मत्तायोस 7:23 - पुना गच्छरना NT (BSI)

²³ होले ऎन आरिन फरीफरी तेंगोन ती आनोन, ‘ऎन निमन इकला हूँ बलकन, मलदौ ननू आलारो, एंग्‍है गुस्‍ते गुच्‍छर'आ।’

मत्तायोस 7:23 ပူးပေါင်းရင်းမြစ်များ

मत्तायोस 25:12

लिकिन आस आनाकिर्ताचस, ‘ऎन निमन मानिम ब'अदन, ऎन निमन बलदन।’

मत्तायोस 25:41

आ बारी ऎन बॆलन डेब्‍बा पक्‍खे ता आलारिन ब'ओन, ‘अना सरपारका आलारो, एंग्‍है मुन्‍द ती आ मल तेभ्रना चिच्‍ची नू किर्रिम बि'आ, एकदा नाद अरा अदही पैकर गे सपड़ाचका र'ई।

लू‍कस 13:25

एकाबारी एड़पा ता उर्बस चो'अदस ती बलिन मुच्‍चदस। ख़ने नीम बहरी इज्‍जदर ती एन्‍ने ब'अनुम बलिन ठोक ठोकम ब'अदर ‘अना उर्बायो, एमा गे बलिन तिसग'आ।’ आस निमन आना किर्त'ओस, ‘ऎन निमन बलदन एसला हिकदर?’

लू‍कस 13:27

लिकिन आस आना किर्त'ओस, ‘ऎन निमन ब'अदन, ऎन निमन बलदन नीम एसते बरचकर। मलदौ नलख ननू आलारो, नीम एंग्‍है गुसते बोंगा।’

यॊहनस 10:14

ऎन दिम बॆस महरा हिकदन। एकासे बंगस एंगन अख़दस‍ अरा ऎन बंगासिन अख़दन, अन्नेम ऎन एंग्‍है भेंडोन अख़दन अरा एंग्‍है भेंडो एंगन अख़'ई। ऎन भेंडो गुट्ठी गे एंग्‍है जियन चि'अदन।

2 तीमोथियुस 2:19

अन्नु हों धर्मेसिन मानी ती पत्त'ऊ आलर मसीसी पत्त'अना नू पोकता र'ओर। अरा धर्मेस बाचकादस, “तम्‍है आलारिन उर्बस अख़दस” अरा “नॆ ताम उर्बासी ख़ॊख़ा चॊंख़्रदम ब'अनर आर गे मलदौ नलखन मल नन्ना र'ई।”

दहदर मंजका कत्‍था 22:15

लिकिन अल्‍ला लेक्खा नेम्हा मलका आलर, अरा टोनहर, अरा पेहरन ही सोतरा नलख ननुर, अरा आल पिटुर, अरा मूर्तिन ऒड़ लग्गुर, अरा ठकवा कत्‍था गुट्ठिन पत्त'अरकी अबड़ा नू ईकू ओर्मर नगरे ही बहरी र'ओर।