मत्तायोस 8:4 - पुना गच्छरना NT (BSI)

⁴ ख़ने येसुस आसिन बाचस, “निंग्‍है कोड़े मंजका ही पत्त नू नॆखा गुसन हूँ एन्‍द्रा हूँ अमके तेंगा। लिकिन कालरकी निंगन नैगासिन ऎद'आ। होले आस अख़'ओस का नीन सफा मंजकय। अरा खसरा रोगियर सफा मन्‍नर ख़ने एन्‍देर दाँड़े अरगना मनी अदिन मूसस आनियस, अदिन नीन सफा मना गे नैगस गुसन चि'आ। होले आस अदिन धर्मेस गे दाँड़े अरगोस, फिन आलारिन तेंगोस का नीन सफा मंजकय।”

मत्तायोस 8:4 ပူးပေါင်းရင်းမြစ်များ

मत्तायोस 10:18

अरा नीम राजीखापुर अरा बॆलर ही मुन्‍दहारे इजतार'ओर। लिकिन ईद आर गे अरा नन-यहूदीर गे एंग्‍है पत्त नू तेंगा गे निमा मोका हवे।

मत्तायोस 16:20

ख़ने येसुस चेलारिन चेताबाचस, नीम नॆकन हूँ अमके तेंगा का ऎन मसी हिकदन।

मत्तायोस 17:9

फेन आर परता ती एत्तालियर, आ बारी येसुस आरिन आनियस का, “मनवा ख़द्दन ऎन केचका ती उज्‍जा चो'अना गूटी, नीम एन्‍द्रा ईरकर अदिन नॆकन हूँ अमके तेंगा।”

मत्तायोस 3:15

ख़ने येसुस आसिन आनाकिर्ताचस, “अक्‍कु एन्नेम मना चि'आ, नमा गे एन्नेम धर्मेसी मने लेक्‍खा उर्मी नन्ना चाड़ र'ई।” ख़ने यॊहनस येसुसिन नॊड़रत'आ गे मने मंजस।

मत्तायोस 5:17

ऎन मूसासी नॆग अरा धर्मेसी कत्‍था तिंगुर ही कत्‍थन मेट'आ गे बरचकादन एन्ने अमके सोच'आ। अबड़न मेट'आ गे मला लिकिन अबड़न मन्‍ता'आ गे बरचकादन।

मत्तायोस 6:1

चिहुंक र'आ का आलर ही जियन निम्‍है तरा नतगा गे निम्‍है दौ नलखन अमा ऎद'आ। नीम अन्ने ननोर होले मेर्ख़ा नू र'ऊ निम्‍है धर्मे बंगस ती नीम इनाम मल ख़क्‍खोर।

मत्तायोस 9:30

तहाँ आर ही ख़न्न चलख़रा केरा अरा आर ऎरा उंग्‍गियर। अरा येसुस आरिन बर्जाचस ती बाचस, “चिहुंक र'अके, इदिन नॆकन हूँ अमके तेंगा।”

मरकुस 13:9

लिकिन इकला इबड़ा मनो नीम चिहुंक ती र'अके। आलर निमन हें'ओर हो'ओर, अरा पंचायत नू चि'ओर, अरा नीम गोड़हा एड़पा नू लौर'ओर। नीम एंग्‍है चड्डे राजीख़ापुर अरा बॆलर ही मुन्‍द इजतार'ओर। एन्‍देरगेका नीम एंग्‍है गने चॊंख़्र'‍उर हिकदर। लिकिन ईद निमा गे एंग्‍है पत्त नू आरिन तेंगना ही मोका मनो।

मरकुस 3:12

लिकिन आस अबड़न चेताब'अरकी आनियस, का तान नॆ हिकदस अदिन अम्‍बो तेंगा।

मरकुस 5:43

फिन आस आरिन चेताबाचस, का ई कत्‍था इसन मंजा इदन नॆकन हूँ अमके तेंगा, अरा बाचस इदगे मॊख़ा गे एन्‍द्रिइम लो चि'आ।

मरकुस 6:11

नीम एकअम अड्डा नू कादर, असला आलर निमन मल परघ'अनर अरा निम्‍हैन मल मेन्नर होले, नीम असलेक उरखो बारिम निम्‍है ख़ेड्डे ता रीड़ोन ख़ेत्तके चि'अके। ईद आर गे निम्‍है चेताब'अना मनो।”

मरकुस 7:36

ख़ने येसुस आरिन आनियस का इदन नॆकन हूँ अमके तेंगा। लिकिन आर आस अमके तेंगा ब'अरकी ऎ बग्‍गे बाचस, आ बग्‍गेम आर ई कत्‍थन मेन्‍त'आ हेलरर।

मरकुस 8:30

ख़ने आस आरिन चेताबाचस का एंग्‍है पत्त नू इदन नॆकन हूँ अमके तेंगा।

मरकुस 9:9

आर परता ती एत्तालियर, आ बारी येसुस आरिन आनियस का, “मनवा ख़द्दन ऎन केचका ती उज्‍जा चो'अना गूटी, नीम इसन एन्‍द्रा ईरकर अदिन नॆकन हूँ अमके तेंगा।”

लू‍कस 17:14

आस आरिन ईरियस ती बाचस, “कला निमन नैगारिन ऎदके।” ख़ने कानुम कानुम आर कोड़े मंजर केरर।

लू‍कस 21:13

लिकिन ईद निमा गे एंग्‍है पत्त नू आरिन तेंगना ही मोका मनो।

लू‍कस 4:41

अरा नाद गुट्ठी हूँ चिच्चियारनुम नगदे आलर ती उरखा केरा अरा ब'आलिया का “नीन धर्मेसी ख़द्दय हिकदय”। लिकिन आस अबड़न केबालियस अरा तंग्‍है पत्त नू ब'आ मल चिच्‍चस। एन्‍देरगेका अबड़ा आसिन अख़'आलिया का आस मसी हिकदस।

लू‍कस 5:14

ख़ने येसुस आसिन बाचस, “नॆखा ती हूँ ई पत्त नू अक्‍कुन अमके तेंगा, लिकिन कला अरा निंगन नैगासिन ऎद'आ, औंगे आस निंगन जांच'ओस का खसरा रोगे निंग्‍है ती बोंगा केरा, अरा निंग्‍है सफा मन्ना ही पत्त नू मूसस एन्‍देर दाँड़े अरग'आ गे आनकादस, अदिन दाँड़े चि'आ। ईद आलर गे गोवाह मनो का नीन सफा मन्‍तारकादय।”

लू‍कस 8:56

अरा अदही तंगियो तम्बा अनचकरर। लिकिन येसुस आरिन चेताबाचस का ई मंजकन नॆकन हूँ अमके तेंगा।

लू‍कस 9:21

ख़ने आस आरिन चेताबाचस अरा आनियस का, “इदिन नॆकन हूँ अमके तेंगा।”

यॊहनस 5:41

ऎन आलर ती बरना ओहमन मल बेद्ददन।

यॊहनस 7:18

नॆ तंग्‍है तरती ब'अदस आस तंगा गे मईन बेद्ददस। लिकिन नॆ तंग्‍है त‍इय्युस गे मईन बेद्ददस, आस मानिम जॊगे आलस र'अस, अरा आस नू फंगटिया कत्‍था मलकी।

यॊहनस 8:50

ऎन एंगा गे म‍ईन मल बेद्ददन, लिकिन एंगा गे अदन बिद्दू ओर्तोस र'अस, आसिम नेंवई ननू र'अदस।