ख़ॊंड़रनन येसुस ईरियस। ख़ने आस एन्ने बाचस ती मलदौ बॊलतन खखवाचस, “अनय कुन्‍दी अरा बैरी ननू बॊलता ऎन निंगन पॆसदन, ईसी म‍इय्याँ ती उरखय बरय, अरा इकला हूँ ईसी म‍इय्‍याँ अमके कोर'आ।”

लू‍कस 4:35

येसुस अदिन केप्‍पस ती आनियस, “कलेकले र'अय, अरा ई आलस ती उरखय कलय।” ख़ने मलदौ बॊलता आसिन आर ही मझी नू कचड़'अरकी आसिन बिगर बगड़'अर आसी म‍इतले उरखा केरा।

लू‍कस 4:41

अरा नाद गुट्ठी हूँ चिच्चियारनुम नगदे आलर ती उरखा केरा अरा ब'आलिया का “नीन धर्मेसी ख़द्दय हिकदय”। लिकिन आस अबड़न केबालियस अरा तंग्‍है पत्त नू ब'आ मल चिच्‍चस। एन्‍देरगेका अबड़ा आसिन अख़'आलिया का आस मसी हिकदस।

त‍इरकर 16:17

आद पौलुसी अरा एम्‍है ख़ॊख़ा बरचा ती चिच्चि‍यार'आ हेलरा, “इबड़ा आलर उर्मी ती कोहाँ धर्मेसी जॊंख़र हिकनर। ईर नीम एकासे नाड़र'आ ओंग्दर अदही पत्त नू तेंगनर।”