मत्तायोस 6:9 - पुना गच्छरना NT (BSI)

⁹ औंगे नीम एन्ने गोहरारके: ‘अना एम्‍है मेर्ख़ा नू र'ऊ बबा, निंग्‍है नामे नेम्‍हा मनन नेकअन।

मत्तायोस 6:9 ပူးပေါင်းရင်းမြစ်များ

मत्तायोस 10:29

एन्‍देर ऎनोटा ढिबा ती ऎंड़ गोटंग चोरो मल बीसर'ई का? अन्नु हूँ निम्‍है बंगासी बिगर मने ही ओन्‍टा हूँ ख़ॆख़ेल नू मल खत्र'ई।

मत्तायोस 23:9

अरा ख़ॆख़ेल नू नॆकन हूँ बबा अमके ब'आ, एन्‍देरगेका निम्‍है ओर्तलेका बंगस र'अस, आस मेर्ख़ा नू र'अस।

मत्तायोस 26:29

ऎन निमन ब'अदन का ऎन एम्‍बासी राजी नू निम्‍है गने पुना अंगुर रासी ओन्ना गूटी इदन ई तरिका ती मुन्‍द इकला हूँ मल ओनोन।”

मत्तायोस 26:42

आस फिन दुसर खेप किर्रिम बिच्चियस अरा बिन्‍ती नंजस, “अना एग्‍है बंगायो, ई खिलपत एंग्‍है बिगर ओं‍डका मल टाड़र'ओ होले, निंग्‍है मने दिम मना नेक‍अन।”

मत्तायोस 5:16

एन्नेम निम्‍हा बिल्‍ली आलर गुसन बिलचते र'अन नेक‍अन, का आर निम्है दौ नलखन ऎरोर ती निम्‍है मेर्ख़ा ता बंगासी महबा ननोर।

मत्तायोस 5:48

औंगेम नीम बड़ियर मना, एकासे निम्‍है मेर्ख़ा ता बंगस उर्मी गुन्न नू बड़ियर र'अस।’

मत्तायोस 6:14

नीम नन्नर ही अक्‍का-बलकन छमा ननोर होले मेर्ख़ा ता बगंस हूँ निमन छमा ननोस।

मत्तायोस 6:6

नीम गा गोहरारना बारी, निम्‍है कुठली नू कला अरा बलिन मुच्‍चा ती मल ऎथ्रना नू निम्‍है बगंस ती गोहरार'आ। निम्‍है बंगस मल ऎथ्रना नू निम्‍है नलखन हूँ ऎरदस, आस निमन आसीस ननोस।

मत्तायोस 7:11

अन्ने नीम मलदौ मनरकी निंग्‍है ख़द्द-ख़र्रर गे दौ जिनिसन चि'आ अख़दर होले, मेर्ख़ा बंगस तंग्‍है गुसते ने'उर गे बॆस आलॊन नेम्‍हा बॊलतन चि'ओस दिम।

लू‍कस 15:18

ऎन अक्‍कु इसते अम्‍बोन ती एम्‍बस गुसन किर्रोन अरा आसिन ब'ओन, ‘अना बबा, ऎन धर्मेसी अरा निंग्‍है बिड़दो नू पाप नंजका र'अदन।

लू‍कस 15:21

तंग्‍दस आसिन बाचस, ‘अना बबा, ऎन धर्मेसी अरा निंग्‍है बिड़दो नू पाप नंजका र'अदन। ऎन अक्‍कु ती निंग्‍है ख़द्द बारना जॊगे मलकन।’

लू‍कस 2:14

“मेर्ख़ा नू धर्मेसी महबा मनन, अरा ख़ॆख़ेल नू नॆ धर्मेसिन खुसमारत'अनर अबड़ा ओर्मर गे सान्‍ति मनन।”

यॊहनस 20:17

येसुस अदिन बाचस, “एंगन अमय ऎसड़'अय, ऎन अक्‍कु गूटी बंगस गुसन मइय्याँ मल अरगकन। लिकिन कलय ती एंग्‍है भइय्योरिन तेंगय, ऎन एंग्‍है बंगस निम्‍है बंगस अरा एंग्‍है धर्मेस निम्‍है धर्मेस गुसन मइय्याँ अरगदन कालदन।”

रोमी 1:7

ऎन रोम नगरे नू र'ऊ निमा ओर्मर गे ई चिठिन लिखदन। धर्मेस निमन चोन्‍हा नन्‍दस अरा आसी आलर मना गे चज्जिका र'अदस। नम्‍है धर्मे बंगस अरा उर्बस येसु मसीस ती निमा मया अरा कोड़े ख़क्ख्रअन नेकअन।

रोमी 8:15

निमा जॊंख़ मंज ख़च्‍चना ही बॊलता मल्‍ला ख़क्ख्रका का अन्‍ति नीम अत्रु मुन्‍द लेक्‍खा एल्‍चोर। लिकिन नीम धर्मेसी बॊलतन ख़क्‍खकर इकला आस निमन तंग्‍है ख़द्द-ख़र्रा बेसे गढ़चस। अक्‍कु नाम आसिन “अना बबा, अना बंग” ब'अदत।

गलातिया 1:1

ई चिठी त‍इरकन पौलुस एंग्हा तरती र'ई। ऎन एक‍अम आलर ही खोंड़हा तरती मला महले एकअम अक्स'ऊ आलर ती तइरका मल्‍ला मंजका। लिकिन येसु मसीस ती अरा धर्मे बंगस ती तइरका मंजकादन, एकास येसुसिन केचका ती उज्‍जा चॊदस।

गलातिया 4:6

अरा नीम गा धर्मेसी ख़द्दर हिकदर। धर्मेस तंग्‍दासी बॊलतन नम्‍है जिया नू त‍इय्‍कादस। औंगे आस चिच्चियारदस ती मॆख़दस “अना बबा, अना बंगायो।”

1 तीमोथियुस 6:16

मल खि'ऊ आसिम हिकदस। आसदिम सगरो उज्‍जू र'अदस। आस अकय कोड़हे बिल्‍ली नू र'अदस। आसिन नॆ हूँ मल्‍ला ईरका अरा इकल‍अम हूँ ऎरा पोलनर। आस गेम ओहमा अरा पया हुल्‍लो ती हुल्‍लो गूटी र'अन नेक‍अन। आमेन।

1 पतरस 1:17

अरा बिगर तीना ख़ाँड़ना ती उर्मी आलारिन अपन अपन नंजका नलख ही लेक्खा नेंवई ननू मेर्ख़ा बंगासिन नीम गोहरारदर। औंगे इसन ख़ॆख़ेल नू नीम जोक्क उल्ला गे र'उर लेक्खा उज्जना बेड़ा गूटी इल्चका अरा कोड़हे मईन गने उज्जा ऎका।

दहदर मंजका कत्‍था 4:11

“अना एम्‍है धर्मे उर्बायो! नीन महबा अरा मईन अरा सवंग ख़क्खना ही जॊगे र'अदय, एन्‍देरगेका नीनिम उर्मिन गढ़चकय, अरा निंग्है मने तिम अबड़ा गढ़्रका ती उज्जी।”

दहदर मंजका कत्‍था 5:12

अरा आर जॊर सड़ा ती चिच्चि‍यार'अरकी ब'आ लगियर, “नॆ पिटतारका भेंडो ख़द्द मसीस र'अस, आस सवंग अरा खुर्जी अरा लूर अरा पया अरा मईन अरा महबा अरा ओहमा ख़क्खा गे जॊगे र'अस।”