मत्तायोस 8:8 - पुना गच्छरना NT (BSI)

⁸ लिकिन रोमी सौ सैनर ही मुद्धस आनाकिर्ताचस, “उर्बायो, ऎन गा ई जॊगे मलकन का नीन एंग्‍है एड़पा भितरी बर'ओय। लिकिन ओन्‍टा कत्‍था लेका आना चि'आ होले एंग्‍है जॊंख़स उजगार'ओस।

मत्तायोस 8:8 ပူးပေါင်းရင်းမြစ်များ

मत्तायोस 3:11

ऎन गा जियन किर्त'आ गे अम्म ती नॊड़रत'अदन, लिकिन एकास एंग्‍है ख़ॊख़ा बर‍'ऊ र'अदस, आस एंग्‍है ती कोड़हे सवंगिय र'अदस। ऎन गा आसी खरपन चॊदना जॊगे मलकन का एकदन बिट्ठी ननू जॊंख़स लेका नन्‍दस। आस निमन नेम्‍हा बॊलतस अरा चिच्‍च ती नॊड़त'ओस।

मत्तायोस 3:14

लिकिन यॊहनस एन्ने बाचस ती छेंकचस, “एंगा गा निंग्‍है ती नॊड़रना ही चाड़ र'ई अरा नीन एंग्‍है गुसन बरचकादय।”

मत्तायोस 8:3

ख़ने येसुस ख़ेक्खा ती आसिन ऎंसड़स ती बाचस, “एंग्‍है मने र'ई का नीन सफा मना कला।” आ बारिम आसी खसरा सफा मंजा केरा।

मत्तायोस 8:7

अरा येसुस आसिन बाचस, “ऎन बर'ओन ती आसिन कोड़े ननोन।”

मत्तायोस 8:9

ऎन हूँ गा आकुस ही किइय्या ता आलन हिकदन, अरा एंग्‍है आकुस किइय्या सैनर र'अनर। ऎन ओर्तोसिन ‘बरा’ ब'अदन होले आस बरदस अरा अउर नन्नासिन ‘कला’ ब'अदन होले आस कादस अरा एंग्‍है जॊंख़ासिन ‘नना’ ब'अदन होले आस नन्‍दस। ऎन पत्त'अदन का निंगा हूँ एन्ने आकुस र'ई।”

लू‍कस 15:19

अरा ऎन अक्‍कु ती निंग्‍है ख़द्द बारना जॊगे मलकन, निंग्‍है ओर्त जॊंख़र लेक्‍खा एंगन उइय्या।’’

लू‍कस 15:21

तंग्‍दस आसिन बाचस, ‘अना बबा, ऎन धर्मेसी अरा निंग्‍है बिड़दो नू पाप नंजका र'अदन। ऎन अक्‍कु ती निंग्‍है ख़द्द बारना जॊगे मलकन।’

लू‍कस 5:8

सिमॊन पतरस इदिन ईरयस ती येसुसी ख़ेडमूली खत्तरस ती बाचस, “अना उर्बायो, एंग्‍है गुसले कला, एन्‍देरगेका ऎन पपहा आलन हिकदन, अरा निंग्‍है जॊगे मलकन।”

यॊहनस 1:27

आस एंग्‍है ख़ॊख़ा बर'ऊ र'अदस, लिकिन ऎन आसी खरपन इँचना ही हूँ जॊगे मलदन।”