मत्तायोस 5:8 - पुना गच्छरना NT (BSI)

⁸ नॆख'आ जिया सफा र'ई, आरिन धर्मेस आसीस ननोस, आर धर्मेसिन ऎरोर।

मत्तायोस 5:8 ပူးပေါင်းရင်းမြစ်များ

त‍इरकर 15:9

अरा आस आर ही जियन पत्त'अना ती नेम्‍हा नंजस अरा नम्‍है नू अरा आर नू एन्‍देर हूँ फरक म‍ल नंजस।

1 कोरिन्‍थ 13:12

अक्‍कु गा नाम मड़ख़का ऐना नू धुमलहा ऎरना बेसे धर्मेसिन बड़ियर मल ऎरदत, लिकिन ख़ॊख़ा नाम उर्मी कत्‍थन बड़ियर फरीफरी ऎरोत। अक्‍कुन ऎन जुक्‍किम दिम अख़दन, लिकिन ख़ॊख़ा धर्मेस एंगन एकासे बनेम अख़दस अन्नेम ऎन उर्मिन बनेम अख़'ओन।

2 कोरिन्‍थ 7:1

अना एंगा चोन्हा भईरो! नमा एन्ने गच्छरना गुट्ठी ख़क्ख्रकी र'ई, औंगे नाम नम्है कया अरा जियन सोतबोड़'आ ननू उर्मी जिनिस ती नमन सुध मंज ख़च्चदत नेकअन। अरा धर्मेसी इल्चक'आ गने नमा नेम्हन पूरा मन्ना ही तरा नलख नन्दत नेकअन।

तीतुस 1:15

अरिगा आलर गे उर्मी जिनिस अरिगा र'ई। लिकिन अरिगा मलका अरा मल पत्त'उर गे एन्‍द्रा हूँ अरिगा मल्‍ला। एन्‍देरगेका आर ही लूर अरा लखना गुट्ठी दुयो बगड़ारकी र'ई।

इब्रानी 10:22

औंगे बरा! नाम बड़ियर पत्त'अना गने मानिम जिया गने धर्मेसी हेद्दे बर'ओत, एन्‍देरगेका नम्‍है लखना ही बदी आबोन तरकूटी नना गे नम्‍है जिया मसीसी ख़ॆंस ती सुध मंजकी र'ई अरा नम्‍है कया निमन अम्मु ती नूड़की र'ई।

इब्रानी 12:14

ओर्मर गने मेस्र'आ ती उज्‍जा गे अरा निम्‍है ऎकना नू नेम्‍हा गने र'आ गे चिहुट नना। बिगर नेम्‍हा ती नॆ हूँ धर्मेसिन ऎरा पोल्‍लोर।

इब्रानी 9:14

अन्ने होले मसीसी ख़ॆंस नमा लखनन मलदौ नलख गुट्ठी ती एका कोड़हे सुध ननो दने, औंगे नाम उज्‍जना धर्मेसिन सुसर नना ओंग्दत। एन्‍देरगेका मसीस जनमजुग ही बॊलतासी सवंग ती तंगन नम्‍है पाप गुट्ठी गे पखड़ दाँड़े बेसे धर्मेस गे अरगस।

याकॊब 3:17

लिकिन एका लूर धर्मेस गुस्ते बर'ई, आद मुन्द गा नेम्हा र'ई। फेन आद सान्ति आबोन बेद्दू, अरा लुदऊ मनू, तबे नू र'ऊ, अरा सोग्‍गे अरा दौ ख़ंजपा ती निंदका, अरा तीना मल ख़ाँड़ू, मानिम गने र'ऊ र'ई।

याकॊब 4:8

नीम धर्मेस हेद्दे बरा, होले आस हूँ निम्है हेद्दे बर'ओस। अना पपहा आलारो, नीम निम्‍है उज्जना नू मलदौ नलख गुट्ठिन अम्बा चि'आ। दुइभिदया आलारो, निम्है जियन निमन नना।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

दहदर मंजका कत्‍था 22:4

अरा आर आसिन मुंही मुंहिन ऎरोर, अरा आसी नामे आर ही कपड़े नू लिख्रकी र'ओ।