मत्तायोस 5:1 - पुना गच्छरना NT (BSI)

¹ येसुस कोहाँ आल गोंहड़न ईरयस ख़ने परता मइय्याँ अरगियस ती उक्‍कियस केरस। अरा आसी चेलर आसी गुसन बरचर।

मत्तायोस 5:1 ပူးပေါင်းရင်းမြစ်များ

मत्तायोस 13:2

अरा आसी गुसन कोहाँ गोंहड़ा ई कोड़हे खोपरा केरा का आस ओन्‍टा डोंगा नू अर्गियस ती उक्‍कियस केरस। अरा गोट्टा गोंहड़ा पिंडी नू रहचा।

मत्तायोस 15:29

येसुस असलेक गलिलेया समुदर हेद्दे बरचस ती परता मइय्याँ अर्गियस ती उक्‍कियस केरस।

मत्तायोस 4:25

गलिलेया जिला, देकापोली, येरुसलॆम, यूदेया जिला दरा यरदन ख़ाड़ ही आ पक्‍खे ती बरचका ओन्टा कोहाँ गोंहड़ा येसुसी ख़ॊख़ा गुड़ियारा।

मत्तायोस 5:2

अरा एन्ने ब'अनुम आरिन सिखाब'आ हेलरस।

मरकुस 3:13

फिन आस ओन्‍टा परता म‍इय्‍याँ अरगियस, अरा आस नॆकन तंग्‍है गने चॊंख़्र'आ गे मने नंजस, आरिन तंग्‍है गुसन मीख़ियस, आर हूँ आस गुसन बरचर।

मरकुस 3:20

ख़ॊख़ा येसुस ओन्‍टा एड़पा नू कोरचस, ख़ने गोंहड़ा अउरिम ख़ॊंड़र'आ हेलरा। औंगेम आस अरा आसी चेलर गे मंडी ओना गे हूँ बेड़ा मल ख़क्‍खरा।

मरकुस 4:1

येसुस फिन गलिलेया समुदर ही पिंडी नू सिखाब'आ हेलरस। आसी चरियो तरा कोहाँ गोंहड़ा ख़ॊंड़रा केरा। ख़ने आस समुदर नू इज्जका ओन्‍टा डोंगा नू अरगियस ती उक्‍कियस, इदगे का गोंहड़ा आसिन अम्‍बो थोकबोकामब'आ, अरा आस आरिन ब'आ ओंगोस। उर्मी गोंहड़ा समुदर ही पिंडी नू रहचा।

लू‍कस 6:12

अबड़ा उल्‍ला नू आस ओन्‍टा टुंगरी म‍इय्याँ गोहरार'आ केरस, अरा धर्मेस ती गोहरारना नू गोट्टा माख़ा पहा बाचस।

लू‍कस 6:17

तहाँ येसुस तंग्‍है बारा चेलर गने टुंगरी ती इत्तियस ती टोंका अड्डा नू इज्‍जस। आसी चेलर ही ओन्‍टा कोहाँ गोंहड़ा असन रहचा। अरा येरुसलॆम नगरे अरा यूदेया जिला ही नन्ना अड्डा अरा समुदर पिंडी ता नगरे तुरोस अरा सीदॊन ती बरचका ओन्‍टा कोहाँ गोंहड़ा हूँ असन रहचा।

लू‍कस 6:20

ख़ने येसुस तंग्‍हा चेलर तरा किर्रे ईरीयस ती बाचस, “अना मलकारो धर्मेस निम्हा ती खुसमारदस, एन्‍देरगेका धर्मेसी राजी निम्‍है दिम हवे।

लू‍कस 9:28

इबड़ा कत्‍था तेंगना ही आठ उल्‍ला ख़ॊख़ा येसुस पतरस अरा यॊहन‍ अरा याकॊबसिन तंग्‍है गने होच्‍चस ती परता म‍इय्याँ बिन्‍ती नना गे केरस।

यॊहनस 6:15

ख़ने येसुस अक्‍खस का ईर बड़पेलहा ती तंगन आर ही बॆल कम'आ गे सपड़ारका र'अनर। ख़ने आस ओर्तेलेका परता नू गुच्‍छरस केरस।