मरकुस 1:15 - पुना गच्छरना NT (BSI)

¹⁵ अरा आलारिन ब'अना बारी रहचस, “धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई। औंगे जियन किर्त'आ अरा ई दौ कत्‍थन इंझ्र'आ।”

मरकुस 1:15 ပူးပေါင်းရင်းမြစ်များ

मत्तायोस 10:7

कानुम कानुम ‘धर्मेस आलर ही उज्‍जना नू राजी नन्ना बेड़ा हेद्दे अड़सा ख़च्‍चिकी र'ई’ एन्ने दौ कत्‍थन मेन्‍त‍'आ कुद्दा।

मत्तायोस 3:2

“जियन किर्त'आ एन्‍देरगेका धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई।”

मत्तायोस 4:17

आ बेड़ा ती येसुस तेंगा कुद्दा हेलरस, “जियन किर्त'आ एन्‍देरगेका धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई।”

लू‍कस 10:11

‘एम्‍है ख़ेड्डे नू लक्‍का निम्‍है पद्दा ता रीड़ोन हूँ ऎम निम्‍है बिड़दो नू गोवाह रूपे नू ख़ेत्तदम। लिकिन इदन हूँ अख़'आ का धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई।’

लू‍कस 10:9

अरा अइय्या ता बेमरहारिन कोड़े ननके अरा आरिन ब'अके, ‘धर्मेस आलर ही उज्‍जना नू राजी नन्ना ही बेड़ा निम्‍है हेद्दे अंड़सकी र'ई।’

लू‍कस 24:47

अरा येरुसलॆम ती ऒड़ मनरकी जम्मा राजी नू आसी नामे नू जियन किर्त'अना दरा पाप छमा गे तेंगा कुद्दना मनो।

त‍इरकर 20:21

अरा यहूदी अरा नन-यहूदी आलारिन चेताबचकन का आर जियन किर्त'अना र'ई अरा नम्‍है उर्बस येसु मसीसिन पत्त'अना चांड़ र'ई।

रोमी 16:26

ईद गा अक्‍कुन जनमजुग धर्मेसी पॆसका ती धर्मेसी कत्‍था तिंगुर ही पुथी गुट्ठी ती ईद उर्मी जातियर नू चलख़रा अरा अख़तारा, औंगे उर्मी जातियर इदिन पत्त'अना ती आस गे मन'आ ओंगनर।

गलातिया 4:4

लिकिन ठौका बेड़ा बरचा ख़ने, धर्मेस तंग्‍दासिन तइय्यस। आस ओन्‍टा आली ती कुन्‍द्रस ती यहूदीर ही उर्मी नॆग आबोन पॆस्रस।

इफेसुस 1:10

मेर्ख़ा अरा ख़ॆख़ेल नू र'ऊ उर्मिन मसीसी अदिया ही किय्या ख़ॊंड़रना दिम आ गम हिके। बेड़ा गुट्ठी अदही पूरा मन्ना बारी आस अदिन पूरा ननोस।

1 तीमोथियुस 2:6

आस तंगन ओर्मा आलारिन नाड़रना ही दामे नू चिच्‍चस, ई कत्‍था दिम धर्मेस ती आलर गे ठौका बेड़ा नू चितारा।

तीतुस 1:3

अक्‍कु ठौका बेड़ा नू आस ई कत्‍थन दहदर नंजस, एकदन नाम नम्‍है बछाब'ऊ धर्मेसी पॆसका ती ओर्मर गे तेंगदत। इदिन एंगा गे सोंपतारा।