मत्तायोस 5:12 - पुना गच्छरना NT (BSI)

¹² औंगे नीम रिझ्रके, रिरयारके, एन्‍देरगेका निमा गे मेर्ख़ा नू कोहाँ इन‍म र'ई। अरा सुरता नाना का चिरान ता धर्मेसी कत्‍था तिंगुरिन हूँ आर एन्नेम खिलपत नंजका रहचर।

मत्तायोस 5:12 ပူးပေါင်းရင်းမြစ်များ

मत्तायोस 16:27

मनवा ख़द्दन ऎन एम्‍बासी महबा अरा आसी पैकर गने किर्रोन। अरा आ उल्‍ला ऎन ओर्मर गे तम्‍‍है तम्‍‍है नलख लेक्‍खा ख़ंजपा चि'ओन।

मत्तायोस 6:16

नीम उपास ननो बारी उतुरमाड़ुर लेक्‍खा मुहिन हेन्दव'अके ती उपास अमके नना। आर तम्‍है मुहिन मड़ख़नर चि'अनर, एकत्रु आलर अख़'ओर का आर उपास र'अनर। ऎन निमन मानिमन ब'अदन का आर तम्‍है आसीस ख़क्‍खा ख़च्‍चियर।

लू‍कस 13:34

अना येरुसलॆम ता आलारो, नीम धर्मेसी कत्‍था तिंगुरिन पिटकर अरा नॆकन धर्मेस निम्है गुसन त‍इय्यस आरिन पखना ल'अदर ती पिटदर। ख़ॆर तंग्‍है ख़द्दन डेना किइय्या ख़िवड़'ई, अन्नेम धर्मेस हूँ ढ़ॆर हॆल निम्है ख़द्दारिन ख़ेवड़'आ बिद्दियस, लिकिन नीम एन्ने नना मल चिच्‍चकर।

लू‍कस 6:23

आर इबड़न नन्नर ख़ने नीम खुसमार'अरकी रिझ्र'आ, एन्‍देरगेका मेर्ख़ा नू निमा ख़क्ख्र'ऊ इनाम कोहाँ र'ई। सुरता नना का आर ही पूरखर हूँ धर्मेसी कत्‍था तिंगुर गने एन्नेम ननालियर।

लू‍कस 6:35

औंगे अपन बैरीरिन चोन्‍हा नना अरा आर गे दौ नना। अरा ख़क्‍खना ही असरा मल ननरकी नहड़ा चि'आ। होले निमा गे बग्‍गे इनाम ख़क्‍ख्र'ओ, अरा नीम उर्मी ती मेच्‍छा नू र'ऊ धर्मेसी ख़द्दर लेक्‍खा मनोर। सुरता ननके का धर्मेस गा धन्‍यबाद मल नन्नुर अरा मलदौ आलर मइय्याँ हूँ सोग्‍गे ऎरदस।

त‍इरकर 16:25

अधरात माख़ा नू पौलुस दरा सीलास गोहरारनुम धर्मेसिन भजन नना लगियर। अरा गुड़रकर आर ही भजनन मेना लगियर।

त‍इरकर 5:41

त‍इरकर रिझ मंजर ती कोहाँ सभा एड़पा ती उरखर। एन्‍देरगेका आर येसुसी नामे चड्डे मार मॊख़ा गे अरा लज्‍जे मॊख़र'आ गे जॊगे गन्‍तारर।

रोमी 5:3

अरा ईद ती लेका मला नाम नम्‍है खिलपत नू हूँ रिझ्रदत। एन्‍देरगेका नाम अख़दत का खिलपत ती सहना,

1 कोरिन्‍थ 3:8

इद'उस अरा अम्म टेड़'उस इरबर ही मूल्‍ली ओन्‍टा दिम र'ई। आर ओर्त ओर्त तंग्‍‍हा तंग्‍हा अर्ज'अना लेक्‍खा बनी ख़क्‍खोर।

2 कोरिन्‍थ 4:17

बग्गे उल्ला मल र'अना अक्‍कु ता एम्‍है कट्टी गुसर खिलपत गा एमा गे अकय कोहाँ अरा कोड़हे जनमजुग महबन कुन्द्रत'ई।

फिलिप्‍पी 1:29

एन्‍देरगेका मसीस नू पत्त'आ गे लेका मला, लिकिन आसी चड्डे सस्ती अरा खिलपत हूँ सह'आ गे हूँ ईद निमा गे चीरकी र'ई।

फिलिप्‍पी 2:17

लिकिन निम्‍है पत्त'अना धर्मेस गे अरगतारना दाँड़े बेसे र'ई। ई लेक्खम ऎन एंग्है ख़ॆंसन बाहतारना बेसे धर्मेस गे एंगन दाँड़े अरग'ओन होले हूँ, ऎन निम्‍है ओर्मर गने रिझ्र'ओन अरा रिरयार'ओन।

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

कोलोस्से 3:24

एन्‍देरगेका नीम उर्बा मसीस गे सुसर नन्दर, नीम अख़दर का इदही इनाम बेसे नीम उर्बस ती आसीस आबोन ख़क्खोर।

1 थेस्‍सलोनिकॆयर 2:15

आरिम उर्बा येसुसिन अरा धर्मेसी कत्‍था तिंगुरिन पिटियर। अरा एमन हूँ खिलपत नंजर। अरा आर धर्मेसिन मल रिझाब'अनर अरा ओर्मारिन हींड़नर।

इब्रानी 10:34

अरा नीम हॆंरका आलर ही दुक्‍खे नू हूँ दुक्‍खे सारचकर। अरा इकला निम्‍है ओर्मा खुर्जी निम्‍है ती होरा, अदिन नीम रिझ गने इंझ्रकर, एन्‍देरगेका नीम अक्‍कर का इबड़ा ती कोड़हे बॆस अरा उर्मी उल्‍ला मल नठार'ऊ खुर्जी निमा गे ख़क्ख्र'ऊ र'ई।

इब्रानी 11:26

आस मसीस गे हींड्रनन मिसर ता खुर्जी ती कोहाँ जॊगे बुझ्रस। आस गा धर्मेसी बरना कोड़हे इनाम गे पाब ऎरा लगियस।

इब्रानी 11:33

पत्त'अना ती ईर राजी गुट्ठिन जित्तचर, अरा एन्‍द्रा ठौका रहचा अदिन नंजर, अरा धर्मेस एन्‍द्रा गच्‍छरकाचस अदिन ख़क्खियर, अरा लकड़ा गुट्ठी ही ब‍इय्यन खप्‍पा बाचर।

इब्रानी 11:6

बिगर पत्त'अना ती धर्मेसिन नॆ हूँ इकला हूँ रिझ्रत'आ पोल्‍लोर। एन्‍देरगेका धर्मेस गुसन बरना आलर पत्त'अना र'ई का धर्मेस र'अस अरा आस तंगन बिद्दू आलर गे इनाम चि'ओस।

याकॊब 1:2

अना एंग्‍है भईरो, एका एका बारी निमा गे कैनो रकम ही सस्ती गुट्ठी मनी, आ बारी निम्है पत्त'अना ही बिढ़्रना निमा गे खतिर म‍न्नन चि'ई एन्ने अक्कर ती अदन रिझ्रना बुझुरके।

याकॊब 5:10

अना भईरो, उर्बासी नामे नू कछनख्रका धर्मेसी कत्था तिंगुर ही पत्त नू सोच'आ। आर ख़तिर गने सस्‍ती चॊद'आलियर। इदन नीम ओन्टा नमुना अख़'आ।

1 पतरस 4:13

लिकिन मसीसी सस्ती गुट्ठी नू ऎम हूँ मेस्रदम एन्ने सोच'अरकी रिझ्र'आ। ख़ने आसी महबा दहदर मन्ना ही बेड़ा नू नीम अउर कोड़हे रिरयार'ओर।