मत्तायोस 8:2 - पुना गच्छरना NT (BSI)

² आ बारी ओन्‍टा खसरा मंजका आलस आसी गुसन बरचस, अरा एन्ने बाचस ती ऒड़ लग्‍गियस, “उर्बायो, निंग्‍है मने र'ई होले नीन एंगन सफा नना ओंग्‍दय।”

मत्तायोस 8:2 ပူးပေါင်းရင်းမြစ်များ

मत्तायोस 10:8

अरा रोगियारिन उजग'आ अरा केचकारिन उज्‍जत'आ अरा खसरा रोगियारिन कोड़े नना अरा आलर ती नाद गुट्ठिन ओथ्र'आ। नीम एंग्‍है ती इबड़ा सवंगन सिथिया ख़क्‍खकादर, नीम हूँ आलारिन सिथियम ती संगरा नना।

मत्तायोस 13:58

अरा आस असन आर ही मल पत्त'अना चड्डे बग्‍गे अकबक नलख मल नंजस।

मत्तायोस 14:33

अदही ख़ॊख़ा डोंगा नू रहचर आर आसिन ओलगर बाचर, “मानिम नीन धर्मेसी ख़द्दय हिकदय।”

मत्तायोस 15:25

लिकिन आद अउरिम बरचा ती येसुसिन मोंजरा नंजा ती ब'आ हेलरा, “अना उर्बायो, एंग्‍हा सहाड़ा नना।”

मत्तायोस 18:26

ख़ने आस ख़ेडमूली खत्रस ती नॆचस, ‘अना उर्बायो, खतीर नना, ऎन उर्मिन किर्त'ओन चि'ओन।’

मत्तायोस 2:11

अरा आ एड़पा नू कोरचर ती ख़द्दासिन तंग्यो मरियम गने ईरयर अरा मुलख़र‍र ती आसिन ऒड़ लग्‍गियर अरा तंम्‍है खुर्जी बकसन तिसगर ती सोना, लोबान अरा गन्‍धरस आस गे दान नंजर।

मत्तायोस 20:20

तहाँ जेबदयुसी तंग्‍आली तंग्‍दाबगर गने येसुस गुसन बरचा ती ऒड़ लग्‍गिया ती आस ती इन्द्रिइम नॆचा।

मत्तायोस 26:6

एकाबारी येसुस बेतानिया पद्दा नू सिमॊन नामे आलासी एड़पा नू रहचस, एकास मुन्‍द खसरा रोगियस रहचस,

मत्तायोस 28:17

आर येसुसिन इरियर ख़ने, आर आसिन ऒड़ नंजर, लिकिन नॆका नॆका धुक-पुक मंजा।

मत्तायोस 28:9

आचका येसुस आरिन भेंट मंजस अरा बाचस, “जोहार,” अबड़र हेद्दे बरचर ती आसी ख़ेड्डेन धरचर ती ऒड़ लगियर।

मत्तायोस 4:9

अरा आसिन बाचा, “नीन ख़ेडमूली खत्र'ओय ती एंगन ऒड़ लग्‍गोय होले इब़डा उर्मिन निंगा चि'ओन।”

मत्तायोस 8:1

येसुस परता ती इत्तियस ख़ने कोहाँ गोंहड़ा गुट्ठी आसी गने गुड़ियारा।

मत्तायोस 8:25

ख़ने चेलर हेद्दे केरर ती येसुसिन एज्‍जर ती बाचर, “उर्बायो, एमन बछाब'आ, नाम मूलख़ालदत।”

मत्तायोस 9:18

येसुस आर गने इबड़ा कत्‍थन कच्‍छनख्रना बारिम रहचस ख़ने ओर्त गोड़हा एड़पा ही मुद्धस बरचस ती येसुसिन ऒड़ लग्‍गियस ती बाचस, “एंग्‍दा अक्‍कुनिम किच्‍चकी र'ई। नीन बरा ती अदही म‍इय्‍याँ ख़ेक्खा उइय्या, होले आद उज्‍जो।”

लू‍कस 4:27

अरा धर्मेसी कत्‍था तिंगू एलिसासी बेड़ा नू इस्राऎल नू नगदे खसरा रोगियर रहचर, लिकिन सीरिया राजी ता ओन्‍टा नन-यहूदी नामानसिन अम्‍बर नॆ हूँ कोड़े मल मन्‍तारर।”

यॊहनस 9:38

ख़ने आस “उर्बायो! ऎन पत्त'अदन।” एन्ने बाचस ती आसिन ऒड़ लग्‍गियस।

त‍इरकर 10:14

लिकिन पतरस बाचस, “मला उर्बायो, कहियों ऎन नेम्‍हा मलका अरा सोतबोड़'आ आलॊन मल्‍ला मोक्‍का।”

त‍इरकर 10:25

एकाबारी पतरस कोरचस ख़ने, कोरनेलियोस आसिन भेंट मंजस अरा आसी ख़ेडमूली खत्तरस ती ऒड़ लग्‍गियस।

1 कोरिन्‍थ 14:25

अरा आसी जिया ता नूख़्रका कत्‍था दहदर मनो क'ओ, अरा आस ख़ेडमूली खत्र'ओस ती धर्मेसिन ऒड़ लग्‍गोस, अरा ब'ओस का, “धर्मेस मानिम निम्‍है मझी नू र'अदस।”

दहदर मंजका कत्‍था 19:10

इदन मेंजकन ख़ने, ऎन आसिन ऒड़ लग्गा गे आसी ख़ेडमूली खत्रकन। ख़ने आस एंगन बाचस, “ऎरा, एन्ने अमा नना, ऎन हूँ निंग्‍है गने अरा येसुसी पत्त नू गोवाह चि'ऊ निंग्‍है भईर गने संगे जॊंख़न हिकदन। औंगे धर्मेसिन दिम ऒड़ लग्गा। एन्‍देरगेका नॆ येसुसी पत्त नू नन्नर गे तेंगनर, आर मानिम नू धर्मेसी बॊलतस आर गे चिच्का कत्था गुट्ठिन दिम तेंगनर।”