मरकुस 1:14 - पुना गच्छरना NT (BSI)

¹⁴ हॆरॊदॆस बॆलस यॊहनसिन जेहेल नू स‍जताचस। अदही ख़ॊख़ा येसुस गलिलेया जिला नू केरस अरा धर्मेसी पत्त नू दौ कत्‍थन मेन्‍त'अना बारी रहचस।

मरकुस 1:14 ပူးပေါင်းရင်းမြစ်များ

मत्तायोस 11:2

यॊहन नूड़रत'उस जेहेल नू रहचस। आस मसीसी नलख ही हलन ख़क्खियस, अरा तंग्‍है चेलारिन येसुसिन इदन मेना तइय्‍यस।

मत्तायोस 14:2

अरा तंग्‍है जॊंख़ारिन बाचस, “आस यॊहन नूड़रत'उस, आस केचका ती उज्‍जा चॊचका र'अस, अदगे आस ती एन्‍ने सवंग ही नलख मनी।”

मत्तायोस 4:12

येसुस यॊहनसी धरतारकन मेंजस ख़ने आस गलिलेया जिला किर्रिम बिच्चियस।

मत्तायोस 4:17

आ बेड़ा ती येसुस तेंगा कुद्दा हेलरस, “जियन किर्त'आ एन्‍देरगेका धर्मेस आलर ही उज्‍जना नू राजी नन्ना ही बेड़ा हेद्दे अंड़सकी र'ई।”

मत्तायोस 4:23

येसुस गोट्टा गलिलेया नू कुद्दा कुद्दा आर ही गोड़हा एड़पा गुट्ठी नू सिखाब'आलियस अरा मेर्ख़ा राजी ही पत्त ता दौ कत्‍था तेंगा कुद्दा लगियस, अरा उर्मी आलर ही रोगे अरा पयहा गुट्ठिन उजग'आ लगियस।

मत्तायोस 9:35

इदही ख़ॊख़ा येसुस आ चक ता उर्मी नगरे नगरे अरा पद्दा पद्दा कुद्दनुम आर ही गोड़हा एड़पा नू सिखाब'अनुम धर्मेसी राजी ही दौ कत्‍था मेन्‍त'आनुम कुद्दा लगियस। अरा जम्मा रकम ही पयहा अरा रोगेन कोड़े नंजस।

लू‍कस 3:20

होले हॆरॊदॆस इबड़ा जम्मा ती कोड़हे ओन्‍टा मलदौ नलख नंजस का यॊहनसिन गुड़ताचस।

लू‍कस 8:1

इदही ख़ॊख़ा येसुस नगरे नगरे अरा पद्दा पद्दा कुद्दनुम धर्मेसी राजी ही दौ कत्‍था मेन्‍त'आनुम कुद्दा लगियस। अरा अबड़ा बारो चेलर आसी गने रहचर।

त‍इरकर 20:25

अक्‍कु ऎरा, ऎन अख़दन का निम्‍है ओर्मर नू नॆख'आ मझी नू ऎन धर्मेसी राजी ही कत्‍था तेंगा कुद्दकन, निम्है ती नॆ हूँ एंग्‍है मुंहिन फेन मल ऎरोर।

त‍इरकर 28:23

ख़ने आर पौलुस गे ओन्‍टा उल्‍ला ओकताचर। अउला नगदे आलर पौलुस डेरा नंजका अड्डा नू जुम्मरर। आस पैरी ती पुतबीरी गूटी धर्मेसी राजी ही पत्त नू फरीफरी आर गे तिंगियस। अरा आस मूसासी नॆग ती अरा धर्मेसी कत्‍था तिंगुर ही पुथी ती येसु मसीसी पत्त नू तेंगना ती आर येसुसिन पत्त'आ गे चिहुट नंजस।

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

इफेसुस 2:17

अरा आस बरचस ती धर्मेस ती गेच्‍छा रहचका नीम नन-यहूदीर गे हूँ अरा धर्मेसी हेद्दे रहचका ऎम यहूदीर गे हूँ कोड़े ही दौ कत्‍थन मेन्ताचस।