मत्तायोस 6:2 - पुना गच्छरना NT (BSI)

² औंगे नीम कीड़र गे चि'ओर आ बारी इदही हाँक अमा चि'आ, एकासे उतुरमाड़ुर गोड़हा एड़पा अरा गली कुची गुट्ठी नू नन्नर, होले आलर आरिन सहरार'ओर। ऎन निमन मानिमन ब'अदन का आर तम्‍है इनाम ख़क्‍खा ख़च्‍चिका र‍'अनर।

मत्तायोस 6:2 ပူးပေါင်းရင်းမြစ်များ

मत्तायोस 15:7

अना उतुरमाड़ू आलारो, निम्‍है पत्त नू धर्मेसी कत्‍था तिंगू यसायास ठौकम तिंकादस, एकासे का,

मत्तायोस 16:3

अरा पैरी बारी मेर्ख़ा ख़ॆंसो अरा धुंधरहा र'ई होले नीम ब'अदर, इन्ना धूका मनो। नीम मेर्ख़ा ता ऎथ्रनन ऎरदर ती लख'आ ओंग्दर, लिकिन अक्‍कु एन्‍देर मना लगी अदिन नीम बुझ्र'आ पोलदर।)

मत्तायोस 22:18

लिकिन येसुस आर ही चतरा आबोन अक्‍खस ती बाचस, “नीम उतुरमाड़ू आलारो, एंगन एन्‍देरगे बिढ़दर?

मत्तायोस 23:5

आर आलारिन ऎद'आ गे तम्‍है उर्मी नलखन नन्नर, आर तम्‍है ताबीजन चकड़ नन्‍नर अरा तम्‍है फुदनन जुर्त'अनर।

मत्तायोस 23:6

अरा मदी गुट्ठी नू मईन अड्डा अरा गोड़हा एड़पा गुट्ठी नू मुध मचिया गुट्ठी नू ओक्कना,

मत्तायोस 24:51

ती आस गे कोड़हे दंडे चि'ओस। आस आस गे उतुरमाड़ुर गने हिसा चि'ओस। असन आलर गे चींख़ना ओलख़ना अरा पल्‍ल चब्रना मनो।

मत्तायोस 5:18

ऎन निमन मानिमन ब'अदन, मेर्ख़ा दरा ख़ॆख़ेल टाड़र'ओ क'ओ, लिकिन धर्मेसी नॆग नू एन्‍देर लिख्रकी र'ई अदही बिगर मंजका ओन्‍टा अक्‍छर महले ओन कड़ी हूँ मल मुंज्र'ओ।

मत्तायोस 6:16

नीम उपास ननो बारी उतुरमाड़ुर लेक्‍खा मुहिन हेन्दव'अके ती उपास अमके नना। आर तम्‍है मुहिन मड़ख़नर चि'अनर, एकत्रु आलर अख़'ओर का आर उपास र'अनर। ऎन निमन मानिमन ब'अदन का आर तम्‍है आसीस ख़क्‍खा ख़च्‍चियर।

मत्तायोस 6:3

औंगे एकाबारी नीम कीड़ा आलर गे चि'अदर, अदिन नन्ना आलर अम्‍बोर अख़'आ।

मत्तायोस 6:5

एकाबारी नीम गोहरारदर, उतुरमाड़ुर लेक्‍खा अमके गोहरार'आ। आर गा गोड़हा एड़पा नू अरा दोप्‍फा डहरे नू इजनर ती गोहरार'आ गे पत्तारनर, होले आलर आरिन ऎरोर। ऎन निमन मानिमन ब'अदन, आर गे तम्‍है इनाम ख़क्‍ख्र'आ ख़च्‍चिया।

मत्तायोस 7:5

अना उतुरमाड़ू, मुन्‍द निंग्‍है ख़न्न ता च‍इलन ओथ्र'आ, होले नीन निंग्‍है भईसी ख़न्न ता कंटेन ओथ्र'आ गे फरीफरी ऎरा ओंगोय।

मरकुस 12:39

आर गोड़हा एड़पा गुट्ठी नू मुध मचिया गुट्ठिन अरा मदी गुट्ठी नू म‍ईन अड्डा गुट्ठिन ख़क्‍खा गे बेद्दनर।

मरकुस 7:6

येसुस किर्त'अर बाचस, “धर्मेस नीम उत्तुरमाड़ुर ही पत्त नू धर्मेसी कत्‍था तिंगू यसायास ती चिरान नू तिंगियस। ‘इबड़ा आलर तम्‍है कत्‍था ती गा एंग्‍है म‍ईन नन्नर, लिकिन ईर मानिम नू एंगन मल पॆस्रनर।

लू‍कस 11:41

औंगे नीम कीड़र गे चि'अदर होले, निमा गे उर्मिद सफा र'ओ।

लू‍कस 11:43

ओहरे निमा फरिसी आलारो, नीम गोड़हा एड़पा गुट्ठी नू मुध मचिया गुट्ठी नू ओक्‍कनन अरा बजार गुट्ठी नू मोंजरा ख़क्खनन बेद्ददर।

लू‍कस 12:33

औंगे निम्‍है खुर्जिन बीसा चि'आ अरा कीड़र गे चि'आ। अरा मल पच्‍चना ढिबा झोला अरा मल खंगर'ओ खुर्जी आबोन मेर्ख़ा नू बेन्‍द'आ। असन ख़लबर मल ख़ड़नर अरा सुरही मल मूख़ी।

लू‍कस 12:56

अना उतुरमाड़ू आलारो, नीम ख़ॆख़ेल दरा मेर्ख़ा ही मूठन चिन्‍ह'आ ओंग्दर, लिकिन ई बेड़न चिन्‍ह'आ पोलदर।

लू‍कस 13:15

ख़ने उर्बस आसिन बाचस, “अना उतुरमाड़ू आलारो, निम्‍है ती ओर्मर ख़न्न ऎख़ना उल्‍ला नू अड्डोन महले गदहान गोयसाली ती बिछरदर ती अम्‍मु ओन्‍त'आ गे मल हो'अदर का?

लू‍कस 20:46

“नॆग सिखाब'उर ती चिहुंक र'आ। आर दिगहा किचरी अत्तरकी कुद्दका कुद्दनर, अरा बजार टोंका गुट्ठी नू मोंजरा ख़क्‍खा गे बेद्दनर। आर गोड़हा एड़पा गुट्ठी नू मुध मचिया गुट्ठिन अरा मदी गुट्ठी नू म‍ईन अड्डा गुट्ठिन ख़क्‍खा गे बेद्दनर।

लू‍कस 6:24

लिकिन ओहरे नीम उरुब आलारो, नीम गा निम्‍है उर्मी सुक्‍खे अरा रिझ ख़क्‍खा ख़चकर।

लू‍कस 6:42

नीन निंग्‍है ख़न्न ता च‍इलन मल थिथाब'अदय ती निंग्‍है भईसिन ब'अदय, अना भ‍ई, ऎन निंग्‍है ख़न्न ता कंटेन ओथ्र'ओन चि'ओन, एन्ने एन्‍देरगे ब'अदय? अना उतुरमाड़ू, मुन्‍द निंग्‍है ख़न्न ता च‍इलन ओथ्र'आ, होले नीन निंग्‍है भईसी ख़न्न ता कंटेन ओथ्र'आ गे फरीफरी ऎरा ओंगोय।

यॊहनस 13:29

यूदस ढिबा ही थोलकोन उइय्या लगियस, ख़ने जोक्‍कोर सोच्‍चर का परब नू चाड़ मनो अबड़न ख़ेन्‍दा गे महले कीड़र गे इन्द्रिइम चि'आ गे येसुस आसिन बाचस।

यॊहनस 5:41

ऎन आलर ती बरना ओहमन मल बेद्ददन।

यॊहनस 5:44

नीम गा निम्‍है नू ओर्त ओर्तोस ती ओहमन ख़क्‍खा गे बेद्ददर। लिकिन नीम ओर्त लेका धर्मेस ती बरना ओहमन ख़क्‍खा गे मल बेद्ददर। होले नीम एकासे पत्त'आ ओंगोर?

यॊहनस 7:18

नॆ तंग्‍है तरती ब'अदस आस तंगा गे मईन बेद्ददस। लिकिन नॆ तंग्‍है त‍इय्युस गे मईन बेद्ददस, आस मानिम जॊगे आलस र'अस, अरा आस नू फंगटिया कत्‍था मलकी।

त‍इरकर 10:2

आस अरा आसी एड़पा ता उर्मी आलर धर्मेसिन एल्‍चा लगियर अरा महबा ननू रहचर। अरा आस कीड़र गे बग्‍गे चि'आ लगियस अरा ओर्मा बेड़ा धर्मेसिन गोहरार'आ लगियस।

त‍इरकर 10:31

आस बाचस, ‘कोरनेलियोस, निंग्‍है गोहरारना मेन्‍तारकी र'ई। अरा नीन कीड़र गे चिच्कादय अदिन धर्मेस सुरता नंजकादस।

त‍इरकर 10:4

आस आसी म‍इय्याँ ओन ढिठ ईरियस ती इल्‍चियस अरा बाचस, “उर्बायो, एन्‍द्रा?” ख़ने मेर्ख़ा पौकस बाचस, “निंग्‍है गोहरारनन अरा निंग्‍है कीड़र गे चि'अनन ओन्टा दाँड़े बेसे धर्मेस इंझ्रका र'अदस।

त‍इरकर 11:29

तहाँ पत्त'ऊ आलर यूदेया राजी ता भ‍इय्‍योर ही सहाड़ा गे ओर्मर तम्‍है ओंगना लेक्‍खा रुपया त‍इय्या गे सलहा मंजर।

त‍इरकर 24:17

कयनो बछर गूटी नन्ना देस नू रहचका ही ख़ॊख़ा ऎन एंग्‍है आलर गे दान अंड़सत'आ गे अरा धर्मेसी मन्दिर नू दाँड़े अरग'आ गे येरुसलॆम बरचका रहचकन।

त‍इरकर 9:36

अक्‍कु योप्‍पॆ नगरे नू तबिता नामे ओन्टा पत्त'ऊ आली रहचा। युनानी भखा नू इदही नामे दोरका हवे। आद नगदे दौ नलख नना लगिया अरा कीड़र गे संगरा नना लगिया।

रोमी 12:8

एकास गे रिझाब'अना ही ख़ंजपा र'ई, आस नन्नारिन रिझाब'अना नू बोथ्रका र'अना र'ई। अरा एकास गे दान चि'अना ही ख़ंजपा र'ई आस चि'अना नू हरकट मन्ना र'ई। एकास गे कड़हाब'अना ही ख़ंजपा र'ई आस गे अदिन मानिम गने नन्ना र'ई। एकास गे सोग्‍गे ऎदना ही ख़ंजपा र'ई, आस गे अदिन रिझ ती नन्ना र'ई।

1 कोरिन्‍थ 13:3

अरा ऎन एंग्‍है उर्मी खुर्जिन कीड़र गे चि'अदन, अरा एंग्‍है मॆदन बस्‍सा गे चि'अदन, लिकिन एंग्‍है नू चोन्‍हा मलकी होले, इत्रु एंगा एन्‍द्रा हूँ नफा मल्‍ला।

गलातिया 2:10

आर ही ब'अना रहचा कीड़ा आलारिन सहाड़ा नना गे अमके मॊधर'आ ऎन हूँ एन्नेम नना बेद्दालिक्‍कन।

इफेसुस 4:28

अरा एकास ख़ड़दस, आस अक्कु ती अम्बोस ख़ड़'आ नेकअन। लिकिन आस तंग्है ख़ेक्खा ती दौ नलख नन्ना नू अर्ज'आ गे चिहुट नन्दस नेकअन। होले मलकर गे सहाड़ा नना गे आसी गुसन इन्द्रिइम र'ओ।

1 थेस्‍सलोनिकॆयर 2:6

अरा ऎम आलर ती म‍ईन मल बेद्दा लिक्‍कम, निम्‍है ती मला महले नेख'अम नन्नर ती हूँ मला।

1 तीमोथियुस 6:18

अरा आरिन तेंगा का आर गे तंग्‍है खुर्जिन दौ नलख नू ब‍उर'अना र'ई, अरा दौ नलख गुट्ठी नू उरुब मन्ना र'ई। अरा चाड़ र'ऊ आलर गे मुट्ठी बिछर'अरकी चि'आ गे अरा सौंसे जिया ती तम्‍है खुर्जिन ख़ट्टा गे सपड़ारका र'अना र'ई।

फिलॆमॊन 1:7

अना एंग्है भई, नीन नेम्हा आलर ही जियन हरियर नंजका र'अदय। निंग्‍है चोन्‍हा एंगा गे हूँ कोड़हे रिझ अरा जिया सालनन चिच्की र'ई।

इब्रानी 13:16

अरा दौ नना गे अरा निम्‍है जिनिसन चाड़ नू र'उर गे ख़ट्टा गे अमा मोध्र'आ, एन्‍देरगेका एन्ने लेक्‍खा दाँड़े गुट्ठी तिम धर्मेस रिझ्रदस।

1 पतरस 4:11

ओर्तस गे कत्था मेन्त'अना ही इनाम र'ई होले, आस धर्मेस तान आसी ती ब'अना लेक्खा कत्था मेन्त'अना र'ई। ओर्तस गे सुसर नन्ना ही इनाम र'ई होले, आस धर्मेस चि'अना सवंग ती अदन नन्ना र'ई। ख़ने नीम नन्ना उर्मी कत्था गुट्ठी येसु मसीस संगरा ती धर्मेस गे महबा ओन्द्रना र'ई। आस गेम उर्मी महबा अरा सवंग उर्मी उल्ला मनन नेकअन। आमेन।