1 ईद धर्मेसी ख़द्दस येसु मसीसी दौ कत्था।
अदही ख़ॊख़ा डोंगा नू रहचर आर आसिन ओलगर बाचर, “मानिम नीन धर्मेसी ख़द्दय हिकदय।”
अरा एन्ने ब'अम लगियस का ओन्टा बिल्चना बदाली आरिन कुल्लिया चिच्चा। अरा बदाली ती धर्मे बबस अबड़ा चेलारिन बाचस, “ईस एंग्है चोन्हा ख़द्दस, ईस ती ऎन नगदे रिझ्रदन, ईसहीन मेना।”
अरा मेर्ख़ा ती धर्मे बबस बाचस, “ईस एंग्है चोन्हा ख़द्दस हिकदस, ऎन ईस ती बग्गे खुसमारदन।”
आ बेड़ा नू नाद बिढ़'आ गे येसुसी गुसन बरचा ती बाचा, “नीन धर्मेसी ख़द्दय होले इब़डा पखनन ब'आ का इबड़ा ओन्ना-मॊख़ना मनो क'ओ।”
पैकस बाचस, “नेम्हा बॊलतस निंग्है मइय्याँ बर'ओस, अरा उर्मी ती कोहाँ धर्मेसी सवंग निंग्है मइय्याँ ऎख़ ननो। औंगे एका बॊलॊ ख़द्दस कुन्द्र'ओस आस नेम्हा मनोस, अरा आस धर्मेसी तंग्दस बातार'ओस।
अक्कु आ कत्था आल मंजस ती मया दरा मानिम ती निंद्रका ती नम्है मझी नू उज्जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्खा महबा दिम रहचा।
इदन ऎन ईरकन, अरा गोवाह चि'अदन का ईस दिम धर्मेसी ख़द्दस।”
नतनऎलस आसिन आनाकिर्ताचस, “अना गुरु! नीन धर्मेसी ख़द्दय! नीन इस्राऎल ही बॆलय!”
लिकिन येसुस दिम मसीस, अरा धर्मेसी ख़द्दस एन्ने नीम पत्त'आ गे अरा पत्ताचका ती आसी नामे ती नीम उज्जनन ख़क्खा गे दिम इबड़ा लिख्रकी र'ई।
धर्मेस गा ख़ॆख़लन एन्ने कोड़हे चोन्हा नंजस का आस तंग्है ओर्त लेका ख़द्दासिन चिच्चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्जनन ख़क्खोर।
ऎम पत्त'अदम अरा अख़दम का नीन धर्मेसी नेम्हा आलय।”
आस येसुस यॊहनस ती नॊड़रस ती मेर्ख़ा होतारना गूटी एम्है गने रहचका आलर ती ओर्तोस र'अना र'ई। आस एम्है गने येसुसी उज्जा चो'अना ही गोवाह र'ओस।”
येसुसी बरना ही मुन्द यॊहनस ओर्मा इस्राऎल आलर गे जियन किर्त'अना ती नॊड़रना ही पत्त नू तिंगियस।
नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्है नलखन मुंज ख़च्चा गे पोल्ला। लिकिन धर्मेस गा अदिन नंजस एकदा मूसासी नॆग नना पोल्ला। आस तंग्है ख़द्दासिन नाम पपहर ही कया बेसे ता कया नू पाप दाँड़े चि'आ गे तइय्यस। ई बेसे धर्मेस ओन्टा आल कया नू पाप आबोन दंडे चिच्चस।
धर्मेस तंग्है ख़द्दासिन हूँ मल अम्बियस, आसिन नमा ओर्मर गे थोपचस चिच्चस। होले इवंदा चिच्का ख़ॊख़ा हूँ आस एकासे नमा गे तंग्है ख़द्दासिन चिच्चस अन्नेम नम्है उर्मी चाड़न सिथियम चि'ओस।
