मरकुस 1:21 - पुना गच्छरना NT (BSI)

²¹ जोक्को उल्‍ला ख़ॊख़ा येसुस अरा अबड़ा चेलर कफरनहूम नगरे केरर। अरा आस ख़ॊख़ा ता यहूदी ख़न्न ऎख़ना उल्‍ला नू यहूदी गोड़हा एड़पा कालरकी असला जुमुरका आलारिन सिखाब'आ हेलरस।

मरकुस 1:21 ပူးပေါင်းရင်းမြစ်များ

मत्तायोस 4:13

अरा आस नासरेत पद्दा आबोन अम्‍बियस ती कफरनहूम नगरे नू र'आ हेलरस, एकदा जबुलॊन अरा नेफतलिम जिला ही समुदर ही पिं‍डी नू र'ई।

मत्तायोस 4:23

येसुस गोट्टा गलिलेया नू कुद्दा कुद्दा आर ही गोड़हा एड़पा गुट्ठी नू सिखाब'आलियस अरा मेर्ख़ा राजी ही पत्त ता दौ कत्‍था तेंगा कुद्दा लगियस, अरा उर्मी आलर ही रोगे अरा पयहा गुट्ठिन उजग'आ लगियस।

मरकुस 1:20

आस आरिन ईरियस ती आरिन हूँ लॆम तंग्‍है चेला मना गे मीख़ियस। ख़ने आर तम्‍बा जेबदयुसिन भुथियार गने डोंगा नू अम्‍बरकी येसुस गने चॊंख़्रर।

मरकुस 1:29

येसुस सिमॊन अरा अन्‍द्रेयस, याकॊब अरा यॊहनस यहूदी गोड़हा एड़पा ती उरखर। अदही ख़ॊख़ा आर लॆम सिमॊन अरा अन्‍द्रेयसी एड़पा केरर।

मरकुस 1:33

अरा कफरनहूम नगरे ता बग्‍गे आलर सिमॊनसी एड़पा गुसन ख़ॊंड़रर।

मरकुस 1:39

ख़ने आस अरा आसी चेलर गोट्टा गलिलेया जिला नू केरर। असन आस यहूदी गोड़हा एड़पा नू दौ कत्‍थन मेन्‍त'आलियस। अरा आस आलर म‍इतले नादन हूँ ओथ्र'आलियस।

मरकुस 10:1

फिन येसुस कफरनहूम नगरे आबोन अम्‍बरकी यूदेया जिला अरा यरदन ख़ाड़ ही आ पक्‍खे केरस। गोंहड़ा आस गुसन फिन ख़ॊंड़रा। अरा आस तंग्‍है रोज ता लेक्‍खा आरिन सिखाब'आ हेलरस।

मरकुस 2:1

जोक्‍क उल्‍ला ख़ॊख़ा येसुस अरा आसी चेलर कफरनहूम नगरे फिन केरर। आलर मेंजर का आस एड़पा नू र'अदस।

मरकुस 3:1

अउर ओन ख़न्न ऎख़ना उल्‍ला नू येसुस गोड़हा एड़पा नू केरस। असन ओन्‍टा ख़ैका ख़ेक्खा आलस रहचस।

मरकुस 6:2

ख़न्न ऎख़ना उल्‍ला नू आस गोड़हा एड़पा नू सिखाब'आ हेलरस। बग्‍गे आलर अदन मेंजर ती अनचकरर केरर अरा जोक्को आलर ब'आलियर, “ईस गे एन्ने लूर ही कत्‍था, अरा एन्ने अकबक नलख नना गे सवंग एसलेक ख़क्‍खरा?

लू‍कस 10:15

अरा अना कफरनहूम नगरे ता आलारो, नीम मेर्ख़ा म‍इय्याँ चॊदतार'ओर कालोर का? मला, नीम गा ख़ोड़ख़ा चिच्‍ची गड्डी नू टिड़तार'ओर कालोर।

लू‍कस 13:10

येसुस ओन्‍टा ख़न्न ऎख़ना उल्‍ला नू ओन्‍टा गोड़हा एड़पा नू सिखाब'आलियस।

लू‍कस 4:16

फिन आस नासरेत नू बरचस, एसन आस पॊसरका परदका रहचस। अरा तंग्‍है चाल ही लेक्‍खा यहूदी ख़न्न ऎख़ना उल्‍ला नू यहूदीर ही गोड़हा एड़पा केरस। असन आस धर्मेसी पुथिन पढ़'आ गे इज्‍जस।

लू‍कस 4:23

तहाँ आस आरिन बाचस, “नीम एंग्‍है म‍इय्याँ ई हना ब'ओर दिम का ‘बैधायो, नीन निंगन कोड़े नना,’ ई कत्‍था ही मने नीम एन्ने मन'ओर का, ‘एन्‍देर एन्‍देर ऎम मेंजकादम का हैकट नलख कफरनहूम नू नीन नंजकय, अदिन इसन हूँ नना।’”

त‍इरकर 17:2

पौलुस तंग्‍है चाल लेक्‍खा आर ही गुसन केरस अरा तीन ख़न्न ऎख़्रना उल्‍ला गूटी आर ही गने नेम्हा पुथी ती तिंगियस।

त‍इरकर 18:4

पौलुस उर्मी ख़न्न ऎख़्रना उल्‍ला गोड़हा एड़पा नू यहूदीर अरा युनानी आलर गने कत्‍था बरता ननालियस ती येसुसिन पत्त'आ गे बुझाब'आ गे चिहुट ननालियस।