मत्तायोस 5:6 - पुना गच्छरना NT (BSI)

⁶ नॆ धर्मेसिन पत्त'आ गे दिम बेद्दनर, आरिन धर्मेस आसीस ननोस, आर ही मनेन धर्मेस पूरा ननोस।

मत्तायोस 5:6 ပူးပေါင်းရင်းမြစ်များ

लू‍कस 1:53

आस कीड़ारिन दौ जिनिस ती उड़ताचस, अरा उरुब आलारिन नीदी ख़ेक्खा ओथ्रस चिच्‍चस।

लू‍कस 6:21

अक्‍कुन कीड़ा सार'उरो निम्हा ती धर्मेस खुसमारदस नीम गा उड़तार'ओर। अक्‍कुन चींख़ू आलारो नीम गा अलखोर।

लू‍कस 6:25

ओहरे नीम अक्‍कु उड़तारका र'ऊ आलारो, नीम गा कीड़ा सार'ओर। ओहरे नीम अक्‍कु अलखू आलारो, नीम गा दुक्‍खे सार'ओर अरा चींख़ोर।

यॊहनस 4:14

लिकिन नॆ एंग्‍है चि'अना अम्मन ओन्‍दस आस फेन इकला हूँ ओनक'आ मल सार'ओस। एका अम्मन आस गे ऎन चि'अदन, आद आस नू ओन्‍टा पझरा फुटना ती जनमजुग उज्‍जनन चि'ओ।”

यॊहनस 6:27

नठारना ओन्ना-मॊख़ना गे अमा अर्ज'आ। लिकिन जनमजुग उज्‍जनन चि'ऊ ओन्ना-मॊख़ना गे अर्ज'आ। ई ओन्ना-मॊख़नन मनवा ख़द्दन ऎन चि'ओन, एन्‍देरगेका धर्मे बंगस एन्ने नन्‍ना ही अदियन एंगा चिच्कादस।”

यॊहनस 7:37

परब ही छेद्दे उल्‍ला मुध उल्‍ला नू येसुस इज्‍जस ती जॊरसरिया बाचस, “नीक‍ईम ओनक'आ सार'आ लगदर होले, एंग्‍है गुसन बरा ती ओना।

दहदर मंजका कत्‍था 7:16

आर अक्कु इकला हूँ कूल कीड़ा महले ओनक'आ मल सार'ओर, अरा आर गे बिड़ना ती महले ओरना ती इन्द्रिइम खिलपत मल मनो।