मत्तायोस 8:3 - पुना गच्छरना NT (BSI)

³ ख़ने येसुस ख़ेक्खा ती आसिन ऎंसड़स ती बाचस, “एंग्‍है मने र'ई का नीन सफा मना कला।” आ बारिम आसी खसरा सफा मंजा केरा।

मत्तायोस 8:3 ပူးပေါင်းရင်းမြစ်များ

मत्तायोस 12:13

ख़ने आस आ आलस ती बाचस, “निंग्‍है ख़ेक्खन लमाब'आ।” आस लमाबाचस ख़ने नन्‍ना ख़ेक्खा लेक्‍खा कोड़े मंजा केरा।

मरकुस 1:41

इदन मेनरकी येसुस गे आसिन नगदे सोग्‍गे लग्‍गिया। ख़ने आस तंग्‍है ख़ेक्खन बड़हाबाचस ती आ आलासिन ऎवंढरस अरा बाचस, “एंग्‍है मने र'ई, औंगे ऎन निंगन कोड़े नन्‍दन।”

मरकुस 4:39

ख़ने येसुस चो'अरकी ताकन केप्‍पस अरा लहरन बाचस, “मड़‍'अय कलय! अमय गरजार‍'अय।” ख़ने ताका मड़चा अरा समुदर छछिन्‍द मंजा।

मरकुस 5:41

तहाँ आस कुक्‍के ही ख़ेक्खन धर'अरकी अदिन अरामी भखा नू बाचस, “ तलिता कूम” एकदा ही माने “सन्नी कुक्‍के ऎन निंगन ब'अदन, चो'अय”।

मरकुस 7:34

अरा आस मेर्ख़ा तरा ऎररकी नींख़चारचस, अरा अरामी भखा नू बाचस, “एप्‍‍फता” इदही माने “कोलर'अय कलय”।

मरकुस 9:25

गोंहड़ा ही असन बोंग ख़ॊंड़रनन येसुस ईरियस। ख़ने आस एन्ने बाचस ती मलदौ बॊलतन खखवाचस, “अनय कुन्‍दी अरा बैरी ननू बॊलता ऎन निंगन पॆसदन, ईसी म‍इय्याँ ती उरखय बरय, अरा इकला हूँ ईसी म‍इय्‍याँ अमके कोर'आ।”

लू‍कस 4:27

अरा धर्मेसी कत्‍था तिंगू एलिसासी बेड़ा नू इस्राऎल नू नगदे खसरा रोगियर रहचर, लिकिन सीरिया राजी ता ओन्‍टा नन-यहूदी नामानसिन अम्‍बर नॆ हूँ कोड़े मल मन्‍तारर।”

लू‍कस 5:13

येसुस ख़ेक्खा ती आसिन ऎंसड़स ती बाचस, “एंग्‍है मने र'ई का नीन कोड़े मना कला।” आ बारिम आसी खसरा रोगे कोड़े मंजा केरा।

लू‍कस 7:14

आस हेद्दे केरस ती सार आबोन एवंढरस, ख़ने चिड़'ऊ आलर इज्‍जर केरर। अरा आस बाचस, “अना जॊंख़ायो, ऎन निंगन ब'अदन चो'आ।”

यॊहनस 11:43

येसुस एन्ने बाचस ती जॊरसरिया चिच्चियारस, “अना लाजरस, उरखा बरा।”

यॊहनस 15:24

एका अजगुत नलख गुट्ठिन नॆ हूँ मल नंजका रहचर आ अजगुत नलख गुट्ठिन आर ही मझी नू ऎन मल नंजका रहचकन होले, आर ही म‍इय्याँ पाप ही बदी मल लग्‍गो दने। लिकिन अक्‍कु गा आर ऎन एन्‍देर नंजकन अबड़ा ओर्मन ईरियर, अन्नु हूँ आर एंग्‍है गने अरा एम्‍बस गने हींड़का र'अनर।

यॊहनस 5:21

एकन्ने एम्‍बस केचका आलारिन चॊद्दस ती आर गे उज्‍जना चि'अदस, अन्नेम ऎन हूँ नॆकन ऎन बेद्ददन आर गे उज्‍जना चि'अदन।