मत्तायोस 9:3 - पुना गच्छरना NT (BSI)

³ लिकिन जोक्‍क यहूदी नॆग सिखाब'उर ताम ताम नू कछनख्रर, “ई आलस गा धर्मेसी निंदा नन्‍दस।”

मत्तायोस 9:3 ပူးပေါင်းရင်းမြစ်များ

मत्तायोस 26:65

येसुसी ई ब'अनन मेंजस ती कोहाँ नैगस तंग्‍है बरमारनन ऎद'आ गे तंग्‍है किचरिन चर्रियस, तहाँ बाचस, “ईस धर्मेसी निंदा नंजकादस, अक्‍कु नमा गे ईसी बिड़दो नू गोवाह ही एन्‍देर चाड़ र'ई! ईस धर्मेसी बिड़दो नू तंगन धर्मेसी लेक्खा जोक्‍खचस, ई ब'अनन नीम मेंजकर,

मत्तायोस 7:29

आस गा आर ही नॆग सिखाब'उर लेक्‍खा मला, लिकिन ओन्टा अदिया उइय्युस लेक्‍खा सिखाब'आलियस।

मरकुस 14:64

ईस धर्मेसी बिड़दो नू तंगन धर्मेसी लेक्खा जोक्‍खचस, ई ब'अनन नीम मेंजकर, ईसी पत्त नू नीम एन्‍देर सोचदर?” आर ओर्मर बाचर, “ईस गुन्‍हस हिकदस, ईसिन पिटना दिम मनो।”

मरकुस 3:28

ऎन निमन मानिम ब'अदन, ‘धर्मेसी बिड़दो नू आलर ही उर्मी पाप, अरा आर ही उर्मी हींड़ना कछनख्रना गुट्ठिन धर्मेस छमा ननोस।

मरकुस 3:29

लिकिन नेम्‍हा बॊलतासी बिड़दो नू नीक‍ईम ब'ओस होले, धर्मेस आसिन इकला हूँ छमा मल ननोस, आस मुंजामलका पापन कुम्मदस।’” आर नेम्‍हा बॊलतासी बिड़दो नू हींड़नर, अदिन ऎद'आ गे आस इदन बाचस।

मरकुस 7:21

एन्‍देरगेका आलर जिया नू मलदौ सोचनर। ई चड्डे आर पेहरन ही सोतरा नलख नन्नर अरा आर ख़ड़नर, आल पिटनर, नन्ना आली गुसन कानर,

लू‍कस 5:21

ख़ने नॆग सिखाब'उर अरा फरिसीर ताम ताम नू कछनख्र'आ हेलरर, “ईस नॆ तंग्‍है? ई आलस धर्मेसिन निंदा नन्‍दस। धर्मेसिन अम्‍बर नॆ पाप गुट्ठिन छमा नना ओंगोर?”