मरकुस 1:2 - पुना गच्छरना NT (BSI)

² ईद एन्ने ऒड़ मनी, धर्मेसी कत्‍था तिंगू यसायास तंग्‍है पुथी नू लिखचकादस, “ऎरा! ऎन एंग्‍है पैकासिन निंग्‍है मुन्‍द त‍इय्‍या लगदन, आस निंग्है डहरेन सपड़'ओस।

मरकुस 1:2 ပူးပေါင်းရင်းမြစ်များ

मत्तायोस 11:10

ईसी पत्त नू नेम्हा पुथी नू एन्ने लिख्रकी र'ई, ‘ऎरा, ऎन एंग्‍है पैकासिन निंग्‍है ती मुन्‍द तइय्या लगदन, आस निंग्‍है मुन्‍द निंगा गे डहरेन सपड़'ओस।’

मत्तायोस 2:5

अबड़र तिंगियर, “यूदेया जिला ही बॆतलहेम पद्दा नू, एन्‍देरगेका धर्मेसी कत्‍था तिंगुर इदही पत्त नू एन्ने लिखचका र'‍अनर।

मत्तायोस 26:24

धर्मेसी कत्‍था तिंगुर नेम्हा पुथी नू एंग्‍है पत्त नू एन्‍देर लिखचकानर अन्नेम मनवा ख़द्दन ऎन खे'ओन दने। लिकिन नॆ एंगन धरत'आ गे संगे चि'अदस आसी मुंज्रना नगदे भयभयान मनो। आस मल कुन्‍द्रका होले, आस गे दौ रहचा।”

मत्तायोस 26:31

ख़ने येसुस आरिन बाचस, “नेम्हा पुथी नू लिख्रकी र'ई, ‘ऎन महरासिन पिटोन, अरा आसी भेंडो ही गोंहड़ा भिड़कार'ओ कालो’ एन्ने नीम ओर्मर एंगन अम्‍बोर ती इन्ना माख़म बोंगोर क'ओर।

लू‍कस 1:70

आस तंग्‍है नेम्‍हा धर्मेसी कत्‍था तिंगुर ती हुल्‍लो नू बाचकाचस का

लू‍कस 1:76

अना एंग्‍है ख़द्दायो, नीन उर्मी ती कोहाँ धर्मेसी कत्‍था तिंगू आल बार'ओय, एन्‍देरगेका नीन उर्बासी डहरेन सपड़'आ गे आसी मुन्‍द ऎ‍कोय।

लू‍कस 18:31

तहाँ येसुस बारो चेलारिन तंग्‍है गुसन मीख़ियस ती बाचस, “ऎरा, नाम येरुसलॆम कादत, अरा एवंदा कत्‍था मनवा ख़द्दन एंगा पत्त नू धर्मेसी कत्‍था तिंगुर ती लिख्रकी र'ई अबड़ा जम्मा मनो।