मत्तायोस 5:5 - पुना गच्छरना NT (BSI)

⁵ नॆ लुदऊ आलर र'अनर, आरिन धर्मेस आसीस ननोस, आर ख़ॆख़ेल ही उरुब मनोर।

मत्तायोस 5:5 ပူးပေါင်းရင်းမြစ်များ

मत्तायोस 11:29

एंग्‍है पगसिन नीम चेड़'आ अरा एंग्‍है ती सिख्र'आ, एन्‍देरगेका ऎन नर्मियाँ अरा जिया ती लुदऊ र'अदन, औंगे नीम निम्‍है जिया नू ख़न्‍न ऎख़्र'ओर।

मत्तायोस 21:5

“येरुसलॆम ता आलारिन ब'आ, ‘ऎरा, निंग्‍है बॆलस निंग्‍है गुसन बर'आलदस। आस लुदऊ र'अस, अरा गदहा नू ओक्‍कदस ती, गदही ख़द्द नू ओक्‍कदस ती बरदस’।”

रोमी 4:13

अब्राहमस अरा आसी बनस गोट्टा ख़ॆख़ेलन ख़क्‍ख'ओर एन्ने धर्मेस ती गच्‍छरका ख़क्‍खियर। ई गच्‍छरका पॆसकन पॆस्रना ती मला लिकिन पत्त'अना ती धर्मेसी ऎरना नू उजगो आल मन्ना ती ख़क्‍ख्रकी रहचा।

गलातिया 5:23

निभ्रना, अरा खतिर नन्‍ना रई। एन्ने एन्ने नलख ही बिड़दो नू एन्‍देर हूँ नॆग मल्‍ला।

इफेसुस 4:2

नीम सगरो निमन सन्नी नना ती लुदऊ गने अरा खतिर मन्ना ती र'आ, अरा ओर्त ओर्तोरिन सहना ती चोन्‍हा गने ऎका।

कोलोस्से 3:12

औंगे नीम धर्मेसी चाजरका आलर लेक्‍खा, नेम्‍हा अरा दुलार र'अना ती, नीम कोड़हे सोग्गेन अरा दया आबोन अरा लुदऊ मन्नन अरा नर्मियाँ आबोन अरा खतिर मन्नन अत्ता।

1 तीमोथियुस 6:11

लिकिन अना तिमोथियु, धर्मेसी आलायो, नीन इबड़ा उर्मी कत्‍था ती तरकूटी र'आ, अरा मानिम डहरे नू उजगो ऎका, अरा महबा, पत्त'अना, चोन्‍हा, सहेलहे अरा लुदऊ जिया नन्ना नू र'आ।

2 तीमोथियुस 2:25

अरा आस गे तंगन बिड़दो ननुरिन लुद‍ऊ जिया मनरकी बुझाब'अना र'ई। धर्मेस अबड़ा आलर ही जियन किर्त'आ गे लूर चि'ओस नेकअन, अरा आर हों मानिम आबोन अख़'ओर।

तीतुस 3:2

आर नेक'आनिम आर ही बिड़दो नू ब'अनुम अम्‍बोर नठाब'आ, अरा आर अरबानखर'ऊ अम्‍बोर र'आ। अरा आर गे लुदऊ मन्‍ना र'ई, अरा ओर्मर गने तमन कोहाँ लेक्‍खा मला सन्नी लेक्‍खा ईद'उर र'अना र'ई।

याकॊब 1:21

औंगे उर्मी मदहे ही सोतबोड़'आ अरा मलदौ नलखन निम्है उज्जना ती तरकूटी नना ती निम्है जिया नू धर्मेसी चाँख़का कत्‍था आबोन लुदऊ ती इंझ्र'आ। आ कत्था निम्‍है जियन नाड़ा गे सवंगिय र'ई।

याकॊब 3:13

निम्है मझी नू नॆ लूरगर अरा बुझुर'ऊ र'अदस? आस तंग्है दौ उज्जना ओक्कना ती अदन ऎद्ददस नेकअन। अरा अदन लूर ती बरना लुदऊ मन्ना ती तंग्है दौ नलख गुट्ठिन नन्दस ऎद्ददस नेकअन।

1 पतरस 3:15

लिकिन नीम मसीसिन निम्‍है उज्जना नू उर्बस ब'अरकी इंझ्ररकी आसिन मईन नना। अरा नेकईम मसीसी मइय्याँ ता निम्है असरा ही पत्त नू इन्द्रिइम मेन्नर होले, आर गे अदही पत्त नू बुझुरत'आ गे सगरो सपड़ारका र'आ।

1 पतरस 3:4

लिकिन निम्है सिंगार गा निम्है भितरी उज्जना ही सिंगार र'अना र'ई। नीम निमन लुदऊ अरा सल जिया ती सिंगार'आ। ईदिम मल नठारना सिंगार हवे, अरा धर्मेसी ऎरना नू कोड़हे मान ही र'ई।