मत्तायोस 8:1 - पुना गच्छरना NT (BSI)

¹ येसुस परता ती इत्तियस ख़ने कोहाँ गोंहड़ा गुट्ठी आसी गने गुड़ियारा।

मत्तायोस 8:1 ပူးပေါင်းရင်းမြစ်များ

मत्तायोस 12:15

इदिन अक्‍खस ती येसुस असले किर्रिम बिच्‍चियस, अरा कोड़हे आलर आसी ख़ॊख़ा गुड़ियारर अरा आस आर नू ती बेमरहा ओर्मारिन कोड़े नंजस।

मत्तायोस 15:30

ख़ने कोहाँ गोंहड़ा आसी गुसन ख़ोपरा केरा। आर तम्‍‍है गने लेंगड़ा, अन्धहा, कोंदा, ठुठा अरा नन्‍ना नगदे बग्‍गेरिन आसी हेद्दे ओन्‍द्रर, अरा आसी हेद्दे उइय्यर चिच्‍चर। आस अबड़ा आलारिन कोड़े नंजस।

मत्तायोस 19:2

अरा कोहाँ गोंहड़ा आसी ख़ॊख़ा गुड़ीयारा, अरा असन आस आर ही रोगेन कोड़े नंजस।

मत्तायोस 20:29

अरा येसुस अरा आसी चेलर येरिहॊ नगरे ती उरखा लगियर ख़ने, ओन्‍टा कोहाँ गोंहड़ा आर ही ख़ॊख़ा बर'आ लगिया।

मत्तायोस 4:25

गलिलेया जिला, देकापोली, येरुसलॆम, यूदेया जिला दरा यरदन ख़ाड़ ही आ पक्‍खे ती बरचका ओन्टा कोहाँ गोंहड़ा येसुसी ख़ॊख़ा गुड़ियारा।

मत्तायोस 7:29

आस गा आर ही नॆग सिखाब'उर लेक्‍खा मला, लिकिन ओन्टा अदिया उइय्युस लेक्‍खा सिखाब'आलियस।

मत्तायोस 8:18

येसुस उर्मी तरती तंगन गोंहड़ा बेंढ्रका ईरियस ख़ाने, आस तंग्‍है चेलारिन समुदर ही आ पक्‍खे कट्टा गे आनियस।

मत्तायोस 8:2

आ बारी ओन्‍टा खसरा मंजका आलस आसी गुसन बरचस, अरा एन्ने बाचस ती ऒड़ लग्‍गियस, “उर्बायो, निंग्‍है मने र'ई होले नीन एंगन सफा नना ओंग्‍दय।”

मरकुस 3:7

येसुस गोड़हा एड़पा ती उरखरकी तंग्‍है चेलर गने गलिलेया समुदर तरा केरस। ओन्‍टा कोहाँ गोंहड़ा आसी ख़ॊख़ा केरा। ई गोंहड़ा नू गलिलेया जिला ता,

लू‍कस 5:15

लिकिन येसुसी पत्त ता कत्‍था अउर हूँ बीड़रा केरा। अरा गोंहड़ा गोंहड़ा येसुस ती मेना गे अरा तम्‍है बेमार ती उजगार'आ गे ख़ोड़रा।