मत्तायोस 5:9 - पुना गच्छरना NT (BSI)

⁹ नॆ मेस्रत'ऊ आलर र'अनर, आरिन धर्मेस आसीस ननोस, आर धर्मेसी ख़द्दर बार'ओर।

मत्तायोस 5:9 ပူးပေါင်းရင်းမြစ်များ

मत्तायोस 5:45

एन्ने नन्ना ती नीम निम्‍है मेर्ख़ा बंगासी ख़द्दर मनोर। एन्‍देरगेका आस दौ अरा मलदौ इरबर मइय्याँ हूँ बीड़ी अरग'अदस अरा उजगो आलर अरा पपहर इरबर गे हूँ चॆंप पुंइत'अदस।

मत्तायोस 5:48

औंगेम नीम बड़ियर मना, एकासे निम्‍है मेर्ख़ा ता बंगस उर्मी गुन्न नू बड़ियर र'अस।’

लू‍कस 20:36

अरा आर फिन इकला हूँ मल खे'ओर, आर उज्‍जा चो'अना ही ख़द्द मंजर, ख़ने आर मेर्ख़ा पैकर लेक्‍खम र'ओर, अरा धर्मेसी ख़द्दर मनोर।

लू‍कस 6:35

औंगे अपन बैरीरिन चोन्‍हा नना अरा आर गे दौ नना। अरा ख़क्‍खना ही असरा मल ननरकी नहड़ा चि'आ। होले निमा गे बग्‍गे इनाम ख़क्‍ख्र'ओ, अरा नीम उर्मी ती मेच्‍छा नू र'ऊ धर्मेसी ख़द्दर लेक्‍खा मनोर। सुरता ननके का धर्मेस गा धन्‍यबाद मल नन्नुर अरा मलदौ आलर मइय्याँ हूँ सोग्‍गे ऎरदस।

त‍इरकर 7:26

दोसर उल्‍ला मूसस ऎंड़ इस्राऎल आलर ही नग्‍गानख्रनन ईरियस ती आरिन मेसाब'आ गे एन्ने बाचस, ‘आलारो, नीम भईर हिकदर, नीम एन्‍देरगे अपन अपन नू मलदौ नना लगदर?’

रोमी 12:18

ऎ बग्‍गे मना ऊंगी आ गूटी ओर्मा आलर गने कोड़े गने र'आ।

रोमी 8:14

नॆ धर्मेसी बॊलता ही कड़हाब'अना नू ऎकनर आर ओर्मर धर्मेसी ख़द्द-ख़र्रा हिकनर।

रोमी 8:16

नाम धर्मेसी ख़द्द-ख़र्रा एन्ने नेम्‍हा बॊलतस नम्‍है बॊलता गने मेसर'अरकी तेंगदस।

रोमी 8:19

एन्‍देरगेका गोट्टा ख़ॆख़ेल ता गढ़र्रका आलॊ कोहाँ असरा ती धर्मेस नॆ नॆ तंग्‍है ख़द्दस एन्ने दहदर ननोस अदिन ऎरा गे पाब ऎरा लगी।

1 कोरिन्‍थ 6:6

एन्ने मल ननरकी भई भईसी बिड़दो नू नेंव‍ई एड़पा कादस, आद हूँ मल पत्त'ऊ आलर ही मुन्‍दहारे एन्ने नन्‍दस।

2 कोरिन्‍थ 13:11

छेद्दे नू अना भईरो, रिझ्र'आ, बड़ियर मना, डिढ मना, ओन जिया ती र'आ, निभर'आ ती र'आ। ख़ने चोन्‍हा अरा सान्ति ही धर्मेस निम्‍है गने र'ओस।

2 कोरिन्‍थ 5:20

औंगे धर्मेस एम्है तरती दिम तंग्है ने'अनन नन्ना लेक्खा ऎम मसीसी पैकम हिकदम। ई चड्डे नीम धर्मेस गने मेसाब'आ ब'अरकी मसीसी ऊजी नू ऎम निमन ने'अदम।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

फिलिप्‍पी 4:2

उर्बस नू ओर्त ओर्त गने ओन्टे जिया ती र'आ गे ऎन बहिनर युओदिया अरा सुन्तुख़े गुसन गोहरारदन।

कोलोस्से 3:13

अरा नीम ओर्त ओर्तोरिन सह'आ। अरा ओर्तोसी बिड़दो नू निमा गे इन्द्रिइम नालिस र'ई होले, अदिन आस गे छमा नना। उर्बस निमा गे छमा नंजका लेक्खा नीम हूँ ओर्त ओर्तारिन छमा नना।

इब्रानी 12:14

ओर्मर गने मेस्र'आ ती उज्‍जा गे अरा निम्‍है ऎकना नू नेम्‍हा गने र'आ गे चिहुट नना। बिगर नेम्‍हा ती नॆ हूँ धर्मेसिन ऎरा पोल्‍लोर।