मत्तायोस 8:6 - पुना गच्छरना NT (BSI)

⁶ “उर्बायो, एंग्‍है जॊंख़स एड़पा नू बिड्रका र'अस, आसिन लकवा लौचकी र'ई अरा आस नगदे केलोली नू लिन्‍ड्रका र'अदस।”

मत्तायोस 8:6 ပူးပေါင်းရင်းမြစ်များ

मत्तायोस 4:24

येसुसी पत्त ता कत्‍था गोट्टा सीरिया राजी नू बीड़्रा। आलर मिरगी, लकवा दरा कैनो मदहे बेमार ती लिंड्रका रोगियारिन अरा नाद धरचका आलारिन येसुस गुसन ओन्‍द्र'आ लगियर। अरा आस आरिन उजग'आ लगियस।

मत्तायोस 8:7

अरा येसुस आसिन बाचस, “ऎन बर'ओन ती आसिन कोड़े ननोन।”

मत्तायोस 9:2

आ बेड़ा नू जोक्‍क आलर ओर्त लकवा बेमरहासिन खटी नू बिड्रका रांगे येसुस गुसन ओन्‍द्रर। आर ही पत्त'अनन ईरयस ती येसुस लकवा बेमरहासिन बाचस, “अना ख़द्द, डिढ नना, निंग्‍है पाप गुट्ठी छमा नन्‍तार'ई।”

त‍इरकर 10:7

आसी गने कछनख्रस आ पैकस किर्रिम बिच्‍चियस ख़ने, आस तंग्‍है इरिब जॊंख़ारिन अरा धर्मेसिन एल्‍चू ओन्‍टा सैनासिन मीख़ियस।

त‍इरकर 8:7

नॆखा नॆखा नू मलदौ बॊलता गुट्ठी रस्‍सकीचा, अबड़ा आर ती जॊरसरिया चिच्चि‍यारनुम उरखा। अरा कैनो बग्‍गे लकवा बेमरहर अरा लेंगड़ा आलर कोड़े मंजर।

त‍इरकर 9:33

असन आस ऐनेयास नामे आठ बछर ती पिटरी नू बिड़रका ओन्‍टा लकवा बेमरहा आलासिन ख़क्‍खियस।

कोलोस्से 3:11

ई पुना उज्जना नू नन-यहूदी अरा यहूदी एन्ने, खतना मंजका अरा खतना मल मंजका एन्ने, नन-राजियर अरा जंगलीर एन्ने, बिट्ठी ननू जॊंख़ अरा छछिन्द एन्ने इन्द्रिइम फरक मल्ला। लिकिन मसीस दिम उर्मी र'अदस, अरा आस इबड़ा ओर्मर नू र'अदस।

कोलोस्से 4:1

अना उर्बारो, निमा गे हूँ मेर्ख़ा नू ओन्टा उर्बस र'अदस एन्ने अख़'अरकी नीम निम्है बिट्ठी ननू जॊंख़र गे एन्देर एन्देर ठौका अरा बॆस र'ई अदिन चि'आ हो'आ।

1 तीमोथियुस 6:2

अरा पत्त'ऊ उर्बर ही किइय्या ता बिट्ठी ननू जॊंख़र तम्‍है उर्बर पत्त'ऊ र'अना चड्डे आरिन जुक्‍किम म‍ईन अम्‍बोर नना। आर गे अउर हूँ बग्‍गे म‍ईन मरजात नन्ना र'ई। एन्‍देरगेका आर पत्त'ऊ आलारिन संगरा अरा चोन्‍हा नन्नर। इबड़ा कत्‍थन नीन कलीसियन सिखाब'आ अरा बुझाब'आ।

फिलॆमॊन 1:16

लिकिन अक्‍कु आस बिट्ठी ननू जॊंख़ लेक्‍खा मला, बिट्ठी ननू जॊंख़ ती हूँ कोहँस, अरा चोन्‍हा भईस बेसे र'अदस। आस एंगा गे कोड़हे चोन्हा ही जॊगे र'अदस। लिकिन कोड़हे गा आस ओन्टा आल नता ती हूँ, अरा उर्बस नू ओन्टा भई नता ती हूँ आस निंगा गे अउर कोड़हे चोन्हा जॊगे र'अदस।