मत्तायोस 8:9 - पुना गच्छरना NT (BSI)

⁹ ऎन हूँ गा आकुस ही किइय्या ता आलन हिकदन, अरा एंग्‍है आकुस किइय्या सैनर र'अनर। ऎन ओर्तोसिन ‘बरा’ ब'अदन होले आस बरदस अरा अउर नन्नासिन ‘कला’ ब'अदन होले आस कादस अरा एंग्‍है जॊंख़ासिन ‘नना’ ब'अदन होले आस नन्‍दस। ऎन पत्त'अदन का निंगा हूँ एन्ने आकुस र'ई।”

मत्तायोस 8:9 ပူးပေါင်းရင်းမြစ်များ

मत्तायोस 8:10

येसुस इदिन मेंजस ती आसी पत्त नू अकबकरस। अरा आस तंग्‍है ख़ॊख़ा चॊंख़्र'उरिन ऎर'अरकी बाचस, “मानिम नू ऎन निमन ब'अदन का इस्राऎल नू हूँ ऎन एन्‍ने पत्ताचका आलासिन मल ईरकन।”

मत्तायोस 8:8

लिकिन रोमी सौ सैनर ही मुद्धस आनाकिर्ताचस, “उर्बायो, ऎन गा ई जॊगे मलकन का नीन एंग्‍है एड़पा भितरी बर'ओय। लिकिन ओन्‍टा कत्‍था लेका आना चि'आ होले एंग्‍है जॊंख़स उजगार'ओस।

मरकुस 1:27

असन रहचर ओर्मर अनचकरर केरर, अरा ताम ताम कछनख्र'आ हेलरर, “बब्बारे! ई सिखाब'अना एकासे? ईद गा आकुस गने पुना सिखाब'अना। आस मलदौ बॊलतन हूँ आनदस, अबड़ा हूँ आसी कत्‍थन मिनी।”

लू‍कस 4:39

आस अदही हेद्दे इज्‍जस ती नाड़िन केप्‍पस अरा नाड़ी तम्मिया केरा। अरा आद लॆम चॊचा ती आर ही तेतर-सुसर नना हेलरा।

लू‍कस 7:8

ऎन हूँ गा आकुस ही किइय्या ता आलन हिकदन अरा एंग्‍है आकुस किइय्या सैनर र'अनर। ऎन ओर्तोसिन ‘बरा’ ब'अदन होले आस बरदस अरा अउर नन्नासिन ‘कला’ ब'अदन होले आस कादस अरा एंग्‍है जॊंख़ासिन ‘नना’ ब'अदन होले आस नन्‍दस। ऎन पत्त'अदन का निंगा हूँ एन्ने आकुस र'ई।”

लू‍कस 9:1

येसुस तंग्‍है बारो चेलारिन मीख़ियस ती आर गे उर्मी मलदौ बॊलता गुट्ठी म‍इय्याँ अरा बेमार गुट्ठिन उजग'आ गे सवंग अरा आकुस चिच्‍चस।

कोलोस्से 3:22

अना बिट्ठी ननू जॊंख़ारो, निम्है ई ख़ॆख़ेल ता उर्बर गे उर्मी कत्था नू पॆस्र'आ। आरिन पत्तारत'आ गे लेका आर ही ऎरना नू लेका मला, लिकिन उजगो जिया ती उर्बा येसुसिन मईन नन्ना ती आरहिन पॆस्र'आ।

तीतुस 2:9

बिट्ठी ननू जॊंख़ारिन ब'आ का आर गे सगरो तम्‍है उर्बर ही उर्मी कत्‍था नू गदन'ऊ मन्‍ना र'ई, अरा आरिन खुसमारत'अना र'ई। अरा आरिन अम्‍बोर किर्रा बिड़द'आ।