मत्तायोस 9:2 - पुना गच्छरना NT (BSI)

² आ बेड़ा नू जोक्‍क आलर ओर्त लकवा बेमरहासिन खटी नू बिड्रका रांगे येसुस गुसन ओन्‍द्रर। आर ही पत्त'अनन ईरयस ती येसुस लकवा बेमरहासिन बाचस, “अना ख़द्द, डिढ नना, निंग्‍है पाप गुट्ठी छमा नन्‍तार'ई।”

मत्तायोस 9:2 ပူးပေါင်းရင်းမြစ်များ

मत्तायोस 14:27

लिकिन येसुस लॆम आर ही गने कछ‍नखरस ती बाचस, “डिढ नना! ऎन हिकदन, अमा एल्‍चा।”

मत्तायोस 4:24

येसुसी पत्त ता कत्‍था गोट्टा सीरिया राजी नू बीड़्रा। आलर मिरगी, लकवा दरा कैनो मदहे बेमार ती लिंड्रका रोगियारिन अरा नाद धरचका आलारिन येसुस गुसन ओन्‍द्र'आ लगियर। अरा आस आरिन उजग'आ लगियस।

मत्तायोस 6:12

अरा एकासे ऎम एम्‍है उर्मी अक्‍का-बलकारिन अम्‍बदम चि'अदम अन्नेम एम्‍है अक्‍का-बलकन हूँ अम्‍बा चि'आ।

मत्तायोस 8:10

येसुस इदिन मेंजस ती आसी पत्त नू अकबकरस। अरा आस तंग्‍है ख़ॊख़ा चॊंख़्र'उरिन ऎर'अरकी बाचस, “मानिम नू ऎन निमन ब'अदन का इस्राऎल नू हूँ ऎन एन्‍ने पत्ताचका आलासिन मल ईरकन।”

मत्तायोस 8:16

बीड़ी पुत्तिया ख़ने कोड़हे आलर नाद लक्‍का आलारिन आसी गुसन ओन्द्रर ती बरचर। येसुस कत्‍था लेका तिम अबड़ा बॊलता गुट्ठिन ओथ्रस अरा ओर्मा रोगियारिन कोड़े नंजस।

मत्तायोस 9:22

येसुस ख़ॊख़ा तरा बिड़द्रस ती अदिन ईरयस ती बाचस, “अनय ख़द्द जिया नू डिढ ननय, नीन एंगन पत्ताचकी, औंगे नीन उजगारदी।” आ बारिम आद कोड़े मंज ख़च्‍चिया।

मत्तायोस 9:5

‘निंग्‍है पाप गुट्ठी छमा नन्‍तार'ई’ एन्ने ब'अना ‘चो'आ अरा कुद्दा ‍नुंगा’ एन्ने ब'अना ती सेब्‍बा हवे। एन्‍देरगेका आलर कोड़े मन्नन ऎरा ओंग्‍नर, लिकिन पाप छमा मन्नन ऎरा पोलनर।

मत्तायोस 9:6

लिकिन ऎन ई आलासिन कोड़े नन्ना ती निमन ऎद'ओन का मनवा ख़द्दन एंगा गे आलर ही पाप गुट्ठिन छमा नना गे हूँ ख़ॆख़ेल नू आकुस र'ई।” ख़ने आस लकवा बेमरहासिन आनियस, “ऎन निंगन ब'अदन, चो'आ, निंग्‍है खटिन चेड़'अरकी एड़पा कला।”

मरकुस 1:32

अउला पुतबारी बीड़ी पुत्तका ख़ॊख़ा जोक्को आलर रोगियर अरा नॆखा म‍इय्‍याँ नाद रस्‍सकी रहचा अबड़ा ओर्मारिन येसुस गुसन ओन्‍द्रर बरचर।

मरकुस 10:49

येसुस इदिन मेंजस, ख़ने आस असन इज'अरकी बाचस, “आसिन मॆख़ा।” आलर आ अन्‍धहासिन मॆख़रकी बाचर, “डिढ नना! चो'आ! आस निंगन मॆख़दस।”

मरकुस 5:34

ख़ने आस अदिन बाचस, “ख़द्दे, नीन एंगन पत्ताचकी का ऎन निंगन उजग'आ ओंग्दन, आदिम निंगन उजगाचा, दौ गने किर्रिमबि'अय, अरा नीन ई रोगे ती उजगार'अय।”

मरकुस 6:50

एन्‍देरगेका आर आसिन ऎररकी इल्चियर केरर। लिकिन आस लॆम आर ही गने कछनख्रस, “डिढ नना! ऎन हिकदन, अमा एल्चा।”

यॊहनस 16:33

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

यॊहनस 2:25

आस गे चाड़ मल रहचा का नीकईम आसिन आलर ही पत्त नू तेंगोर, एन्‍देरगेका आस तानिम अक्‍खस का आलर ही जिया नू एन्‍देर र'ई।

यॊहनस 21:5

ख़ने येसुस आरिन बाचस, “अना ख़द्दारो, नीम जोक्‍केम इंजो लौचर का?” आर आनाकिर्ताचर, “मला।”

त‍इरकर 14:9

आस पौलुसी ब'अनन मेना लगियस ख़ने, पौलुस आसिन ओन ढिठ ईरियस ती धर्मेस एंगन कोड़े नना ओंग्दस एन्ने आसी पत्त'अनन अक्‍खस।

त‍इरकर 19:12

अरा पौलुस ब‍उराचका उरमाल अरा संफी गुट्ठिन रोगियर म‍इय्याँ नना चि'आ लगियर ख़ने, आर ही बेमार कोड़े मना काला लगिया, अरा मलदौ बॊलता गुट्ठी उरखा लगिया।

त‍इरकर 23:11

अउलम माख़ा उर्बस पौलुसी हेद्दे इज्‍जस ती बाचस, “अना पौलुस डिढ नना, एन्‍देरगेका एकासे नीन येरुसलॆम नू एंग्‍है गोवाह चिच्‍कय, अन्नेम निंगा रोम नगरे नू हूँ गोवाह चि'अना र'ई।”

रोमी 5:11

ईद लेका मला अक्‍कुन धर्मेस गने निभ्रनन चिच्का नम्‍है उर्बस येसु मसीस ती नाम धर्मेस नू कोड़हे रिझ्रदत।

याकॊब 2:18

लिकिन ओर्तस ब'आ ओंग्दस, “निम्है गुसन पत्त'अना र'ई, एंग्है गुसन नलख गुट्ठी र'ई।” लिकिन ऎन ब'अदन, “निंग्‍है पत्त'अनन बिगर दौ नलख गुट्ठी नन्ना ती ऎद'आ, लिकिन ऎन एंग्‍है पत्त'अनन एंग्है नलख गुट्ठी ती ऎद'ओन।”